INCENYE 9
Litawufika Nini LiPharadisi?
Tinkinga letikhona lamuhla emhlabeni tifakazela kutsi uMbuso waNkulunkulu sewutawufika ngekushesha. Lukha 21:10, 11; 2 Thimothi 3:1-5
LiBhayibheli labiketela ngetintfo letinyenti letentekako lamuhla. Lasho kutsi bantfu batawutsandza imali, bangalaleli batali, babe nelulaka, futsi batsandze injabulo.
Kuyawuba nekutamatama lokukhulu kwemhlaba, timphi, kuswelakala kwekudla, kanye nekwandza kwetifo. Letintfo tiyenteka lamuhla.
Jesu waphindze watsi tindzaba letinhle teMbuso titawushunyayelwa kuwo wonkhe umhlaba.
UMbuso utawucedza bonkhe bubi. 2 Phetro 3:13
Ngekushesha nje, Jehova utawubhubhisa bonkhe bantfu lababi.
Sathane nemadimoni batawujeziswa.
Labo labalalela Nkulunkulu batawusindza, bangene eveni lelisha lekulunga, lapho kungeke kusabakhona kwesaba, futsi lokulive lapho bantfu batawube betsembana futsi batsandzana khona.
Lokunye Longatsandza Kukuhlola
TINCWADZI NETINCWAJANA
UMbuso WaNkulunkulu?
Ngesikhatsi asemhlabeni, Jesu waveta tintfo letinhle lebetitawentiwa nguloyo Mbuso.
TINCWADZI NETINCWAJANA
Kuyoke Kuphele Yini Kuhlupheka?
LiBhayibheli litsi Nkulunkulu uyakwenyanya kungalungi futsi ubakhatsalela mbamba bantfu. Loko kungasho kutsini kuwe?
