LIBHOKISI LEKUFUNDZISA 18A
Jehova Wecwayisa Ngekuta Kwemphi Lenkhulu
LiBhayibheli licuketse tiphrofetho letinyenti letecwayisa ngemphi yekugcina lapho khona Jehova atawucotfula bonkhe labamelene naye nalabamelene nebantfu bakhe. Langentasi kubhalwe letinye tato. Naka kufana lokukhona kuletecwayiso, unake nekutsi Jehova ucikelele kutsi bonkhe bantfu bayalitfola litfuba lekutiva nelekutsatsa sinyatselo.
NGEMALANGA AKA-ISRAYELI WASENDVULO
HEZEKELI: “INkhosi Lephakeme Jehova itsi: ‘Ngitawubita inkemba imelane naye [Gogi] kuto tonkhe tintsaba tami.’”—Hez. 38:18-23.
JEREMIYA: “Bonkhe bantfu batawehlulelwa [nguJehova] matfupha. Futsi utababulala ngenkemba bantfu lababi.”—Jer. 25:31-33.
DANYELA: “Nkulunkulu welizulu utawubeka umbuso . . . lotawupitjita yonkhe lemibuso.”—Dan. 2:44.
LIKHULU LEKUCALA LEMINYAKA C.E.
JESU: “Kutawuba nekuhlupheka lokukhulu lokungazange sekube khona kusukela kwaba khona umhlaba.”—Mat. 24:21, 22.
PAWULA: ‘Jesu netingilosi takhe letinemandla batawuphindzisela kulabo labangamati Nkulunkulu.’—2 Thes. 1:6-9.
PHETRO: “Lilanga laJehova litawufika njengelisela, . . . nemhlaba kanye nemisebenti lekuwo kutawembulwa.”—2 Phet. 3:10.
JOHANE: “Emlonyeni [waJesu] kuphuma inkemba lekhaliphako futsi lendze latawushaya ngayo tive.”—Semb. 19:11-18.
ESIKHATSINI SALAMUHLA
LiBhayibheli liyincwadzi lehunyushwe futsi yasakatwa ngelizinga lelikhulu kakhulu emlandvweni
TINCEKU TAJEHOVA TESIKHATSI SALAMUHLA . . .
-
Tisakata tigidzigidzi temakhophi etincwadzi letisekelwe eBhayibhelini ngetilwimi letinyenti
-
Minyaka yonkhe ticitsa ema-awa langemakhulu etigidzi tishumayela
