Indlela yekuzuza kakhulu kuletifundvo letisekelwe eBhayibhelini
Calani nicoce ngendlela lencwadzi lehlelwe ngayo, bese nidlala le-VIDEO.
INCENYE YEKUCALA
Kuze ulungiselele sifundvo ngasinye, fundza incenye yekucala. Imibuto (A) kanye nemibhalo (B) legcamile igcizelela emaphuzu layinhloko. Naka kutsi leminye imibhalo ibhalwe kutsi “fundza.”
INCENYE LESEMKHATSINI
Umusho wekucala (C) longephansi kwencenye letsi Chubeka Ufunisisa uchaza loko lokutawube kukhulunywa ngako. Tihlokwana (D) tetfula emaphuzu lokutawucocwa ngawo. Unaloyo lokufundzelako, fundza imibhalo, uphendvule imibuto futsi ubukele nema-video.
Emabhokisi ema-VIDEO akucondzisa kulongakubukela lokuhambisana nalokufundzako. Lamanye alama-video achaza tintfo letenteka. Lamanye awaveti tintfo letenteka, kodvwa afanekisela tintfo letingenteka.
Bukisisa titfombe nekukhulunyelwa kwato (E), bese ucabanga indlela lotawuphendvula ngayo encenyeni letsi Labanye Bantfu Batsi (F).
INCENYE YEKUGCINA
Sifundvo ngasinye siphetsa ngencenye letsi Loko Lesicoce Ngako naletsi Yini Loyifundzile? (G). Bhala lilanga locedze ngalo sifundvo ngasinye. Ngephansi kwesihlokwana lesitsi Umgomo (H), uniketwe loko longakwenta kuze uchubeke ufundza nobe indlela yekusebentisa loko lokufundzile. Ngephansi kwesihloko lesitsi Lokunye Longakuhlola (I) utawutfola kwatiswa lokwengetiwe longakufundza nobe tintfo longatibukela.
Indlela yekutfola emavesi eliBhayibheli
LiBhayibheli lakhiwa tincwadzi letincane letingu-66. Lehlukene laba tincenye letimbili: ImiBhalo YesiHebheru neYesi-Aramu (“LiThestamente Lelidzala”) kanye nemiBhalo YesiGriki (“LiThestamente Lelisha”).
Imibhalo lekhonjiwe kulencwadzi ibonakala ngencwadzi yeliBhayibheli (A), kulandzele sehluko (B), kanye nelivesi nobe emavesi (C).
Nasi sibonelo, Johane 17:3 usho incwadzi yaJohane, sehluko 17, vesi 3.
Lokunye Longatsandza Kukuhlola
IMIBUTO BANTFU LABAVAMISE KUYIBUTA
Siyini Sifundvo SeliBhayibheli Lesichutjwa BoFakazi BaJehova?
Ungasebentisa nobe ngabe nguliphi lihumusho leliBhayibheli nawutadisha naBoFakazi BaJehova. Ukhululekile kumema umndeni wakho wonkhe nobe bangani bakho kutsi babe khona nawufundza.
