INCENYE 3
Kwakunjani Kuphila EPharadisi?
Jehova wanika Adamu na-Eva tintfo letinyenti letinhle. Genesisi 1:28
Jehova wadala Eva, umuntfu lomsikati wekucala, futsi wamletsa ku-Adamu kutsi abe ngumfati wakhe.
Jehova wabadala banetingcondvo nemitimba lete sono, lete nesici.
Likhaya labo leliliPharadisi kwakuyinsimi yase-Edeni
Jehova abekhuluma nabo, futsi abafundzisa. Kube bamlalela, bebayawuphila phakadze ePharadisi emhlabeni.
Nkulunkulu bekatsite bangadli esihlahleni lesisodvwa. Genesisi 2:16, 17
Lenye ingilosi yahlubuka kuNkulunkulu. Leyo ngilosi lembi nguSathane Develi.
Jehova wakhombisa Adamu na-Eva sihlahla setitselo lesisodvwa ensimini, futsi wabatjela kutsi nabasidla batawukufa.
Sathane abengafuni kutsi bo-Adamu na-Eva balalele Jehova. Ngako-ke wasebentisa inyoka kute atjele Eva kutsi nakangadla leso sitselo, angeke afe, kodvwa utawufanana naNkulunkulu. Ecinisweni lawo kwakungemanga laluhlata klaba!
Lokunye Longatsandza Kukuhlola
LiBhayibheli—Ngumuphi Umlayeto Leliwucuketse?
UMdali Ubeka Umuntfu EPharadisi
LiBhayibheli likuchaza njani kudalwa kwebantfu? Ngumiphi imitsetfo Nkulunkulu layinika bantfu bekucala?
