BALINDZI Balindzi babelwe kutsi banisite. Sicela nibambisane nabo ngekulandzela sicondziso sabo mayelana nekupaka, indlela yekuphuma nekungena enkhundleni yemhlangano, kubekwa kwetihlalo, kanye nalokunye.

LUBHABHATISO Tihlalo talabatawubhajatiswa titawuba sendzaweni lesembikwesiteji ngephandle nakunelushintjo. Labatawubhajatiswa kufanele babe sebahleti khona ingakacali inkhulumo yelubhabhatiso ngeMgcibelo ekuseni. Nguloyo naloyo kufanele aphatse lithawula netimphahla tekungena emantini letihloniphekile.

IMINIKELO Kube tindleko letinkhulu kutfola indzawo lenetihlalo letenele, imishini yekukhulisa umsindvo neyekudlala ema-video, kanye naleminye imisebenti leyenta sijabule kuba kulomhlangano kute sisondzele kuJehova. Iminikelo yenu lesuka enhlitiyweni iyasita kute kubhadalwe letindleko futsi kunikelelwe umsebenti wemhlaba wonkhe. Kuze kube melula, kubekwe emabhokisi emnikelo labhalwe ngendlela lecacile kuyo yonkhe lenkhundla. Ungaphindze unikele usebentisa i-website letsi, donate.pr418.com. Siyabonga ngayo yonkhe iminikelo. Sigungu Lesibusako naso siyanibonga nonkhe ngekusekela kwenu umsebenti wemhlaba wonkhe.

LUSITO LWEKUCALA Sicela nikhumbule kutsi lelihhovisi letimo letiphutfumako kuphela.

LOKULAHLEKILE KWAPHINDZE KWATFOLAKALA Tonkhe tintfo letitfolakele kufanele timikiswe eHhovisini Lalokulahlekile Kwaphindze Kwatfolakala. Nangabe kunalokukulahlekele, yani kulelihhovisi ufike ukhombe loko lokukwakho. Bantfwana labalahlekelene nebatali babo kufanele bamikiswe kulelihhovisi. Kute loku kungenteki, sicela nigadze bantfwana benu, futsi bahlale banani.

TIHLALO Sicela nicabangele labanye. Khumbula kutsi tihlalo ungatibekela umndeni wakho kuphela, bantfu lohamba nabo emotweni, lohlala nabo ekhaya, noma lofundza nabo liBhayibheli. Sicela ningabeki lutfo etihlalweni letiseceleni kwenu.

UMSEBENTI WEKUTITSANDZELA Nawufisa kusita kunobe ngumuphi umsebenti lokhona kulomhlangano, sicela watise Lihhovisi Lekwatiswa kanye neLetisebenti Tekutitsandzela.

Sikolwa SebaVangeli BeMbuso Emahlahlandlela lasemkhatsini weminyaka lengu-23 na-65 lafuna kwandzisa umsebenti wawo wekushumayela amenywa kutsi aye emhlanganweni walabafisa kuya eSikolweni Sebavangeli BeMbuso ngeLisontfo. Sikhatsi kanye nendzawo lotawubanjelwa kuyo kutawumenyetelwa.