SIFUNDVO 16
Iyakha Futsi Iyakhutsata
Jobe 16:5
LOKUFANELE UKWENTE: Kunekutsi ukhulume ngetinkinga, khuluma kakhulu ngetintfo letiniketa litsemba kanye netintfo letikhutsatako.
INDLELA YEKUKWENTA:
-
Lwela kuba nembono lomuhle ngalabakulalele. Bani nelitsemba lekutsi bantfu lokholwa nabo bayafuna kujabulisa Jehova. Nangabe kufanele unikete seluleko, kwekucala ncoma ngalokusuka enhlitiyweni, futsi loko ukwente nakunesidzingo.
-
Ungakhulumi kakhulu ngetindzaba letimbi. Khuluma ngalokubi nangabe ufuna kucacisa liphuzu lelitsite noma nawufuna kufeza injongo lenhle. Kuyo yonkhe inkhulumo yakho khuluma ngetintfo letinika litsemba.
-
Lisebentise kahle livi laNkulunkulu. Khuluma ngekutsi yini Jehova layentile, layentako, nalatayentela bantfu esikhatsini lesitako. Yenta labakulalele kutsi babe nelitsemba futsi ubacinise.
