SIFUNDVO 15
Khuluma Ngekuciniseka
1 Thesalonika 1:5
LOKUFANELE UKWENTE: Khombisa labakulalele kutsi uyawakholelwa emaciniso lokhuluma ngawo nekutsi kubalulekile loko lokhuluma ngako.
INDLELA YEKUKWENTA:
-
Lungiselela kahle. Yidadishe kahle inkhulumo yakho uze uwati kahle emaphuzu lamcoka nekutsi ahlobana kanjani nemiBhalo loniketwe yona. Yetama kuchaza emaphuzu lamcoka ngemavi lambalwa nalamelula. Naka kakhulu emaphuzu latawusita labakulalele. Thandaza kuJehova kute akuphe umoya longcwele.
-
Sebentisa emagama lendlulisela kuciniseka kulabakulalele. Kunekutsi uphindze emagama labhalwe phansi, sebentisa emavi akho. Sebentisa emagama lakhombisa kutsi uyaciniseka ngaloko lokushoko.
-
Khuluma ngemdlandla. Khuluma ngelivi lelifanele. Nangabe kuvumelekile, ungachubeka ubabuka labakulalele.
