SANDZISANCHAZO
Ngubani Mikhayeli Ingilosi Lenkhulu?
SIDALWA semoya lesibitwa ngekutsi nguMikhayeli akukhulunywa ngaso kakhulu eBhayibhelini. Noko-ke, lapho kukhulunywa ngaso khona, senta lokutsite. Encwadzini yaDanyela, Mikhayeli ulwa netingilosi letimbi; encwadzini yaJuda kutsiwa ubangisana naSathane; kuSembulo, usemphini naDeveli nemadimoni akhe. Ngekulwela bukhosi baJehova nekulwa netitsa taNkulunkulu, Mikhayeli uphila ngekuvumelana nelibito lakhe lelitsi
Ngaletinye tikhatsi labanye bantfu banemabito lamanyenti. Sibonelo saloku kutsi Jakobe abebitwa nangekutsi ngu-Israyeli, umphostoli Phetro kutsiwa nguSimoni. (Genesisi 49:1, 2; Matewu 10:2) Ngendlela lefananako, liBhayibheli libonisa kutsi Mikhayeli ngulelinye libito laJesu Khristu, ngembi nangemuva kwekuba aphile lapha emhlabeni. Ase sibone-ke kutsi imiBhalo ikufazela njani loko.
Ingilosi lenkhulu. LiVi laNkulunkulu litsi Mikhayeli “ingilosi lenkhulu.” (Juda 9) Loku kubonisa kutsi kute ingilosi lefanana naye. Liciniso likutsi, ligama lelitsi “ingilosi lenkhulu” eBhayibhelini lisetjentiswa kuJesu Khristu kuphela, hhayi kuletinye tingilosi. Ngetulu kwaloko, nguJesu losesikhundleni sengilosi lenkhulu. Lapho ikhuluma ngeNkhosi Jesu Khristu, incwadzi ya-1 Thesalonika 4:16 itsi: “INkhosi lucobo lwayo iyakwehla ezulwini ngelivi lenhlokomo, nangeliphimbo lengilosi lenkhulu.” Ngako-ke, livi laJesu lichazwa ngekutsi lengilosi lenkhulu. Ngaleso sizatfu lombalo ukhombisa kutsi Jesu nguye longuMikhayeli, ingilosi lenkhulu.
UMholi Welibutfo. LiBhayibheli litsi ‘Mikhayeli netingilosi takhe balwa nanyokangwenya; . . . akanye netingilosi takhe.’ (Sembulo 12:7) Ngako-ke, Mikhayeli unguMholi welibutfo letingilosi letetsembekile. Incwadzi yeSembulo iphindze ichaze Jesu njengeMholi welibutfo letingilosi letetsembekile. (Sembulo 19:14-16) Umphostoli Pawula naye ngalokucondzile utsi “iNkhosi Jesu, . . . ikanye netingilosi tayo letinemandla.” (2 Thesalonika 1:7) Ngaloko-ke, liBhayibheli likhuluma ngaMikhayeli “netingilosi takhe” naJesu ‘netingilosi takhe.’ (Matewu 13:41; 16:27; 24:31; 1 Phetro 3:22) Njengobe liVi laNkulunkulu lingasho ndzawo kutsi kukhona emabutfo lamabili etingilosi letetsembekile ezulwini
^ sig. 1 Kute utfole kwatiswa kabanti ngekutsi Mikhayeli uyiNdvodzana yaNkulunkulu, fundza Umbhukudvu 2, we-Insight on the Scriptures, emakhasi 393-4 leshicilelwe boFakazi BaJehova.
