INCENYE 8
Loko LiBhayibheli Lelikubiketelako Kuba Liciniso
LiBhayibheli aligcini nje ngekusitjela tindzaba letiliciniso letenteka kadzeni, kodvwa liphindze lisitjele ngaloko lokutawenteka esikhatsini lesitako. Bantfu angeke bakwati kusho loko lokutawenteka esikhatsini lesitako. Kungako sati kutsi liBhayibheli livela kuNkulunkulu. Litsini liBhayibheli ngelikusasa?
Lisitjela ngemphi lenkhulu yaNkulunkulu. Kulemphi Nkulunkulu utawuhlanta umhlaba ngekutsi asuse bonkhe bubi nebantfu labangakalungi, kodvwa utawuvikela labo labamkhontako. Inkhosi lemiswe nguNkulunkulu, lenguJesu Khristu, itawuciniseka kutsi tinceku taNkulunkulu tijabulela kuthula nentfokoto. Iyobangela nekutsi tingaphindze tigule nobe tife.
Angitsi siyajabula ngekutsi Nkulunkulu utawenta lipharadisi lelisha emhlabeni? Kodvwa kunalokutsite lokufanele sikwente kuze siphile epharadisi. Endzabeni yekugcina yalencwadzi sitawufundza ngaloko lokufanele sikwente kute sijabulele tintfo letinhle Nkulunkulu latigcinele labo labamkhontako. Ngako fundza INCENYE 8 utfole loko liBhayibheli lelikubiketelako ngelikusasa.
LOKUKULELIKHASI
INDZABA 114
Kuphela Kwabo Bonkhe Bubi
Yini leyenta Nkulunkulu atfumele libutfo leliholwa nguJesu kutsi liyokulwa emphini ye-Amagedoni?
INDZABA 115
LiPharadisi Lelisha Emhlabeni
Bantfu bake bahlala emhlabeni lolipharadisi futsi kusetakwenteka.
INDZABA 116
Indlela Yekutfola Kuphila Lokuphakadze
Kukhona yini lokunye lokudzingekako lokungetulu kwekufundza ngaJehova nangaJesu? Nakukhona, kuyini?