SIFUNDVO 18
Singawabona Njani EmaKhristu Eliciniso?
Bantfu labanyenti batsi bangemaKhristu. Nobe kunjalo, abakholelwa entfweni yinye futsi baphila ngetimiso letingafani. Ngako-ke, singawabona njani emaKhristu eliciniso?
1. Uyini umKhristu?
EmaKhristu bafundzi nobe balandzeli baJesu Khristu. (Fundza Imisebenti 11:26.) Bakhombisa njani kutsi babafundzi baJesu? Jesu watsi: “Nanigcina emavi ami, nisuke nibafundzi bami sibili.” (Johane 8:31) Loku kusho kutsi emaKhristu eliciniso kufanele ente loko Jesu lakufundzisa. Jesu bekafundzisa loko lokushiwo liBhayibheli, futsi nalabo lababafundzi bakhe sibili benta intfo lefanako.—Fundza Lukha 24:27.
2. EmaKhristu eliciniso akhombisa njani kutsi ayatsandzana?
Jesu watsi kubalandzeli bakhe: “Nitsandzane njengobe nami nginitsandzile.” (Johane 15:12) Jesu wakhombisa njani kutsi uyabatsandza bafundzi bakhe? Wacitsa sikhatsi nabo, wabakhutsata futsi wabasita. Waze wanikela nangekuphila kwakhe ngenca yabo. (1 Johane 3:16) Ngendlela lefanako, labo lababalandzeli bakhe sibili abagcini nje ngekusho kutsi bayatsandzana, kodvwa baphindze bakhombise nangetento.
3. Ngumuphi umsebenti lowentiwa ngemaKhristu sibili?
Jesu waniketa bafundzi bakhe umsebenti. “Wabatfuma kutsi bayoshumayela ngeMbuso waNkulunkulu.” (Lukha 9:2) EmaKhristu angelikhulu lekucala bekangashumayeli nje kuphela etindzaweni tawo tekukhontela, kodvwa bekashumayela nasetindzaweni tawonkhewonkhe kanye nasemakhaya ebantfu. (Fundza Imisebenti 5:42; 17:17.) Nalamuhla, ngendlela lefanako, emaKhristu sibili ashumayela liciniso leliseBhayibhelini nobe ngabe ngukuphi lakutfolakala khona bantfu. Ayabatsandza bomakhelwane bawo, ngako ayakujabulela kucitsa sikhatsi nemandla awo abatjela ngemlayeto loseBhayibhelini loniketa litsemba nendvudvuto.—Makho 12:31.
CHUBEKA UFUNISISA
Cabanga ngekutsi yini leyenta emaKhristu eliciniso ehluke kubantfu labangatilandzeli timfundziso taJesu nesibonelo sakhe.
4. Bafunisisa liciniso leliseBhayibhelini
EmaKhristu angelikhulu lekucala bekalitsatsa njengalelibalulekile liVi laNkulunkulu
Labanye bantfu labatsi bangemaKhristu, abakuboni kubaluleka kwekutfola emaciniso laseBhayibhelini nobe kuwasebentisa ekuphileni kwabo. Dlala le-VIDEO, bese nicoca ngalombuto lolandzelako.
-
Yini leyentiwe masontfo latsi ebuKhristu lekhombisa kutsi ehlulekile kufundzisa bantfu loko lokwafundziswa nguJesu?
Jesu bekafundzisa liciniso leliseVini laNkulunkulu. Fundza Johane 18:37, bese nicoca ngalombuto:
-
Ngekusho kwaJesu, singawabona njani emaKhristu ‘laphila ngeliciniso’?
5. Bashumayela liciniso leliseBhayibhelini
EmaKhristu angelikhulu lekucala ashumayela labanye
Ngaphambi kwekutsi Jesu abuyele ezulwini, waniketa balandzeli bakhe umsebenti losentiwa nalamuhla. Fundza Matewu 28:19, 20 neMisebenti 1:8, bese nicoca ngalombuto:
-
Umsebenti wekushumayela bewutakwentiwa ngelizinga lelingakanani futsi khashane kangakanani?
6. Benta ngekuvumelana naloko labakushumayelako
Yini leyacinisekisa indvodza lokutsiwa nguTom kutsi beseyitfole inkholo yeliciniso? Dlala le-VIDEO, bese nicoca ngalemibuto lelandzelako.
-
Kule-video, yini leyenta Tom wangasayitsandzi inkholo?
-
Yini leyamenta waciniseka kutsi sewutfole liciniso?
Tento tibaluleke kakhulu kwendlula loko lesikushoko. Fundza Matewu 7:21, bese nicoca ngalombuto:
-
Yini lebaluleke kakhulu kuJesu, nguloko lesitsi siyakukholelwa nobe nguloko lesikwentako?
7. Bayatsandzana
EmaKhristu angelikhulu lekucala atsandzana
EmaKhristu ayakufaka yini kuphila kwawo engotini ngenca yalamanye emaKhristu lakanye nawo? Dlala le-VIDEO, bese nicoca ngalemibuto lelandzelako.
-
Kule-video, yini leyenta Lloyd wafaka kuphila kwakhe engotini ngenca yeMzalwane Johansson?
-
Ucabanga kutsi loko lakwenta kwakhombisa kutsi ungumKhristu sibili yini?
Fundza Johane 13:34, 35, bese nicoca ngalemibuto lelandzelako:
-
Bafundzi baJesu (emaKhristu sibili), babaphatsa njani bantfu beluhlanga nobe bebuve lobehlukile?
-
Bangakwenta njani loko nakunemphi?
LABANYE BANTFU BATSI: “EmaKhristu ente tintfo letimbi kakhulu ngako kushiwo ngani kutsi anenkholo yeliciniso?”
-
Ngumuphi umbhalo longawufundza kuze ubakhombise kutsi singawabona njani emaKhristu eliciniso?
LOKO LESICOCE NGAKO
EmaKhristu eliciniso enta loko lokufundziswa liBhayibheli, anelutsandvo lwekutidzela futsi ashumayela ngeliciniso leliseBhayibhelini.
Yini Loyifundzile?
-
Kukholwa kwemaKhristu eliciniso kusekelwe kuphi?
-
Ngubuphi buntfu emaKhristu eliciniso labonakala ngabo?
-
EmaKhristu eliciniso enta muphi umsebenti?
LOKUNYE LONGAKUHLOLA
Fundza lokunyenti ngelicembu lebantfu lelenta konkhe lokusemandleni alo kuze lilandzele sibonelo saJesu Khristu kanye naloko lakufundzisa.
Fundza kutsi yini leyasita lona wesifazane watfola ‘bantfu labatsandza Nkulunkulu.’
Fundza indlela emaKhristu sibili lakhombisa ngayo kutsi ayabatsandza labo labakholwa nabo ngekubasita nabadzinga lusito.
Hlola loko Jesu latsi emaKhristu eliciniso angelikhulu lekucala newalamuhla bekatawubonakala ngako kutsi abalandzeli bakhe.
Lokunye Longatsandza Kukuhlola
IMIBUTO BANTFU LABAVAMISE KUYIBUTA
Siyini Sifundvo SeliBhayibheli Lesichutjwa BoFakazi BaJehova?
Ungasebentisa nobe ngabe nguliphi lihumusho leliBhayibheli nawutadisha naBoFakazi BaJehova. Ukhululekile kumema umndeni wakho wonkhe nobe bangani bakho kutsi babe khona nawufundza.
