INCENYE 2
“Ningcolise Indzawo Yami Lengcwele”—Kukhonta Lokuhlantekile Kuyangcoliswa
LOKUTAWUKHULUNYWA NGAKO: Kungahlanteki kwendlela bantfu bakaJuda nebaseJerusalema labatiphatsa ngayo nalabakhonta ngayo Nkulunkulu
Jehova bekawatsandza ema-Israyeli futsi awanakekela njengobe ‘bekayimphahla yakhe leligugu.’ (Eks. 19:5, ftn.) Kodvwa Jehova ambonga ngekutsi akhonte bonkulunkulu bemanga ethempelini lelibitwa ngelibito lakhe. Amvisa buhlungu kakhulu Jehova futsi amhlambalata. Yini leyenta ema-Israyeli atingcolisa ngalendlela? Yini lesingayifundza esiphrofethweni saHezekeli lesimayelana nekubhujiswa kweJerusalema? Ngutiphi tifundvo lesingatitfola endleleni ema-Israyeli lebekasebentelana ngayo netive letibomakhelwane?
LOKUKULELIKHASI
SEHLUKO 5
Buka “Letintfo Letimbi Naletenyanyekako Labatenta Lapha”
Hezekeli ubona tintfo letetfusako letikhombisa kukhohlakala kwalesive.
SEHLUKO 6
“Kuphela Sekunifikele”
Imiboniso lesiphrofetho leyentiwa nguHezekeli ibiketela indlela Jehova layitfukutselele ngayo iJerusalema.
SEHLUKO 7
Tive ‘Titawukwati Kutsi Mine NginguJehova’
Tive letihlambalata libito laJehova tiphindze tiphatse kabi bantfu bakhe, angeke tiyibalekele imiphumela yetento tato. Ngutiphi tifundvo lesingatifundza endleleni ema-Israeyeli laphatsa ngayo letive?
