INCENYE 5
Kusukela Ekutfunjweni EBhabhulona Kuya Ekwakhiweni Kabusha Kwetindvonga TaseJerusalema
Ngalesikhatsi ema-Israyeli asetfunjiwe eBhabhulona, lukholo lwawo lwavivinywa tikhatsi letinyenti. BoShadraki, Meshaki na-Abednego bajikijelwa ekhatsi elangabini lemlilo lowesabekako, kodvwa Nkulunkulu wabavikela baphuma baphilile. Ngekuhamba kwesikhatsi, liBhabhulona lancotjwa ngemaMede nemaPheresiya. Danyela wajikijelwa emgodzini wemabhubesi, kodvwa Nkulunkulu naye wamvikela ngekutsi avale imilomo yawo.
Ekugcineni inkhosi yasePheresiya lenguKhuresi yawakhulula ema-Israyeli. Abuyela emuva eveni lawo ngemuva kwekuba asatfunjwe iminyaka lengu-70 eBhabhulona. Intfo yekucala layenta nawefika eJerusalema, akha lithempeli laJehova. Kepha titsa tawo tawumisa lomsebenti. Ngako lithempeli lacedvwa kwakhiwa sekwendlule iminyaka lengu-22 ema-Israyeli abuyele eJerusalema.
Sitawuphindze sifundze ngeluhambo lwa-Ezra loluya eJerusalema ayolungisa lithempeli. Loku kwenteka ngemuva kweminyaka lengu-47 kuphelile kwakhiwa kwelithempeli. Ngako kwendlula iminyaka lengu-13 ngemuva kweluhambo lwa-Ezra, Nehemiya wase sewusita ekuvuseteleni tindvonga taseJerusalema letatidzilikile. Incenye YESIHLANU ihlanganisa iminyaka lengu-152 yemlandvo kuze kufike sikhatsi saNehemiya.
LOKUKULELIKHASI
INDZABA 79
Danyela Emgodzini Wemabhubesi
Danyeli bafuna kumbulala, kukhona yini lebekangakwenta kuze angabulawa?
INDZABA 80
Bantfu BaNkulunkulu Baphuma EBhabhulona
Inkhosi Khuresi yasePheresiya yagcwalisa siphrofetho ngesikhatsi ibhubhisa iBhabhulona yaphindze yagcwalisa lesinye.
INDZABA 81
Kwetsembela KuNkulunkulu
Ema-Israyeli akawulalelanga umtsetfo lebewushaywe bantfu ngoba abefuna kulalela Jehova. Nkulunkulu bekatawabusisa yini?
INDZABA 82
Modekhayi Na-Esta
Vashti beyiyinhle kodvwa iNkhosi Ahashiveroshi yakhetsa kutsi Esta kube nguye loba indlovukati lensha. Wakwentelani loko?
INDZABA 83
Tindvonga TaseJerusalema
Bantfu bekufanele bahlale baphetse tikhali netilimato tabo ngaso sonkhe sikhatsi nabasachubeka nemsebenti wekwakha tindvonga.
