Lungiselela kahle futsi uthantaze. Thantaza ucele lusito lwekutsi ungatigcabhi, kepha unake indzaba lokhuluma ngayo. Kufanele emaphuzu lotawukhuluma ngawo akhanye engcondvweni yakho. Esikhundleni sekumane ufundze phansi, khuluma ngalokusuka enhlitiyweni.

Khuluma ngendlela lesuka enhlitiyweni. Tibute kutsi kungani bantfu labakulalele badzinga kukuva lokushoko, bese ucabanga ngabo nawusakhuluma. Loko kutawenta kutsi buso bakho, indlela loma ngayo, naloshukumisa ngayo umtimba wakho kukhombise bungani nekuciniseka ngalokushoko.

Babuke bantfu lokhuluma nabo. Babuke emehlweni nangabe kwenta njalo kukahle endzaweni yakini. Nawubeka inkhulumo, buka umuntfu munye ngesikhatsi, esikhundleni sekumane uhambise emehlo kubo bonkhe labakulalele.