INCENYE 2
Ngemuva kwaZamcolo Kuya Ekukhululweni EGibhithe
Basiphohlongo nje kuphela bantfu labasindza kuZamcolo, kepha njengoba sikhatsi sichubeka bandza baba tinkhulungwane letinyenti. Kwendlula iminyaka lengu-352 ngemuva kwaZamcolo, Abrahama wabese uyatalwa. Sitawufundza ngendlela Nkulunkulu lasigcina ngayo setsembiso sakhe ngekuniketa Abrahama indvodzana layetsa watsi ngu-Isaka. Nkulunkulu wakhetsa Jakobe kubantfwana ba-Isaka lababili.
Jakobe abenemndeni lomkhulu, abenemadvodzana langu-12 nemadvodzakati lamanyenti. Emadvodzana akhe langu-10 abemenyanya umnakabo lomncane Josefa, futsi amtsengisa eGibhithe kutsi ayoba sigcili. Ngekuhamba kwesikhatsi Josefa waba ngumbusi lobalulekile eGibhithe. Kwatsi nakufika indlala lenkhulu, Josefa wavivinya bomnakabo kute abone kutsi sebashintjile yini. Wonkhe umndeni waJakobe longema-Israyeli ekugcineni watfutsela eGibhithe. Loku kwenteka ngemuva kweminyaka lengu-290 Abrahama atelwe.
Ema-Israyeli ahlala eGibhithe iminyaka lengu-215. Ngemuva kwekufa kwaJosefa, abatigcili taseGibhithe. Ngekuhamba kwesikhatsi Mosi watalwa, futsi Nkulunkulu wamsebentisa kutsi akhulule ema-Israyeli eGibhithe. Seyiyonkhe iminyaka yemlandvo lehlanganisiwe Encenyeni YESIBILI, ingu-857.
LOKUKULELIKHASI
INDZABA 11
Umushi Wenkosazana Wekucala
Yini lekufanele uyikhumbule njalo nawubona umushi wenkosazana?
INDZABA 12
Bantfu Bakha Umbhoshongo Lomkhulu
Kwakhiwa kwembhoshongo akuzange kumjabulise Nkulunkulu kangangekutsi sijeziso lasikhokha siyasitsintsa natsi lamuhla.
INDZABA 13
Abraham—Umngani WaNkulunkulu
Yini leyenta Abrahama washiya likhaya lakhe lase-Uri lelihle wakhetsa kuyohlala emathendeni?
INDZABA 14
Nkulunkulu Uvivinya Kukholwa Kwa-Abrahama
Yini leyenta Nkulunkulu wacela kutsi Abrahama ente umhlatjelo nga-Isaka?
INDZABA 16
Isaka Utfola Umfati Lomuhle
Yini leyenta Rebheka waba ngumfati lokahle? Bekubuhle bakhe yini noma bekungulokunye?
INDZABA 17
Emaphahla Labengafani
Uyise, Isaka, abemtsandza kakhulu Esawu, kodvwa unina, Rebheka, abetsandza kakhulu Jakobe.
INDZABA 21
Josefa Utondvwa Bomnakabo
Yini lengenta labanye kubo kutsi bafune kumbulala abe angumnakabo?
INDZABA 22
Josefa Ufakwa Ejele
Josefa akafakwa ejele ngoba kukhona lakonile kepha ufakwe ejele ngoba ente lokulungile.
INDZABA 24
Josefa Uvivinya Bomnakabo
Utawubabona ngani kutsi sebashintjile kunangalesikhatsi bamtsengisa kutsi ayoba sigcili?
INDZABA 25
Umndeni WaJakobe Utfutsela EGibhithe
Yini leyenta kutsi bantfu labavela emndenini waJakobe babitwe ngekutsi ngema-Israyeli?
INDZABA 26
Jobe Abetsembekile KuNkulunkulu
Jobe walahlekelwa tintfo takhe, wangenwa kugula, waphindze wafelwa bantfwabakhe. Abejeziswa nguNkulunkulu yini Jobe?
INDZABA 27
INkhosi Lembi Ibusa EGibhithe
Yini leyenta lenkhosi yafuna kubulawe bonkhe bantfwana lababafana?
INDZABA 28
Indlela Luswane LolunguMosi Lolwasindziswa Ngayo
Unina utfola indlela yekubalekela umtsetfo wekubulawa kwabo bonkhe bantfwana lababafana labangema-Israyeli.
INDZABA 29
Lokwenta Mosi Wabaleka
Nakaneminyaka lengu-40 Mosi bekangati kutsi usengakakulungeli kukhulula ema-Israyeli.
INDZABA 30
Sihlahla Lesivutsako
Nkulunkulu utjela Mosi kutsi sewukulungele kukhulula ema-Israyeli eGibhithe asebentisa timangaliso.
INDZABA 32
Tishayo Letingu-10
Nkulunkulu washaya emaGibhithe ngetishayo letilishumi ngobe Faro inkhosi yawo anenkhani, angafuni kutsi ema-Israyeli ahambe.
INDZABA 33
Bewela Lwandle LoluBovu
Ema-Israyeli ewela emhlabatsini lowomile ngemuva kwekutsi Mosi ehlukanise emanti eLwandle Lolubovu ngemandla aNkulunkulu.
