INdzaba 1

1. Tavela kuphi tonkhe tintfo letinhle, futsi ungakusho yini lokukodvwa kwato?

2. Nguyiphi intfo yekucala Nkulunkulu layidala?

3. Kungani ingilosi yekucala yayibalulekile?

4. Chaza kutsi umhlaba wawunjani ekucaleni. (Buka sitfombe.)

5. Nkulunkulu wawulungisa kanjani umhlaba kuze bantfu netilwane bakwati kuhlala kuwo?

Imibuto leyengetiwe:

1. Fundza Jeremiya 10:12.

   Ngutiphi tici tebuntfu baNkulunkulu letibonakala endalweni yakhe? (Isa. 40:26; Rom. 11:33)

2. Fundza Kholose 1:15-17.

   Nguyiphi indzima leyadlalwa nguJesu ekudaleni, futsi loko kufanele kuyitsintse kanjani indlela lesimbheka ngayo? (Khol. 1:15-17)

3. Fundza Genesisi 1:1-10.

   1. Wavela kuphi umhlaba? (Gen. 1:1)

   2. Yini leyenteka ngelilanga lekucala lekudala? (Gen. 1:3-5)

   3. Ase usho kutsi kwentekani ngelilanga lesibili lekudala. (Gen. 1:7, 8)

INdzaba 2

1. Nkulunkulu wawulungisa kanjani umhlaba kutsi ube likhaya lelihle?

2. Ase ubale tonkhe tinhlobo tetilwane Nkulunkulu latidala. (Buka sitfombe.)

3. Kungani insimi yase-Edeni yayikhetsekile?

4. Nkulunkulu abefuna kutsi wonkhe umhlaba ube njani?

Imibuto leyengetiwe:

1. Fundza Genesisi 1:11-25.

   1. Nkulunkulu wadalani ngelilanga lesitsatfu? (Gen. 1:12)

   2. Yini leyabakhona ngelilanga lesine lekudala? (Gen. 1:16)

   3. Ngutiphi tinhlobo tetilwane letentiwa nguNkulunkulu ngelilanga lesihlanu nelesitfupha? (Gen. 1:20, 21, 25)

2. Fundza Genesisi 2:8, 9.

   Ngutiphi tihlahla letikhetsekile letabekwa nguNkulunkulu ensimini, futsi tatimelelani?

INdzaba 3

1. Ngumuphi umehluko lokhona esitfombeni lesiseNdzabeni 3 nakuleso lesiseNdzabeni 2?

2. Ngubani lowadala indvodza yekucala, futsi lalingubani ligama layo?

3. Ngumuphi umsebenti Nkulunkulu lawuniketa Adamu kutsi awente?

4. Kungani Nkulunkulu enta Adamu wehlelwa butfongo lobukhulu?

5. Bo-Adamu na-Eva bebatawuphila sikhatsi lesinganani, futsi ngumuphi umsebenti Jehova abefuna bawente?

Imibuto leyengetiwe:

1. Fundza Tihlabelelo 83:18.

   Ngubani ligama laNkulunkulu, futsi ngusiphi sikhundla lanaso lesehlukile ngetulu kwemhlaba? (Jer. 16:21; Dan. 4:17)

2. Fundza Genesisi 1:26-31.

   1. Yini intfo yekugcina Nkulunkulu layidala ngelilanga lesitfupha, futsi yayehluke kanjani etilwaneni? (Gen. 1:26)

   2. Jehova abebanakekela kanjani bantfu kanye netilwane? (Gen. 1:30)

3. Fundza Genesisi 2:7-25.

   1. Yini lebekudzingeka Adamu ayente ngalesikhatsi etsa tilwane emagama? (Gen. 2:19)

   2. Umbhalo waGenesisi 2:24 usisita ngayiphi indlela kutsi sati umbono waJehova ngemshado, kuhlala ngekwehlukana, kanye nedivosi? (Mat. 19:4-6, 9)

INdzaba 4

1. Kwentekani kubo-Adamu na-Eva, kulesitfombe?

2. Yini leyenta Jehova wabajezisa?

3. Inyoka yatsini ku-Eva?

4. Ngubani lowenta lenyoka yakhuluma na-Eva?

5. Yini leyabangela kutsi bo-Adamu na-Eva balahlekelwe likhaya labo leliyiPharadisi?

Imibuto leyengetiwe:

1. Fundza Genesisi 2:16, 17 kanye na-3:1-13, 24.

   1. Umbuto inyoka leyawubuta Eva wawedzelela Jehova ngayiphi indlela? (Gen. 3:1-5; 1 Joh. 5:3)

   2. Sibonelo sa-Eva sisecwayiso ngayiphi indlela kitsi? (Fil. 4:8; Jak. 1:14, 15; 1 Joh. 2:16)

   3. Bo-Adamu na-Eva bakukhombisa kanjani kutsi bebangalemukeli licala ngaloko bebakwentile? (Gen. 3:12, 13)

   4. Lamakherubi labebekwe ngasemphumalanga yensimi yase-Edeni abusekela kanjani bukhosi baJehova? (Gen. 3:24)

2. Fundza Sembulo 12:9.

   Waphumelela kanganani Sathane ekwenteni bantfu bangakunaki kubusa kwaNkulunkulu? (1 Joh. 5:19)

INdzaba 5

1. Bekunjani kuphila kwabo-Adamu na-Eva ngemuva kwekucoshwa ensimini yase-Edeni?

2. Yini leyacala kwenteka kubo-Adamu na-Eva, futsi kungani?

3. Kungani bantfwana babo-Adamu na-Eva bebatawuguga futsi bafe?

4. Kube bo-Adamu na-Eva balalela Jehova, beyitawuba njani imphilo yabo neyebantfwana babo?

5. Kungalaleli kwa-Eva kwambangela kanjani buhlungu?

6. Abebobani emagama emadvodzana lamabili abo-Adamu na-Eva ekucala?

7. Babobani labantfwana lobabona kulesitfombe?

Imibuto leyengetiwe:

1. Fundza Genesisi 3:16-23 kanye na-4:1, 2.

   1. Imphilo ya-Adamu yatsintseka kanjani ngenca yekutsi umhlaba bewucalekisiwe? (Gen. 3:17-19; Rom. 8:20, 22)

   2. Kungani ligama lelitsi Eva, lelisho kutsi “Lophilako,” lifaneleka? (Gen. 3:20)

   3. Jehova wakubonisa kanjani kubacabangela bo-Adamu na-Eva ngisho nobe sebonile? (Gen. 3:7, 21)

2. Fundza Sembulo 21:3, 4.

   Ngutiphi tintfo “tekucala” lolindzele kutibona tisuswa emhlabeni?

INdzaba 6

1. Ngumiphi imisebenti leyayentiwa boKhayini na-Abela?

2. BoKhayini na-Abela banikela ngetipho letinjani kuJehova?

3. Kungani Jehova ajatjuliswa sipho sa-Abela, kodvwa wangajabuli ngesaKhayini?

4. Khayini abengumuntfu lonjani, futsi Jehova wetama kanjani kumcondzisa?

5. Yini leyentiwa nguKhayini ngalesikhatsi yena nemnakabo babodvwa esigangeni?

6. Chaza kutsi kwentekani kuKhayini ngemva kwekuba sekabulele umnakabo.

Imibuto leyengetiwe:

1. Fundza Genesisi 4:2-26.

   1. Jehova wasichaza kanjani lesimo lesiyingoti Khayini abekuso? (Gen. 4:7)

   2. Khayini wayiveta kanjani indlela inhlitiyo yakhe lebeyicabanga ngayo? (Gen. 4:9)

   3. Uyini umbono waJehova ngekucitsa ingati lengenacala? (Gen. 4:10; Isa. 26:21)

2. Fundza 1 Johane 3:11, 12.

   1. Yini leyenta Khayini watfukutsela kakhulu, futsi loku kusecwayisa ngani tsine lamuhla? (Gen. 4:4, 5; Taga 14:30; 28:22)

   2. LiBhayibheli lisikhombisa kanjani kutsi ngisho nobe lilunga lemndeni lingashiya Jehova, singachubeka setsembekile? (Hla. 27:10; Mat. 10:21, 22)

3. Fundza Johane 11:25.

   Jehova usicinisekisa ngani mayelana nalabo labafa ngenca yekulunga? (Joh. 5:24)

INdzaba 7

1. Enoki abehluke kanjani?

2. Kungani bantfu labebaphila ngesikhatsi sa-Enoki bebenta tintfo letinyenti letimbi?

3. Ngutiphi tintfo letimbi bantfu labebatenta? (Buka sitfombe.)

4. Kungani Enoki abedzinga kuba nesibindzi?

5. Bantfu bangaleso sikhatsi bebaphila sikhatsi lesingakanani, kodvwa Enoki yena waphila sikhatsi lesingakanani?

6. Yini leyenteka ngemuva kwekufa kwa-Enoki?

Imibuto leyengetiwe:

1. Fundza Genesisi 5:21-24, 27.

   1. Enoki abenebuhlobo lobunjani naJehova? (Gen. 5:24)

   2. Ngekusho kweliBhayibheli, ngubani umuntfu lomdzala kunabo bonkhe lowake waphila, futsi wafa aneminyaka lemingakhi? (Gen. 5:27)

2. Fundza Genesisi 6:5.

   Besinjani simo emhlabeni ngemuva kwekufa kwa-Enoki, futsi loko kufanana kanjani nesikhatsi lesiphila kuso lamuhla? (2 Thim. 3:13)

3. Fundza Hebheru 11:5.

   Nguyiphi imfanelo ya-Enoki “leyajabulisa Nkulunkulu,” futsi yaba namiphi imiphumela? (Gen. 5:22)

4. Fundza Juda 14, 15.

   EmaKhristu lamuhla, angasilingisa kanjani sibindzi sa-Enoki lapho ecwayisa bantfu ngemphi ye-Amagedoni? (2 Thim. 4:2; Heb. 13:6)

INdzaba 8

1. Kwentekani ngalesikhatsi letinye tingilosi taNkulunkulu tilalela Sathane?

2. Yini leyenta kutsi letinye tingilosi tishiye imisebenti yato ezulwini futsi tite emhlabeni?

3. Kungani kwakuyintfo lengakalungi ngetingilosi kutsi tite emhlabeni futsi titishintje tibe nemitimba yebantfu?

4. Yini lebeyehlukile kulabantfwana baletingilosi?

5. Njengoba ubona kulesitfombe, labantfwana baletingilosi bebentani ngalesikhatsi batidlakela?

6. Ngemuva kwa-Enoki, nguyiphi lenye indvodza lelungile leyaphila emhlabeni, futsi kungani Nkulunkulu abeyitsandza?

Imibuto leyengetiwe:

1. Fundza Genesisi 6:1-8.

   Incwadzi yaGenesisi 6:6 ikuveta kanjani kutsi indlela lesitiphatsa ngayo iyayitsintsa imiva yaJehova? (Hla. 78:40, 41; Taga 27:11)

2. Fundza Juda 6.

   Letingilosi “letingabugcinanga bukhosi bato” ngesikhatsi saNowa, kungani tihlala tisecwayiso kitsi lamuhla? (1 Khro. 3:5-9; 2 Phet. 2:4, 9, 10)

INdzaba 9

1. Umndeni waNowa bewunebantfu labangakhi, futsi abebobani emagama emadvodzana akhe lamatsatfu?

2. Nguyiphi intfo lengaketayeleki Nkulunkulu latsi Nowa akayente, futsi kungani asho njalo?

3. Benta njani bomakhelwane baNowa nakabatjela ngekwakha umkhumbi?

4. Nkulunkulu watjela Nowa kutsi atenteni tilwane?

5. Ngemuva kwekuba Nkulunkulu sekawuvalile umnyango wemkhumbi, yini lokwadzingeka kutsi Nowa nemndeni wakhe bayente?

Imibuto leyengetiwe:

1. Fundza Genesisi 6:9-22.

   1. Yini leyenta Nowa waba ngumkhulekeli waNkulunkulu weliciniso lovelele? (Gen. 6:9, 22)

   2. Jehova utiva kanjani ngebudlova, futsi loko kufanele kusitsintse kanjani nasikhetsa indlela yekutijabulisa? (Gen. 6:11, 12; Hla. 11:5)

   3. Singamlingisa kanjani Nowa lapho sitfola sicondziso lesivela enhlanganweni yaJehova? (Gen. 6:22; 1 Joh. 5:3)

2. Fundza Genesisi 7:1-9.

   Indlela Jehova labona ngayo Nowa angumuntfu lolungile nakuba angakapheleli, isikhutsata kanjani tsine lamuhla? (Gen. 7:1; Taga 10:16; Isa. 26:7)

INdzaba 10

1. Kungani kwakungekho muntfu labengangena emkhunjini ngemuva kwekuba litulu selicalile kuna?

2. Jehova wenta kutsi lelitulu line emalanga lamangakhi kanye nebusuku lobungakhi, futsi lamanti aba manyenti kangakanani?

3. Kwentekani kulomkhumbi njengoba emanti abesagcwele umhlaba wonkhe?

4. Letidlakela tasindza yini kuZamcolo, futsi kwentekani kubobabe bato?

5. Kwentekani ngemkhumbi ngemuva kwetinyanga letisihlanu?

6. Nowa walikhiphelani leligwababa emkhunjini?

7. Nowa wabona kanjani kutsi emanti asabohlile emhlabeni?

8. Nkulunkulu watsini kuNowa nemndeni wakhe ngemuva kwekuba sekuphele sikhatsi lesingetulu kwemnyaka solo basemkhunjini?

Imibuto leyengetiwe:

1. Fundza Genesisi 7:10-24.

   1. Yini leyasindza ngalesikhatsi kufika imbhubhiso emhlabeni? (Gen. 7:23)

   2. Kwatsatsa sikhatsi lesingakanani kutsi emanti aZamcolo abohle? (Gen. 7:24)

2. Fundza Genesisi 8:1-17.

   Genesisi 8:17 usikhombisa kanjani kutsi injongo yaJehova ngemhlaba ayikashintji? (Gen. 1:22)

3. Fundza 1 Phetro 3:19, 20.

   1. Ngalesikhatsi letingilosi letingazange tilalele tibuyela ezulwini, tatfola siphi sijeziso? (Juda 6)

   2. Loko lokwenteka kuNowa nemndeni wakhe kulicinisa kanjani litsemba letfu lekutsi Jehova angakwati kusindzisa bantfu bakhe? (2 Phet. 2:9)

INdzaba 11

1. Njengoba kubonisiwe esitfombeni, uyayati yini intfo yekucala leyentiwa nguNowa nakaphuma emkhunjini?

2. Ngumuphi umyalo Nkulunkulu lawunika Nowa nemndeni wakhe ngemuva kwaZamcolo?

3. Ngusiphi setsembiso Nkulunkulu lasenta?

4. Nasibona umushi wenkosazana, kufanele usikhumbute ini?

Imibuto leyengetiwe:

1. Fundza Genesisi 8:18-22.

   1. Tsine lamuhla singanikela kanjani “ngelusi lolumnandzi” kuJehova? (Gen. 8:21; Heb. 13:15, 16)

   2. Yini Jehova layibona ngesimo senhlitiyo yemuntfu, futsi yini tsine lokufanele siyigadze? (Gen. 8:21; Mat. 15:18, 19)

2. Fundza Genesisi 9:9-17.

   1. Ngusiphi sivumelwane Jehova lasenta kuto tonkhe tidalwa letisemhlabeni? (Gen. 9:10, 11)

   2. Sivumelwane semushi wenkosazana siyawusebenta kuze kube ngunini? (Gen. 9:16)

INdzaba 12

1. Abengubani Nimrodi, futsi Nkulunkulu abetiva kanjani ngaye?

2. Bebatibhakelani letitini labantfu labalana esitfombeni?

3. Kungani Jehova angazange ajabule ngalesakhiwo?

4. Nkulunkulu wakumisa njani kwakhiwa kwalombhoshongo?

5. Lalibitwa ngekutsini lelidolobha, futsi lelogama lalishoni?

6. Kwentekani kubantfu ngemuva kwekuba Nkulunkulu asanganise lulwimi lwabo?

Imibuto leyengetiwe:

1. Fundza Genesisi 10:1, 8-10.

   Abengumuntfu lonjani Nimrodi, futsi loko kusecwayisa ngani tsine? (Taga 3:31)

2. Fundza Genesisi 11:1-9.

   Sasiyini sisusa sekwakha umbhoshongo, futsi kungani lomsebenti wawungeke uphumelele? (Gen. 11:4; Taga 16:18; Joh. 5:44)

INdzaba 13

1. Kwakuhlala bantfu labanjani edolobheni lase-Uri?

2. Ingubani lendvodza lesesitfombeni, yatalwanini, futsi yayihlala kuphi?

3. Nkulunkulu watjela Abrahama kutsi enteni?

4. Kungani Abrahama abitwa ngekutsi ngumngani waNkulunkulu?

5. Bobani labahamba na-Abrahama nakaphuma e-Uri?

6. Nkulunkulu wamtjelani Abrahama nakafika eveni laseKhenani?

7. Ngusiphi setsembiso Nkulunkulu lasenta ku-Abrahama nase aneminyaka lengu-99 budzala?

Imibuto leyengetiwe:

1. Fundza Genesisi 11:27-32.

   1. Bo-Abrahama naLoti bebahlobene kanjani? (Gen. 11:27)

   2. Nakuba kutsiwa kwakunguThera lowatsatsa umndeni wakhe waya eKhenani, kodvwa tsine sati kanjani kutsi kwakungu-Abrahama lowatsi akuhanjwe, futsi kungani enta njalo? (Gen. 11:31; Imis. 7:2-4)

2. Fundza Genesisi 12:1-7.

   Ngemuva kwekuba Abrahama asafikile eveni laseKhenani, ngusiphi lesinye sivumelwane Jehova lasenta kuye? (Gen. 12:7)

3. Fundza Genesisi 17:1-8, 15-17.

   1. Ligama la-Abrahama lashintja laba ngubani ngalesikhatsi aseneminyaka lengu-99 budzala, futsi kungani lashintja? (Gen. 17:5)

   2. Jehova wetsembisa Sara tiphi tibusiso tesikhatsi lesitako? (Gen. 17:15, 16)

4. Fundza Genesisi 18:9-19.

   1. Ngekusho kwaGenesisi 18:19, ngumuphi umtfwalo bobabe labanawo? (Dut. 6:6, 7; Ef. 6:4)

   2. Nguyiphi intfo leyenteka kuSara lesisita sibone kutsi kute lesingakufihlela Jehova? (Gen. 18:12, 15; Hla. 44:21)

INdzaba 14

1. Ngusiphi setsembiso Nkulunkulu lasenta ku-Abrahama, futsi wasigcwalisa kanjani?

2. Njengoba ungabona kulesitfombe, Nkulunkulu waluvivinya kanjani lukholo lwa-Abrahama?

3. Nakuba Abrahama abengavumelani naloko Nkulunkulu labemyale kutsi akwente, wagcine ente njani?

4. Kwentekani ngalesikhatsi Abrahama akhipha umukhwa kuze abulale indvodzana yakhe?

5. Lukholo lwa-Abrahama lwalucine kangakanani kuNkulunkulu?

6. Yini Nkulunkulu lase uyiniketa Abrahama kutsi ente ngayo umhlatjelo, futsi loko Nkulunkulu wakwenta kanjani?

Imibuto leyengetiwe:

1. Fundza Genesisi 21:1-7.

   Kungani Abrahama asoka indvodzana yakhe ngelilanga lesiphohlongo itelwe? (Gen. 17:10-12; 21:4)

2. Fundza Genesisi 22:1-18.

   Isaka wakhombisa kanjani kutsi uyamhlonipha babe wakhe Abrahama, futsi loko lakwenta kwakusifananisa kanjani sentakalo lesibalulekile lesasitakwenteka? (Gen. 22:7-9; 1 Khor. 5:7; Fil. 2:8, 9)

INdzaba 15

1. Yini leyenta kutsi bo-Abrahama naLoti behlukane?

2. Kungani Loti akhetsa kuhlala eSodoma?

3. Bebanjani bantfu baseSodoma?

4. Tingilosi letimbili tamecwayisa tatsini Loti?

5. Kungani umkaLoti agucuka waba sidvuli seluswayi?

6. Ngusiphi sifundvo lesisitfolako kulendzaba yemkaLoti?

Imibuto leyengetiwe:

1. Fundza Genesisi 13:5-13.

   Endzabeni yekucatulula tinkinga emkhatsini wetfu nalabanye, ngusiphi sifundvo lesisitfola ku-Abrahama? (Gen. 13:8, 9; Rom. 12:10; Fil. 2:3, 4)

2. Fundza Genesisi 18:20-33.

   Indlela Jehova lasebentelana ngayo na-Abrahama isicinisekisa kanjani kutsi yena naJesu batawehlulela ngekulunga? (Gen. 18:25, 26; Mat. 25:31-33)

3. Fundza Genesisi 19:1-29.

   1. Lesimiso seliBhayibheli lesisitfola kulamavesi siwuveta kanjani umbono waNkulunkulu ngekulalana kwebantfu bebulili lobufanako? (Gen. 19:5, 13; Lev. 20:13)

   2. Ngumuphi umehluko lokhona endleleni boLoti na-Abrahama labasabela ngayo lapho Nkulunkulu abaniketa sicondziso, futsi yini tsine lesingayifundza kuloko? (Gen. 19:15, 16, 19, 20; 22:3)

4. Fundza Lukha 17:28-32.

   UmkaLoti abetiva njani ngetintfo letikhona, futsi kungani loko kusecwayiso kitsi? (Luk. 12:15; 17:31, 32; Mat. 6:19-21, 25)

5. Fundza 2 Phetro 2:6-8.

   Nangabe silingisa Loti, kufanele silibheke kanjani lelive lelingamhloniphi Nkulunkulu lelisitungeletile? (Hez. 9:4; 1 Joh. 2:15-17)

INdzaba 16

1. Lona lomsikati nalona lomdvuna labalana esitfombeni bobani?

2. Yini Abrahama layenta kuze atfolele indvodzana yakhe umfati, futsi kungani akwenta loko?

3. Waphendvulwa njani umthandazo wenceku ya-Abrahama?

4. Waphendvula watsini Rebheka nakabutwa kutsi uyafuna yini kushada na-Isaka?

5. Yini leyenta Isaka waphindze wajabula?

Imibuto leyengetiwe:

1. Fundza Genesisi 24:1-67.

   1. Ngutiphi tici tebuntfu letinhle Rebheka latibonisa nakahlangana nenceku ya-Abrahama esicojeni? (Gen. 24:17-20; Taga 31:17, 31)

   2. Indlela Abrahama lamlungiselela ngayo Isaka iwaniketa siphi sibonelo lesihle emaKhristu lamuhla? (Gen. 24:37, 38; 1 Khor. 7:39; 2 Khor. 6:14)

   3. Kungani kufanele sitfole sikhatsi sekuzindla, njengoba na-Isaka enta? (Gen. 24:63; Hla. 77:12; Fil. 4:8)

INdzaba 17

1. Kwakubobani bo-Esawu naJakobe, futsi kungani bebangafani?

2. Bebaneminyaka lemingakhi bo-Esawu naJakobe ngalesikhatsi mkhulu wabo Abrahama afa?

3. Yini lena leyentiwa ngu-Esawu leyabaphatsa kabi batali bakhe?

4. Kungani Esawu amtfukutselela kakhulu umnakabo, Jakobe?

5. Ngutiphi ticondziso Isaka latinika indvodzana yakhe Jakobe?

Imibuto leyengetiwe:

1. Fundza Genesisi 25:5-11, 20-34.

   1. Jehova abephrofethe watsini ngemadvodzana aRebheka lamabili? (Gen. 25:23)

   2. Ngumuphi umehluko lowawukhona emkhatsini waJakobe na-Esawu, endleleni labebalibheka ngayo lilungelo lebutibulo? (Gen. 25:31-34)

2. Fundza Genesisi 26:34, 35; 27:1-46; kanye na-28:1-5.

   1. Kungatatisi tintfo takamoya kwa-Esawu kwabonakala kanjani? (Gen. 26:34, 35; 27:46)

   2. Kuze Jakobe atfole sibusiso lesivela kuNkulunkulu, Isaka wamtjela kutsi kufanele enteni? (Gen. 28:1-4)

3. Fundza kumaHebheru 12:16, 17.

   Sibonelo sa-Esawu siwuveta kanjani umphumela walabo labangatinaki tintfo letingcwele?

INdzaba 18

1. Ingubani lenkhosatana lelapha esitfombeni, futsi yini Jakobe layentela yona?

2. Jakobe abetimisele kwentani kuze ashade naRakheli?

3. Naselifikile lilanga lemshado waJakobe naRakheli, yini Labani layenta?

4. Yini Jakobe lavuma kuyenta kuze atfole Rakheli abengumfati wakhe?

Imibuto leyengetiwe:

1. Fundza Genesisi 29:1-30.

   1. Ngisho nalapho Labani sekashintjile, Jakobe wakuveta kanjani abenenhlonipho, futsi tsine yini lesingayifundza kuloko? (Gen. 25:27; 29:26-28; Mat. 5:37)

   2. Sibonelo saJakobe sisikhombisa kanjani umehluko lokhona emkhatsini welutsandvo sibili, kanye nelutsandvo lwekutsatseka? (Gen. 29:18, 20, 30; Ngo. 8:6)

   3. Nguwaphi emakhosikati lamane labayincenye yemndeni waJakobe, futsi ngekuhamba kwesikhatsi lamtalela bantfwana? (Gen. 29:23, 24, 28, 29)

INdzaba 19

1. Abebobani emagama emadvodzana lasitfupha aJakobe, lawatalelwa ngumfati wakhe wekucala, longuLeya?

2. Nguwaphi emadvodzana lamabili Zilpha sisebenti saLeya lesawatalela Jakobe?

3. Kwakubobani emagama emadvodzana lamabili sisebenti saRakheli Bilha lesawatalela Jakobe?

4. Nguwaphi emadvodzana lamabili Rakheli lawatala, kodvwa yini leyenteka nakabeleka indvodzana yakhe yesibili?

5. Kulesitfombe, mangakhi emadvodzana Jakobe laba nawo, futsi yini leyavela kuwo?

Imibuto leyengetiwe:

1. Fundza Genesisi 29:32-35; 30:1-26; kanye na-35:16-19.

   Njengoba kubonakala emadvodzaneni aJakobe langu-12, kadzeni bebetsiwa kanjani emagama bafana bemaHebheru?

2. Fundza Genesisi 37:35.

   Nakuba liBhayibheli libita Dina kuphela ngeligama, sati kanjani kutsi Jakobe abenalamanye emadvodzakati? (Gen. 37:34, 35)

INdzaba 20

1. Kungani bo-Abrahama na-Isaka bebangafuni kutsi bantfwana babo bashade nebantfu baseveni laseKhenani?

2. Jakobe abejabula yini ngekutsi indvodzakati yakhe beyakha bungani nemantfombatana aseKhenani?

3. Ngubani lendvodza lebuka Dina kulesitfombe, futsi nguyiphi intfo lembi leyayenta?

4. Bomnakabo Dina, Simeyoni naLevi bentani nabeva ngaloko lobekwentekile?

5. Jakobe wajabula yini ngalesento saSimeyoni naLevi?

6. Yacala kanjani lenkinga kuwo wonkhe lomndeni?

Imibuto leyengetiwe:

1. Fundza Genesisi 34:1-31.

   1. Kwetayelana kwaDina nalamantfombatana aseKhenani kwaba yintfo yelilanga linye yini? Chaza. (Gen. 34:1)

   2. Kungani kungatsiwa Dina naye abenelicala ngekulahlekelwa buntfombi bakhe? (Gal. 6:7)

   3. Labasha lamuhla bangafundzani kulokwenteka kuDina? (Taga 13:20; 1 Khor. 15:33; 1 Johane 5:19)

INdzaba 21

1. Kungani bomnakabo Josefa bebamdlela umona, futsi bentani?

2. Yini bomnakabo Josefa lebebafuna kumenta yona, kodvwa Rubeni watsini?

3. Yini leyenteka nakuchamuka batsengisi baka-Ishmayeli?

4. Yini bomnakabo Josefa labayenta kuze bente babe wabo acabange kutsi Josefa ufile?

Imibuto leyengetiwe:

1. Fundza Genesisi 37:1-35.

   1. EmaKhristu angasilingisa kanjani sibonelo saJosefa ngekutsi abike bubi lobenteka ebandleni? (Gen. 37:2; Lev. 5:1; 1 Khor. 1:11)

   2. Yini leyenta kutsi bomnakabo Josefa bamphatse kabi? (Gen. 37:11, 18; Taga 27:4; Jak. 3:14-16)

   3. Yini leyentiwa nguJakobe levamise kwentiwa bantfu labafelwe? (Gen. 37:35)

INdzaba 22

1. Abeneminyaka lemingakhi Josefa nakayiswa eGibhithe, futsi yini leyenteka kuye nakefika lapho?

2. Kwenteka njani kutsi Josefa agcine afakwe ejele?

3. Ngumuphi umsebenti Josefa laniketwa wona kutsi awente lapha ejele?

4. Yini Josefa layentela umphatsi wetitja kanye nempheki wetinkhwa waFaro ngalesikhatsi asejele?

5. Yini leyenteka ngemuva kwekutsi umphatsi wetitja asakhululiwe ejele?

Imibuto leyengetiwe:

1. Fundza Genesisi 39:1-23.

   Njengoba kwakute umtsetfo lobhalwe phasi waNkulunkulu lowawulahla kuphinga ngesikhatsi saJosefa, yini leyambangela kutsi abalekele umfati waPhotifari? (Gen. 2:24; 20:3; 39:9)

2. Fundza Genesisi 40:1-23.

   1. Kafishane nje asewuchaze liphupho lemphatsi wetitja nenchazelo Jehova layiniketa Josefa ngalo. (Gen. 40:9-13)

   2. Wabhudzani umpheki wetinkhwa, futsi lalisho kutsini liphupho lakhe? (Gen. 40:16-19)

   3. Sisebenti lesetsembekile nalesihlakaniphile, simlingisa kanjani Josefa lamuhla? (Gen. 40:8; Hla. 36:9; Joh. 17:17; Imis. 17:2, 3)

   4. Genesisi 40:20 uwakhanyisela muphi umbono emaKhristu mayelana nekugujwa kwemalanga ekutalwa? (Shu. 7:1; Mak. 6:21-28)

INdzaba 23

1. Ngalobunye busuku, kwentekani kuFaro?

2. Kungani umphatsi wetitja ekugcineni amkhumbula Josefa?

3. Njengoba kukhonjisiwe kulesitfombe, ngumaphi emaphupho lamabili Faro lawabhudza?

4. Josefa watsi asho kutsini lamaphupho?

5. Kwenteka kanjani kutsi Josefa abe yindvodza lebaluleke kakhulu eGibhithe ngemuva kwaFaro?

6. Kungani bomnakabo Josefa beta eGibhithe, futsi yini leyabangela kutsi bangasamboni?

7. Nguliphi liphupho Josefa lalikhumbula, futsi yini lelamsita kutsi ayibone?

Imibuto leyengetiwe:

1. Fundza Genesisi 41:1-57.

   1. Josefa wabenta kanjani bantfu kutsi bacabange ngaJehova, futsi emaKhristu angasilingisa kanjani sibonelo sakhe lamuhla? (Gen. 41:16, 25, 28; Mat. 5:16; 1 Phet. 2:12)

   2. Iminyaka yenala eGibhithe, neminyaka yendlala, ifanana kanjani nesimo sakamoya sebantfu baJehova lamuhla, nesebantfu labasetinkholweni Tebukholwa? (Gen. 41:29, 30; Amo. 8:11, 12)

2. Fundza Genesisi 42:1-8 kanye na-50:20.

   Akukalungi yini ngebakhulekeli baJehova kutsi bakhotsamele umuntfu losesikhundleni nalohlonishwako, nangabe kwenta kanjalo kulisiko lalelo live? (Gen. 42:6)

INdzaba 24

1. Kungani Josefa atsi bomnakabo batinhloli?

2. Kungani Jakobe ayivumela indvodzana yakhe lencane lenguBhenjamini kutsi ihambe iye eGibhithe?

3. Indzebe yaJosefa yelisiva yangena njani esakeni laBhenjamini?

4. Wakhetsa kwentani Juda kuze kukhululwe Bhenjamini?

5. Bomnakabo Josefa bashintja baba njani?

Imibuto leyengetiwe:

1. Fundza Genesisi 42:9-38.

   Emavi lamahle aJosefa lakuGenesisi 42:18 abakhumbuta kutsi benteni labo labanesibopho sekunakekela libandla laJehova lamuhla? (Neh. 5:15; 2 Khor. 7:1, 2)

2. Fundza Genesisi 43:1-34.

   1. Nobe nje Rubeni abelitubulo, kodvwa yini leyenta kwaba sebaleni kutsi Juda nguye abekhulumela bomnakabo? (Gen. 43:3, 8, 9; 44:14, 18; 1 Khr. 5:2)

   2. Josefa wabavivinya kanjani bomnakabo, futsi abebavivinyelani? (Gen. 43:33, 34)

3. Fundza Genesisi 44:1-34.

   1. Njengencenye yekutifihla kubomnakabo, Josefa watsi ukwati kwentani? (Gen. 44:5, 15; Lev. 19:26)

   2. Bomnakabo Josefa bakukhombisa njani kutsi sebete umoya lomubi labebanawo ekucaleni? (Gen. 44:13, 33, 34)

INdzaba 25

1. Yini leyenteka ngalesikhatsi Josefa atjela bomnakabo kutsi ungubani?

2. Yini Josefa layichazela bomnakabo ngemusa?

3. Watsini Faro nakeva ngabomnakabo Josefa?

4. Wawumkhulu kangakanani umndeni waJakobe nawutfutsela eGibhithe?

5. Umndeni waJakobe wabese ubitwa ngekutsini, futsi ngani?

Imibuto leyengetiwe:

1. Fundza Genesisi 45:1-28.

   Indzaba lemayelana naJosefa leseBhayibhelini, ikhombisa kanjani kutsi Jehova angayishintja intfo lebeyitawulimata tinceku takhe ibe lusito kuto? (Gen. 45:5-8; Isa. 8:10; Fil. 1:12-14)

2. Fundza Genesisi 46:1-27.

   Ngusiphi sicinisekiso Jehova lasiniketa Jakobe nakaya eGibhithe? (Gen. 46:1-4)

INdzaba 26

1. Abengubani Jobe?

2. Yini Sathane letama kuyenta, futsi waphumelela yini?

3. Jehova wavumela Sathane kutsi enteni, futsi kungani amvumela?

4. Kungani umfati waJobe amtjela kutsi ‘aketfuke Nkulunkulu afe’? (Buka sitfombe.)

5. Njengoba ubona kulesi lesinye sitfombe, Jehova wambusisa kanjani Jobe, futsi kungani akwenta loko?

6. Nangabe natsi setsembekile kuJehova njengaJobe, ngutiphi tibusiso lesiyotitfola?

Imibuto leyengetiwe:

1. Fundza Jobe 1:1-22.

   EmaKhristu lamuhla angamlingisa kanjani Jobe? (Jobe 1:1; Fil. 2:15; 2 Phet. 3:14)

2. Fundza Jobe 2:1-13.

   Jobe wenta njani nakahlushwa nguSathane, kodvwa nguyiphi indlela leyehlukile umfati wakhe lenta ngayo? (Jobe 2:9, 10; Taga 19:3; Mik. 7:7; Mal. 3:14)

3. Fundza Jobe 42:10-17.

   1. Umvuzo lowatfolwa nguJobe ngekwetsembeka kwakhe ufanana kanjani naloyo lowatfolwa nguJesu? (Jobe 42:12; Fil. 2:9-11)

   2. Sikhutsateka kanjani ngetibusiso Jobe latitfola ngenca yekugcina bucotfo bakhe kuNkulunkulu? (Jobe 42:10, 12; Heb. 6:10; Jak. 1:2-4, 12; 5:11)

INdzaba 27

1. Lapha esitfombeni, ngubani lendvodza lephetse siswebhu, futsi ishaya bani?

2. Sekafile Josefa, kwentekani kuma-Israyeli?

3. Kungani baseGibhithe besebawesaba ema-Israyeli?

4. Ngumuphi umyalo Faro lawuniketa bafati labebabelekisa bomake baka-Israyeli?

Imibuto leyengetiwe:

1. Fundza Eksodusi 1:6-22.

   1. Nguyiphi indlela Jehova lacala ngayo kugcwalisa setsembiso sakhe lasenta ku-Abrahama? (Eks. 1:7; Gen. 12:2; Imis. 7:17)

   2. Babelekisi bemaHebheru bakhombisa kanjani kutsi bayakuhlonipha kuphila? (Eks. 1:17; Gen. 9:6)

   3. Lababelekisi batfola muphi umvuzo ngenca yekwetsembeka kwabo kuJehova? (Eks. 1:20, 21; Taga 19:17)

   4. Sathane wetama kanjani kuvimbela inhloso yaJehova mayelana neNtalo ya-Abrahama leyayitsenjisiwe? (Eks. 1:22; Mat. 2:16)

INdzaba 28

1. Ngubani loluswane lolulapha esitfombeni, futsi lubambe iminwe yabani?

2. Make waMosi wentani kuze amvikele kutsi angabulawa?

3. Ngubani lentfombatana lencane lekulesitfombe, futsi yentani?

4. Indvodzakati yaFaro nayitfola loluswane, Miriyamu watsini kuyo?

5. Yatsini lenkhosatana kumake waMosi?

Imibuto leyengetiwe:

1. Fundza Eksodusi 2:1-10.

   Nguliphi litfuba abenalo make waMosi ekucecesheni umtfwana wakhe kusukela aseluswane, futsi loku kubabekela siphi sibonelo batali lamuhla? (Eks. 2:9, 10; Dut. 6:6-9; Taga 22:6; Ef. 6:4; 2 Thim. 3:15)

INdzaba 29

1. Wakhulela kuphi Mosi, kodvwa yini labeyati ngebatali bakhe?

2. Wentani nakaneminyaka lengu-40 Mosi?

3. Watsini Mosi endvodzeni lengumIsrayeli layibona ilwa, futsi yaphendvula yatsini?

4. Wabalekelani eGibhithe Mosi?

5. Wabalekela kuphi Mosi, futsi ngubani lahlangana naye lapho?

6. Kuleminyaka lengu-40 abaleka eGibhithe, wentani Mosi?

Imibuto leyengetiwe:

1. Fundza Eksodusi 2:11-25.

   Nobe nje afundza kuhlakanipha kwaseGibhithe iminyaka leminyenti, Mosi wakhombisa kanjani kutsi wetsembekile kuJehova nakubantfu bakubo? (Eks. 2:11, 12; Heb. 11:24)

2. Fundza Imisebenti 7:22-29.

   Sifundza siphi sifundvo endleleni Mosi letama ngayo kukhulula ema-Israyeli ebugcilini baseGibhithe? (Imis. 7:23-25; 1 Phet. 5:6, 10)

INdzaba 30

1. Yini ligama lalentsaba loyibonako lapha esitfombeni?

2. Chaza lentfo lengakavami Mosi layibona nakaye lapha entsabeni eluse timvu takhe.

3. Latsini livi lelevakala liphuma lapha kulesihlahla lesasivutsa, futsi lalilabani?

4. Waphendvula watsini Mosi ngalesikhatsi Nkulunkulu amtjela kutsi utawuhola bantfu bakhe abakhiphe eGibhithe?

5. Nkulunkulu wamtjela kutsi atsini Mosi nabambuta labantfu kutsi utfunywe ngubani?

6. Mosi abetakufakazela kanjani kutsi utfunywe nguNkulunkulu?

Imibuto leyengetiwe:

1. Fundza Eksodusi 3:1-22.

   Lendzaba yaMosi isenta njani siciniseke kutsi nobe singativa singakakulungeli kwenta sabelo Jehova lasinikete sona, yena ukulungele kusisita? (Eks. 3:11, 13; 2 Khor. 3:5, 6)

2. Fundza Eksodusi 4:1-20.

   1. Simo saMosi sekucabanga sashintja kanjani kuleminyaka lengu-40 layihlala kaMidiyani, futsi labo labafisa kutfola emalungelo ebandleni, bangafundzani kuloku? (Eks. 2:11, 12; 4:10, 13; Mik. 6:8; 1 Thim. 3:1, 6, 10)

   2. Nobe nje Jehova asiyala ngenhlangano yakhe, sibonelo saMosi sona singasicinisa kanjani? (Eks. 4:12-14; Hla. 103:14; Heb. 12:4-11)

INdzaba 31

1. Enta njani ema-Israyeli lapho boMosi na-Aroni benta timangaliso?

2. BoMosi na-Aroni bamtjelani Faro, futsi yena watsini?

3. Njengoba ubona kulesitfombe, yini leyenteka lapho Aroni aphosa indvuku yakhe phasi?

4. Jehova wamfundzisa njani Faro sifundvo, futsi yena yini layenta?

5. Yini leyenteka ngemuva kwesishayo selishumi?

Imibuto leyengetiwe:

1. Fundza Eksodusi 4:27-31 kanye na-5:1-23.

   Abesho kutsini Faro nakatsi: ‘Angimati lowo Jehova’? (Eks. 5:2; 1 Sam. 2:12; Rom. 1:21)

2. Fundza Eksodusi 6:1-13, 26-30.

   1. Kungamuphi umcondvo kutsiwa Jehova akazange atente watiwa bo-Abrahama, Isaka naJakobe? (Eks. 3:13, 14; 6:3; Gen. 12:8)

   2. Sitiva kanjani ngekutsi Jehova wachubeka amsebentisa Mosi, nakuba Mosi yena ativa angakulungeli kwenta umsebenti labenikwe wona? (Eks. 6:12, 30; Luk. 21:13-15)

3. Fundza Eksodusi 7:1-13.

   1. Ngalesikhatsi boMosi na-Aroni bacunga sibindzi baya kuFaro bayomtjela tehlulelo taJehova, ngusiphi sibonelo labasibekela tinceku taNkulunkulu lamuhla? (Eks. 7:2, 3, 6; Imis. 4:29-31)

   2. Jehova wakhombisa kanjani kutsi mkhulu kunabonkulunkulu base Gibhithe? (Eks. 7:12; 1 Khr. 29:12)

INdzaba 32

1. Usebentisa letintfombe lotibonako lapha, chaza tishayo letintsatfu tekucala Jehova latiletsela bantfu baseGibhithe.

2. Wawuyini umehluko emkhatsini wetishayo letintsatfu tekucala naleti letinye letabese tiyalandzela?

3. Sasiyini sishayo sesine, sesihlanu kanye nesesitfupha?

4. Chaza sishayo sesikhombisa, sesiphohlongo kanye nesemfica.

5. Yini Jehova latsi kuma-Israyeli akayente ngembi kwesishayo selishumi?

6. Sasiyini sishayo selishumi, futsi kwentekani ngemuva kwaso?

Imibuto leyengetiwe:

1. Fundza Eksodusi 7:19–8:23.

   1. Nakuba baphristi baseGibhithe labenta imilingo bakwati kwenta tishayo tekucala letimbili letentiwa nguJehova, yini labaphoceleka kutsi bayivume ngemuva kwesishayo sesitsatfu? (Eks. 8:18, 19; Mat. 12:24-28)

   2. Sishayo yesine yakhombisa kanjani kutsi Jehova uyakwati kuvikela bantfu bakhe, futsi kwati loku kwenta bantfu baNkulunkulu bative kanjani njengoba balindzele “kuhlupheka lokukhulu”? (Eks. 8:22, 23; Semb. 7:13, 14; 2 Khr. 16:9)

2. Fundza Eksodusi 8:24; 9:3, 6, 10, 11, 14, 16, 23-25; kanye na-10:13-15, 21-23.

   1. Ngumaphi emacembu lamabili lavetwa nguleTishayo letiLishumi, futsi loko kusenta siwabuke kanjani lawo macembu namuhla? (Eks. 8:10, 18, 19; 9:14)

   2. Eksodusi 9:16 usisita kanjani sicondze kutsi kungani Jehova ayekele Sathane kwaze kwaba ngumanje? (Rom. 9:21, 22)

3. Fundza Eksodusi 12:21-32.

   LiPhasika lenta kanjani kutsi labanyenti basindze, futsi lalibonisa kutsi kuyowentekani esikhatsini lesitako? (Eks. 12:21-23; Joh. 1:29; Rom. 5:18, 19, 21; 1 Khor. 5:7)

INdzaba 33

1. Mangakhi emadvodza, nebafati, nebantfwana labangema-Israyeli labahamba eGibhithe, futsi bobani labanye labahamba nabo?

2. Wativa njani Faro ngemuva kwekuba asavumele ema-Israyeli kutsi ahambe, futsi wentani?

3. Wentani Jehova kuze avikele bantfu bakhe kutsi bangahlaselwa baseGibhithe?

4. Yini leyenteka ngalesikhatsi Mosi elulela sandla sakhe eLwandle Lolubovu, futsi yini ema-Israyeli layenta?

5. Kwentekani ngalesikhatsi baseGibhithe bangena elwandle bagijimisa ema-Israyeli?

6. Akhombisa njani ema-Israyeli kutsi ajabulile futsi ayambonga Jehova kutsi uwasindzisile?

Imibuto leyengetiwe:

1. Fundza Eksodusi 12:33-36.

   Jehova wenta kanjani kutsi bantfu bakhe bentelwe sisa ngemuva kwayo yonkhe leminyaka yekuhluswa baseGibhithe? (Eks. 3:21, 22; 12:35, 36)

2. Fundza Eksodusi 14:1-31.

   Emavi aMosi laku-Eksodusi 14:13, 14 atitsintsa kanjani tinceku taJehova lamuhla njengoba tilindzele imphi letako ye-Amagedoni? (2 Khr. 20:17; Hla. 91:8)

3. Fundza Eksodusi 15:1-8, 20, 21.

   1. Kungani tinceku taJehova kufanele timdvumise ngekuhlabela? (Eks. 15:1, 2; Hla. 105:2, 3; Semb. 15:3, 4)

   2. Ngalesikhatsi baseLwandle Lolubovu, Miriyamu kanye nalabanye labasikati bababekela siphi sibonelo labasikati labangemaKhristu lamuhla endzabeni yekudvumisa Jehova? (Eks. 15:20, 21; Hla. 68:11)

INdzaba 34

1. Kulesitfombe labantfu babutsani lapha emhlabatsini?

2. Ngumuphi umyalo Mosi lawunika bantfu mayelana nekubutsa imana?

3. Jehova watjela bantfu kutsi benteni ngelilanga lesitfupha, futsi kungani akusho loko?

4. Ngusiphi simangaliso Jehova lasenta ngalesikhatsi bantfu bagcina imana yabo bayigcinela lilanga lesikhombisa?

5. Jehova wondla bantfu ngemana sikhatsi lesingakanani?

Imibuto leyengetiwe:

1. Fundza Eksodusi 16:1-36 kanye na-Numeri 11:7-9.

   1. Eksodusi 16:8 ukhombisa kanjani kutsi kudzingeka sibahloniphe labo labamiswe nguNkulunkulu ebandleni lebuKhristu? (Heb. 13:17)

   2. Ngalesikhatsi asehlane, ema-Israyeli abekhunjutwa kanjani onkhe malanga kutsi kufanele atsembele kuJehova? (Eks. 16:14-16, 35; Dut. 8:2, 3)

   3. Jesu watsi imana yayifanekisela ini, futsi tsine sizuza kanjani ‘kulesinkhwa lesivela ezulwini’? (Joh. 6:31-35, 40)

2. Fundza Joshuwa 5:10-12.

   Ema-Israyeli adla imana iminyaka lemingakhi, futsi loku kwawavivinya kanjani, tsine-ke sitfola siphi sifundvo kulendzaba? (Eks. 16:35; Num. 11:4-6; 1 Khor. 10:10, 11)

INdzaba 35

1. Sekwendlule tinyanga letimbili ema-Israyeli aphumile eGibhithe, afike ahlala kuphi?

2. Jehova watsi ufuna bantfu benteni, kodvwa bona yini labayisho?

3. Kungani Jehova aniketa Mosi tibhelekece letimbili tematje?

4. Ngaphandle kweMiyalo Lelishumi, ngimiphi leminye imitsetfo Jehova layinika ema-Israyeli?

5. Jesu Khristu watsi ngimiphi imitsetfo lemibili lebalulekile?

Imibuto leyengetiwe:

1. Fundza Eksodusi 19:1-25; 20:1-21; 24:12-18; kanye na-31:18.

   Emavi laku-Eksodusi 19:8 asisita kanjani sicondze kutsi kusho kutsini kutiniketela kwebuKhristu? (Mat. 16:24; 1 Phet. 4:1-3)

2. Fundza Dutheronomi 6:4-6; Levithikhusi 19:18; kanye na-Matewu 22:36-40.

   EmaKhristu alukhombisa kanjani lutsandvo lwawo ngaNkulunkulu nangamakhelwane? (Mak. 6:34; Imis. 4:20; Rom. 15:2)

INdzaba 36

1. Kulesitfombe, labantfu bentani, futsi kungani bakwenta loko?

2. Kungani Jehova atfukutsela, futsi yini Mosi layenta nakabona loko lokwakwentiwa bantfu?

3. Mosi watsi kulamanye emadvodza akenteni?

4. Lendzaba kufanenle isifundzise siphi sifundvo?

Imibuto leyengetiwe:

1. Fundza Eksodusi 32:1-35.

   1. Lendzaba isikhombisa kutsi Jehova unamuphi umbono ngekuhlanganisa kukhulekela kweliciniso nekwemanga? (Eks. 32:4-6, 10; 1 Khor. 10:7, 11)

   2. Ngutiphi tintfo emaKhristu lokufanele atibukisise nakakhetsa tintfo tekutijabulisa, njengekuhlabela nekudansa? (Eks. 32:18, 19; Ef. 5:15, 16; 1 Joh. 2:15-17)

   3. Sive sakaLevi sasibekela kanjani sibonelo lesihle ngekusekela kulunga? (Eks. 32:25-28; Hla. 18:25)

INdzaba 37

1. Lesakhiwo lesikulesitfombe sibitwa ngekutsi yini, futsi sisetjentiselwa kwentani?

2. Kungani Jehova atsi kuMosi akakhe lelithende ngendlela yekutsi kube melula kulehlukanisa?

3. Liyini lelibhokisi lelilapha ekhatsi ekamelweni lelincane ekugcineni kwalelithende, futsi ekhatsi kulo kunani?

4. Ngubani Jehova lamkhetsa kutsi abe ngumphristi lomkhulu, futsi umphristi lomkhulu wentani?

5. Ngutiphi tintfo letintsatfu letikulelikamelo lelikhulu lalelithende?

6. Ngutiphi tintfo letimbili letilapha ebaleni lelithende lekukhontela, futsi tisetjentiselwani?

Imibuto leyengetiwe:

1. Fundza Eksodusi 25:8-40; 26:1-37; 27:1-8; kanye na-28:1.

   Abemelelani emakherubi langetulu ‘kwelibhokisi lesivumelwane’? (Eks. 25:20, 22; Num. 7:89; 2 Khos. 19:15)

2. Fundza Eksodusi 30:1-10, 17-21; 34:1, 2; kanye nakumaHebheru 9:1-5.

   1. Kungani Jehova agcizelela kutsi kubalulekile ngebaphristi labakhonta ethendeni kutsi bahlale bahlobile emtimbeni, futsi loku kusifundzisani lamuhla? (Eks. 30:18-21; 40:30, 31; Heb. 10:22)

   2. Umphostoli Pawula ukhombisa kanjani kutsi lithende lekukhontela kanye nesivumelwane seMtsetfo kwase kungasasebenti ngalesikhatsi abhalela emaKhristu langemaHebheru? (Heb. 9:1, 9; 10:1)

INdzaba 38

1. Yini loyicaphelako ngalesitfungo semagilebisi lesikulesitfombe, futsi abuya kuphi?

2. Kungani Mosi atfumela tinhloli letingu-12 eveni lase Khenani?

3. Tinhloli letilishumi tatsini kuMosi natibuya?

4. Tinhloli letimbili takukhombisa kanjani kwetsembela kuJehova, futsi kwakubobani emagama ato?

5. Kungani Jehova atfukutsela, futsi watsini kuMosi?

Imibuto leyengetiwe:

1. Fundza Numeri 13:1-33.

   1. Bobani labakhetfwa kutsi bayohlola lelive, futsi bebanaliphi litfuba lelihle? (Num. 13:2, 3, 18-20)

   2. Kungani umbono waJoshuwa naKhalebi wawehlukile kuloyo waleti letinye tinhloli, futsi loku kusifundzisani? (Num. 13:28-30; Mat. 17:20; 2 Khor. 5:7)

2. Fundza Numeri 14:1-38.

   1. Ngusiphi secwayiso lokufanele sisilalele mayelana nekukhonona ngebantfu baJehova? (Num. 14:2, 3, 27; Mat. 25:40, 45; 1 Khor. 10:10)

   2. Numeri 14:24 usikhombisa kanjani kutsi Jehova unakekela inceku yakhe ngayinye? (1 Khos. 19:18; Taga 15:3)

INdzaba 39

1. Bobani labebangafuni kuholwa nguMosi na-Aroni, futsi batsini kuMosi?

2. Yini Mosi latsi kuKhora nebalandzeli bakhe labangu-250 abayente?

3. Watsini Mosi kulaba labanye bantfu, futsi yini leyenteka nakacedza nje kukhuluma?

4. Yini leyenteka kuKhora nakubalandzeli bakhe labangu-250?

5. Indvodzana ya-Aroni lengu Eleyazare, yentani ngaletitja telitfusi talamadvodza abeshiswe ngumililo, futsi yakwentelani loko?

6. Kungani Jehova abangela kutsi indvuku ya-Aroni imile timbali? (Buka sitfombe.)

Imibuto leyengetiwe:

1. Fundza Numeri 16:1-49.

   1. Khora nebalandzeli bakhe bentani, futsi loko labakwenta kwakhombisa kanjani kutsi bayahlubuka kuJehova? (Num. 16:9, 10, 18; Lev. 10:1, 2; Taga 11:2)

   2. Khora nebantfu labangu-250 “lababengubona bakhetsiwe batinhloko” baba namuphi umbono lomubi? (Num. 16:1-3; Taga 15:33; Isa. 49:7)

2. Fundza Numeri 17:1-11 kanye na-26:10.

   1. Kuhluma kwetimbali endvukwini ya-Aroni kwakukhombisani, futsi kungani Jehova atsi ayihlale embikwelibhokisi lesivumelwane? (Num. 17:5, 8, 10)

   2. Ngusiphi sibonelo lesibalukile lesingasifundza kulokwenteka endvukwini ya-Aroni? (Num. 17:10; Imis. 20:28; Fil. 2:14; Heb. 13:17)

INdzaba 40

1. Ngalesikhatsi ema-Israyeli asehlane, Jehova abewanakekela kanjani?

2. Ema-Israyeli akhonona atsini ngalesikhatsi aseKhadeshi?

3. Jehova wenta njani kuze bantfu nemfuyo yabo batfole emanti?

4. Kulesitfombe, ngubani lendvodza letikhomba ngemuno, futsi ikwentelani loku?

5. Kungani Jehova amtfukutselela Mosi na-Aroni, futsi wabajezisa njani?

6. Yini leyenteka eNtsabeni iHorebi, futsi ngubani lowatsatsa sikhundla sekuba ngumphristi lomkhulu ka-Israyeli?

Imibuto leyengetiwe:

1. Fundza Numeri 20:1-13, 22-29 kanye naDutheronomi 29:5.

   1. Sifundzani endleleni Jehova lanakekela ngayo ema-Israyeli ngalesikhatsi asasehlane? (Dut. 29:5; Mat. 6:31; Heb. 13:5; Jak. 1:17)

   2. Jehova wativa kanjani ngekwehluleka kwaMosi na-Aroni kumngcwelisa embikwe sive saka-Israyeli? (Num. 20:12; 1 Khor. 10:12; Semb. 4:11)

   3. Sifundzani ngendlela Mosi lasemukela ngayo siyalo lesivela kuJehova? (Num. 12:3; 20:12, 27, 28; Dut. 32:4; Heb. 12:7-11)

INdzaba 41

1. Kulesitfombe, yini lena letongolotelwe elugodvweni, futsi kungani Jehova atjela Mosi kutsi ayitongolotele lapha?

2. Bantfu babonisa njani kungambongi Nkulunkulu ngato tonkhe tintfo labentele tona?

3. Labantfu bacela Mosi kutsi enteni ngemuva kwekuba Jehova sekatfumele letinyoka letinebutsi kuze abajezise?

4. Kungani Jehova atjela Mosi kutsi ente inyoka yelitfusi?

5. Ngusiphi sifundvo lesisitfola kulendzaba?

Imibuto leyengetiwe:

1. Fundza Numeri 21:4-9.

   1. Ngusiphi secwayiso lesiniketwa sona kuloko ema-Israyeli lakwenta ngekusola indlela Jehova abewanakekela ngayo? (Num. 21:5, 6; Rom. 2:4)

   2. Emakhulwini eminyaka lalandzela, ema-Israyeli ayisebentisa njani inyoka yelitfusi, futsi ngusiphi sinyatselo lesatsatfwa yiNkhosi lenguHezekiya? (Num. 21:9; 2 Khos. 18:1-4)

2. Fundza Johane 3:14, 15.

   Kutongolotelwa kwalenyoka yelitfusi elugodvweni lweluphawu, kungani kukufananisa kahle kubetselwa kwaJesu Khristu? (Gal. 3:13; 1 Phet. 2:24)

INdzaba 42

1. Abengubani Bhalaki, futsi kungani atfuma Bhalamu?

2. Kungani imbongolo yaBhalamu yagcina seyihleti phasi emgwacweni?

3. Bhalamu weva lembongolo ikhuluma itsini?

4. Lengilosi yatsini kuBhalamu?

5. Kwentekani ngalesikhatsi Bhalamu azama kucalekisa ema-Israyeli?

Imibuto leyengetiwe:

1. Fundza Numeri 21:21-35.

   Kungani ema-Israyeli ayehlula iNkhosi Sihoni yema-Amori, kanye neNkhosi Ogi yaseBashani? (Num. 21:21, 23, 33, 34)

2. Fundza Numeri 22:1-40.

   Besiyini sisusa saBhalamu sekuzama kucalekisa ema-Israyeli, futsi ngusiphi sifundvo lesisitfolako kuloku? (Num. 22:16, 17; Taga 6:16, 18; 2 Phet. 2:15; Juda 11)

3. Fundza Numeri 23:1-30.

   Nakuba Bhalamu abekhuluma shengatsi ungumkhulekeli waJehova, kodvwa tentfo takhe takhombisa njani kutsi akasuye? (Num. 23:3, 11-14; 1 Sam. 15:22)

4. Fundza Numeri 24:1-25.

   Lendzaba yeliBhayibheli lokukhulunywa ngayo, ilucinisa kanjani lukholo lwetfu ngendlela Jehova layifinyelela ngayo injongo yakhe? (Num. 24:10; Isa. 54:17)

INdzaba 43

1. Abobani lamadvodza lamabili leme naMosi kulesitfombe?

2. Jehova watsini kuJoshuwa?

3. Kungani Mosi anyukela eNtsabeni iNebo, futsi Jehova watsini kuye?

4. Mosi wafa aneminyaka lemingakhi?

5. Kungani bantfu beva buhlungu, futsi yini leyaphindze yabenta bajabula?

Imibuto leyengetiwe:

1. Fundza Numeri 27:12-23.

   Ngumuphi umsebenti lomatima Joshuwa lawunikwa nguJehova, futsi kukhatsalela kwaJehova bantfu bakhe lamuhla kubonakala njani? (Num. 27:15-19; Imis. 20:28; Heb. 13:7)

2. Fundza Dutheronomi 3:23-29.

   Kungani Jehova angazange abavumele boMosi na-Aroni kutsi bangene eveni lesetsembiso, futsi ngusiphi sifundvo lesisitfola kuloku? (Dut. 3:25-27; Num. 20:12, 13)

3. Fundza Dutheronomi 31:1-8, 14-23.

   Emavi aMosi ekuvalelisa abonisa kanjani kutsi abesamukele ngekutitfoba lesijeziso lesivela kuJehova? (Dut. 31:6-8, 23)

4. Fundza Dutheronomi 32:45-52.

   LiVi laNkulunkulu lingakutsintsa kanjani kuphila kwetfu? (Dut. 32:47; Lev. 18:5; Heb. 4:12)

5. Fundza Dutheronomi 34:1-12.

   Nakuba Mosi angazange abubone buso baJehova, kodvwa Dutheronomi 34:10 ububonisa kanjani buhlobo babo? (Eks. 33:11, 20; Num. 12:8)

INdzaba 44

1. Rahabi abehlala kuphi?

2. Abobani lamadvodza lamabili lakulesitfombe, futsi afunani eJerikho?

3. Inkhosi yaseJerikho yatfumela umlayeto lotsini kuRahabi, futsi yena watsini?

4. Rahabi wawasita kanjani lamadvodza lamabili, futsi yini layicela kuwo?

5. Letinhloli letimbili tametsembisani Rahabi?

Imibuto leyengetiwe:

1. Fundza Joshuwa 2:1-24.

   Setsembiso saJehova lesitfolakala ku-Eksodusi 23:28 sagcwaliseka kanjani ngalesikhatsi ema-Israyeli ahlasela liJerikho? (Josh. 2:9-11)

2. Fundza Hebheru 11:31.

   Sibonelo saRahabi sikukhombisa kanjani kubaluleka kwekukholwa? (Rom. 1:17; Heb. 10:39; Jak. 2:25)

INdzaba 45

1. Ngusiphi simangaliso lesentiwa nguJehova kuze ema-Israyeli akwati kuwela uMfula iJordane?

2. Ngusiphi sento sekukholwa lekwadzingeka sentiwe ngema-Israyeli kuze akwati kuwela uMfula iJordane?

3. Kungani Jehova atjela Joshuwa kutsi atsatse ematje langu-12 lamkhulu ngaselusentseni lwemfula futsi awabutsele ndzawonye?

4. Kwentekani ngalesikhatsi baphristi sebaphumile eJordane?

Imibuto leyengetiwe:

1. Fundza Joshuwa 3:1-17.

   1. Njengoba kubonisiwe kulendzaba, yini lokudzingeka siyente kuze sitfole lusito nesibusiso lesivela kuJehova? (Josh. 3:13, 15; Taga 3:5; Jak. 2:22, 26)

   2. Wawunjani loMfula iJordane ngalesikhatsi ema-Israyeli awelela Eveni Lesetsembiso, futsi loku kwaliphakamisa kanjani ligama laJehova? (Josh. 3:15; 4:18; Hla. 66:5-7)

2. Fundza Joshuwa 4:1-18.

   Yayiyini injongo yalamatje langu-12 latsatfwa eJordane futsi amiswa ndzawonye eGilgali? (Josh. 4:4-7)

INdzaba 46

1. Jehova wawatjela kutsi enteni lamadvodza emphi nalabaphristi emalanga lasitfupha?

2. Lamadvodza bekumelwe enteni ngelilanga lesikhombisa?

3. Njengoba ubona kulesitfombe, kwentekani etindvongeni taseJerikho?

4. Kungani kulenga intsambo lebovu kulelifasitelo?

5. Joshuwa watjela lamadvodza emphi kutsi abenteni labantfu kanye nalelidolobha, kodvwa watsi balenteni lisiliva, igolide, litfusi kanye nensimbi?

6. Letinhloli letimbili tatjelwa kutsi tenteni?

Imibuto leyengetiwe:

1. Fundza Joshuwa 6:1-25.

   1. Kutungeleta kwema-Israyeli liJerikho tikhatsi letisikhombisa kufanana kanjani nemsebenti wekushumayela waboFakazi BaJehova kulamalanga ekugcina? (Josh. 6:15, 16; Isa. 60:22; Mat. 24:14; 1 Khor. 9:16)

   2. Siphrofetho lesibhalwe kuJoshuwa 6:26 sagcwaliseka kanjani eminyakeni lengu-500 leyalandzela, futsi loko kusifundzisani mayelana nelivi laJehova? (1 Khos. 16:34; Isa. 55:11)

INdzaba 47

1. Ngubani lendvodza lelana esitfombeni lefihla lomcebo lotsetfwe eJerikho, futsi bobani laba labamsitako?

2. Kungani lesento sa-Akhani kanye nemndeni wakhe sasisibi kakhulu?

3. Jehova wamphendvula watsini Joshuwa ngemuva kwekuba ambute kutsi kungani avumele ema-Israyeli ahlulwa emphini yase-Ayi?

4. Ngemuva kwekutsi Akhani nemndeni wakhe sebaletfwe kuJoshuwa, kwentekani kubo?

5. Sifundzani lebalulekile ngesijeziso sa-Akhani?

Imibuto leyengetiwe:

1. Fundza Joshuwa 7:1-26.

   1. Imithandazo yaJoshuwa ibuveta kanjani buhlobo labenabo neMdali wakhe? (Josh. 7:7-9; Hla. 119:145; 1 Joh. 5:14)

   2. Lokwentiwa ngu-Akhani kusibonisani, futsi kungani loko kusecwayiso kitsi? (Josh. 7:11, 14, 15; Taga 15:3; 1 Thim. 5:24; Heb. 4:13)

2. Fundza Joshuwa 8:1-29.

   Ngumuphi umtfwalo ngamunye wetfu lanawo macondzana nelibandla lebuKhristu lamuhla? (Josh. 7:13; Lev. 5:1; Taga 28:13)

INdzaba 48

1. Bantfu baseGibeyoni bebahluke kanjani kubaseKhenani labebahlala emadolobheni lasedvute nabo?

2. Njengoba ubona kulesitfombe, yini leyentiwa maGibeyoni, futsi ayentelani?

3. Ngusiphi setsembiso lesentiwa nguJoshuwa kanye nebaholi bema-Israyeli kubaseGibeyoni, futsi yini lebayiva ngemuva kwemalanga lamatsatfu?

4. Kwentekani ngalesikhatsi emakhosi akulamanye emadolobha eva kutsi baseGibeyoni sebakhe kuthula nema-Israyeli ?

Imibuto leyengetiwe:

1. Fundza Joshuwa 9:1-27.

   1. Kusukela Jehova ayala sive sema-Israyeli kutsi ‘sicitse tonkhe tive letikulo,’ ngutiphi timfanelo takhe letabonakala ngalesikhatsi asindzisa emaGibeyoni? (Josh. 9:22, 24; Mat. 9:13; Imis. 10:34, 35; 2 Phet. 3:9)

   2. Ngekunamatsela esivumelwaneni lasenta nebaseGibeyoni, ngusiphi sibonelo Joshuwa lasibekela emaKhristu lamuhla? (Josh. 9:18, 19; Mat. 5:37; Ef. 4:25)

2. Fundza Joshuwa 10:1-5.

   Sicuku lesikhulu sibalingisa kanjani baseGibeyoni lamuhla, futsi kwenta kanjalo kusibeka kuyiphi ingoti? (Josh. 10:4; Zak. 8:23; Mat. 25:35-40; Semb. 12:17)

INdzaba 49

1. Kulesitfombe, yini leshiwo nguJoshuwa, futsi kungani?

2. Jehova wamsita kanjani Joshuwa kanye nalamadvodza emphi?

3. Joshuwa wehlula emakhosi lamangakhi, futsi loko kwamtsatsa sikhatsi lesingakanani?

4. Joshuwa walihlukaniselani live laseKhenani?

5. Abeneminyaka lemingakhi Joshuwa ngalesikhatsi afa, futsi kwentekani kubantfu ngemuva kwaloko?

Imibuto leyengetiwe:

1. Fundza Joshuwa 10:6-15.

   Njengoba sati kutsi Jehova wentela Israyeli kutsi lilanga kanye nenyanga kume, nguliphi litsemba lesinalo esikhatsini setfu? (Josh. 10:8, 10, 12, 13; Hla. 18:3; Taga 18:10)

2. Fundza Joshuwa 12:7-24.

   Ngubani lowabangela kutsi kuhlulwe lamakhosi langu-31 eKhenani, futsi kungani loko kubalulekile kitsi lamuhla? (Josh. 12:7; 24:11-13; Dut. 31:8; Luk. 21:9, 25-28)

3. Fundza Joshuwa 14:1-5.

   Live lahlukaniswa kanjani etiveni tema-Israyeli, futsi loko kusibonisani ngendlela live leliyowehlukaniswa ngayo ePharadisi? (Josh. 14:2; Isa. 65:21; Eks. 47:21-23; 1 Khor. 14:33)

4. Fundza Tikhulu 2:8-13.

   Njenga Joshuwa ka-Israyeli, ngubani lamuhla lovimbela kuhlubuka? (Khu. 2:8, 10, 11; Mat. 24:45-47; 2 Thes. 2:3-6; Thit 1:7-9; Semb. 1:1; 2:1, 2)

INdzaba 50

1. Kwakubobani tikhulu, futsi abobani emagama aletinye tato?

2. Nguliphi lilungelo lelibalulekile Debhora abenalo, futsi loko kwakuhlanganisani?

3. Ngalesikhatsi ema-Israyeli asongelwa iNkhosi Jabini kanye nendvuna yemphi lenguSisera, ngumuphi umlayeto lovela kuJehova lokwakufanele Debhora awutjele Sikhulu Bharaki, futsi watsi ngubani labetawutfola ludvumo?

4. Jayeli wabonisa kanjani kutsi ungumfati lonesibindzi?

5. Kwentekani ngemuva kwekuba iNkhosi Jabini seyifile?

Imibuto leyengetiwe:

1. Fundza Tikhulu 2:14-22.

   Ema-Israyeli atiletsela kanjani intfukutselo yaJehova, futsi sifundzani kuloku? (Khu. 2:20; Taga 3:1, 2; Hez. 18:21-23)

2. Fundza Tikhulu 4:1-24

   Ngusiphi sifundvo lesimayelana nelukholo kanye nesibindzi emakhosikati langemaKhristu langasitfola lamuhla esibonelweni saDebhora naJayeli? (Khu. 4:4, 8, 9, 14, 21, 22; Taga 31:30; 1 Khor. 16:13)

3. Fundza Tikhulu 5:1-31.

   Lengoma yaBharakhi naDebhora yekuncoba ingasetjentiswa kanjani njengemthandazo macondzana nemphi letako ye-Amagedoni? (Khu. 5:3, 31; 1 Khr. 16:8-10; Semb. 7:9, 10; 16:16; 19:19-21)

INdzaba 51

1. Kungani Nawoni atfutsela eveni lakaMowabi?

2. Babobani boRuthe na-Opha?

3. Bentanjani boRuthe na-Opha ngalesikhatsi Nawomi abatjela kutsi abancandzeke babuyele kubantfu bakubo?

4. Abengubani Bowazi, futsi wabasita kanjani boRuthe naNawomi?

5. Ngubani ligama lalomntfwana waBowazi naRuthe, futsi kungani kufanele simkhumbule?

Imibuto leyengetiwe:

1. Fundza Ruthe 1:1-17.

   1. Ngumaphi emavi lamnandzi elutsandvo lolucotfo lashiwo nguRuthe? (Rut. 1:16, 17)

   2. Similo saRuthe sisiveta kanjani simo “saletinye timvu” macondzana nalabo labagcotjiwe labasemhlabeni lamuhla? (Joh. 10:16; Zak. 8:23)

2. Fundza Ruthe 2:1-23.

   Ruthe ubabekela kanjani sibonelo lesihle labasikati labasebasha lamuhla? (Rut. 2:17, 18; Taga 23:22; 31:15)

3. Fundza Ruthe 3:5-13.

   1. Bowazi wativa njani ngekutsi Ruthe wavuma kushada naye kunekutsi ashade nendvodza leseyinsha?

   2. Simo saRuthe sisifundzisani mayelana nelutsandvo lolucotfo? (Rut. 3:10; 1 Khor. 13:4, 5)

4. Fundza Ruthe 4:7-17.

   Emadvodza langemaKhristu lamuhla angamlingisa kanjani Bowazi? (Rut. 4:9, 10; 1 Thim. 3:1, 12, 13; 5:8)

INdzaba 52

1. Ema-Israyeli angena kanjani etinkingeni letikhulu?

2. Kungani Jehova atjela Gideyoni kutsi unemadvodza lamanyenti emphi?

3. Kwasala emadvodza lamangakhi ngemuva kwekuba Gideyoni sekatjele lawo lesabako kutsi abuyele ekhaya?

4. Nawubuka kulesitfombe, asewuchaze kutsi Jehova walehlisa kanjani linani lemasotja aGideyoni laba ngu-300.

5. Gideyoni wawahlela njani lamadvodza langu-300, futsi ema-Israyeli ayincoba kanjani lemphi?

Imibuto leyengetiwe:

1. Fundza Tikhulu 6:36-40.

   1. Gideyoni waciniseka kanjani kutsi kwenteka loko Jehova abemtjele kona?

   2. Tsine lamuhla sati njani kutsi iyini intsandvo yaJehova? (Taga 2:3-6; Mat. 7:7-11; 2 Thim. 3:16, 17)

2. Fundza Tikhulu 7:1-25.

   1. Ngusiphi sifundvo lesingasitfola kulamasotja langu-300 lahlala aphapheme nasiwacatsanisa nalawo labonisa kunganaki? (Khu. 7:3, 6; Rom. 13:11, 12; Ef. 5:15-17)

   2. Njengoba lamasotja langu-300 afundza ngekubuka Gideyoni, tsine singafundza kanjani ngekubuka Gideyoni Lomkhulu, Jesu Khristu? (Khu. 7:17; Mat. 11:29, 30; 28:19, 20; 1 Phet. 2:21)

   3. Tikhulu 7:21 tisisita kanjani kutsi sijabulele nobe ngumuphi umsebenti lesiniketwa wona enhlanganweni yaJehova? (1 Khor. 4:2; 12:14-18; Jak. 4:10)

3. Fundza Tikhulu 8:1-3.

   Umakutiwa ekucatululeni kungevani emkhatsini webazalwane betfu nabodzadze wetfu, yini lesingayifundza endleleni Gideyoni lakucatulula ngayo kungevani kwabo nema-Efrayimu? (Taga 15:1; Mat. 5:23, 24; Luk. 9:48)

INdzaba 53

1. Abengubani Jeftha, futsi abephila ngasiphi sikhatsi?

2. Ngusiphi setsembiso Jeftha lasenta kuJehova?

3. Kungani Jeftha aphatseka kabi ngalesikhatsi abuyela ekhaya ngemuva kwekuncoba ema-Amoni?

4. Indvodzakati yaJeftha yatsini nayiva ngalesetsembiso lesentiwe ngubabe wayo?

5. Kungani bantfu bebayitsandza indvodzakati yaJeftha?

Imibuto leyengetiwe:

1. Fundza Tikhulu 10:6-18.

   Ngusiphi secwayiso lokufanele sisicaphele emlandvweni wema-Israyeli wekungetsembeki kuJehova? (Khu. 10:6, 15, 16; Rom. 15:4; Semb. 2:10)

2. Fundza Tikhulu 11:1-11, 29-40.

   1. Sati kanjani kutsi kunikela kwaJeftha ngendvodzakati yakhe ibe “ngumnikelo wekushiswa” kwakungasho kutsi abetawunikela ngayo kutsi ishiswe ibe ngumnikelo? (Khu. 11:31; Lev. 16:24; Dut. 18:10, 12)

   2. Jeftha wanikela ngendvodzakati yakhe yaba ngumhlatjelo ngamuphi umcondvo?

   3. Yini lesingayifundza esimweni saJeftha lesimayelana nesetsembiso lasenta kuJehova? (Khu. 11:35, 39; Shu. 5:4, 5; Mat. 16:24)

   4. Indvodzakati yaJeftha isibonelo lesihle ngayiphi indlela kumaKhristu lasemasha lalandzela umgomo wekukhonta Jehova sikhatsi sonkhe? (Khu. 11:36; Mat. 6:33; Fil. 3:8)

INdzaba 54

1. Lingubani ligama lalendvodza lenemandla lamakhulu leyake yaphila, futsi ngubani lowayiniketa lamandla?

2. Ngalelinye lilanga, yini Samsoni layenta kulelibhubesi lelikhulu, njengoba ubona kulesitfombe?

3. Nguyiphi imfihlo Samsoni layitjela Delila kulesitfombe, futsi loko kwamholela kanjani kutsi abanjwe ngemaFilisti?

4. Samsoni watibulala kanjani titsa letingu-3 000 temaFilisti ngalelilanga lafa ngalo?

Imibuto leyengetiwe:

1. Fundza Tikhulu 13:1-14.

   BoManowa nemfati wakhe bababekela kanjani batali sibonelo lesihle sekukhulisa bantfwana babo? (Khu. 13:8; Hla. 127:3; Ef. 6:4)

2. Fundza Tikhulu 14:5-9 kanye na-15:9-16.

   1. Lendzaba yaSamsoni yekubulala libhubesi, neyekudzabula tintsambo labebambophe ngato, kanye neyekusebentisa umhlatsi wembongolo lendvuna kubulala emadvodza langu-1 000, ikuveta kanjani kusebenta kwemoya waJehova longcwele?

   2. Umoya longcwele usisita kanjani esikhatsini setfu? (Khu. 14:6; 15:14; Zak. 4:6; Imis. 4:31)

3. Fundza Tikhulu 16:18-31.

   Kutihlanganisa kwaSamsoni nebantfu lababi kwaba namiphi imiphumela, futsi yini lesiyifundzako kuloku? (Khu. 16:18, 19; 1 Khor. 15:33)

INdzaba 55

1. Ngubani ligama lalomfana lomncane lokulesitfombe, futsi babobani labalabanye bantfu?

2. Hana wathandaza watsini ngalesikhatsi asethendeni lekukhonta Jehova, futsi Jehova wawuphendvula kanjani umthandazo wakhe?

3. Abeneminyaka lemingakhi Samuweli ngalesikhatsi ayiswa kuyokhonta ethendeni laJehova, futsi make wakhe abementelani umnyaka ngamunye?

4. Abebobani emagama emadvodzana a-Eli, futsi abebantfu labanjani?

5. Jehova abembita atsini Samuweli, futsi ngumuphi umlayeto lamniketa wona?

6. Ngalesikhatsi Samuweli asakhulile wabayini, futsi kwentekani ngalesikhatsi asagugile?

Imibuto leyengetiwe:

1. Fundza 1 Samuweli 1:1-28.

   1. Ngusiphi sibonelo lesihle Elkani lasibekela tinhloko temindeni ngekuhola ekukhulekeleni kweliciniso? (1 Sam. 1:3, 21; Mat. 6:33; Fil. 1:10)

   2. Sifundzani kuHana ngendlela labhekana ngayo nenkinga lematima? (1 Sam. 1:10, 11; Hla. 55:22; Rom. 12:12)

2. Fundza 1 Samuweli 2:11-36.

   Eli wawabonisa kanjani emadvodzana akhe ludvumo kwendlula lelo lalibonisa Jehova, futsi loko kungaba kanjani secwayiso kitsi? (1 Sam. 2:22-24, 27, 29; Dut. 21:18-21; Mat. 10:36, 37)

3. Fundza 1 Samuweli 4:16-18.

   Ngumiphi imbiko lemine leyaletfwa sigijimi lesasivela emphini, futsi yamtsintsa kanjani Eli?

4. Fundza 1 Samuweli 8:4-9.

   Ema-Israyeli amcasula kanjani Jehova, futsi tsine singawusekela kanjani uMbuso wakhe lamuhla ngekwetsembeka? (1 Sam. 8:5, 7; Joh. 17:16; Jak. 4:4)

INdzaba 56

1. Wentani Samuweli kulesitfombe, futsi kungani enta loku?

2. Kungani Jehova amtsandza Sawula, futsi abeyindvodza lenjani?

3. Kwakungubani ligama lendvodzana yaSawula, futsi yayentani?

4. Kungani Sawula enta umhlatjelo esikhundleni sekulindza Samuweli kute afike awente?

5. Sifundzani endzabeni yaSawula?

Imibuto leyengetiwe:

1. Fundza 1 Samuweli 9:15-21 kanye na-10:17-27.

   Kutfobeka kwaSawula kwamsita kanjani kutsi agweme budlova ngalesikhatsi lamanye emadvodza akhuluma naye ngekwedzelela? (1 Sam. 9:21; 10:21, 22, 27; Taga 17:27)

2. Fundza 1 Samuweli 13:5-14.

   Ngusiphi sono Sawula lasenta ngalesikhatsi aseGiligali? (1 Sam. 10:8; 13:8, 9, 13)

3. Fundza 1 Samuweli 15:1-35.

   1. Ngusiphi sono lesikhulu Sawula lasenta endzabeni lemayelana nenkhosi yema-Amaleki lengu-Agagi? (1 Sam. 15:2, 3, 8, 9, 22)

   2. Sawula wetama kanjani kutitsetselela tono takhe nekubeka labanye licala? (1 Sam. 15:24)

   3. Ngusiphi secwayiso lamuhla lokufanele sisinake lapho selulekwa ngulotsite? (1 Sam. 15:19-21; Hla. 141:5; Taga 9:8, 9; 11:2)

INdzaba 57

1. Lingubani ligama lalomfana lolana esitfombeni, futsi sati kanjani kutsi abenesibindzi?

2. Davide abehlala kuphi, futsi kwakungubani ligama lababe wakhe kanye namkhulu wakhe?

3. Kungani Jehova atjela Samuweli kutsi aye endlini yaJese eBhetlehema?

4. Yini leyenteka ngalesikhatsi Jese aletsa emadvodzana akhe lasikhombisa kuSamuweli?

5. Ngalesikhatsi Davide aletfwa, Jehova watjela Samuweli kutsi enteni?

Imibuto leyengetiwe:

1. Fundza 1 Samuweli 17:34, 35.

   Letigameko tikugcizelela kanjani kutsi Davide abenesibindzi futsi atsembele kuJehova? (1 Sam. 17:37)

2. Fundza 1 Samuweli 16:1-14.

   1. Emavi aJehova laku-1 Samuweli 16:7 asisita kanjani kutsi sigweme kukhetsa nekwehlulela bantfu ngaphandle kwesizatfu? (Imis. 10:34, 35; 1 Thim. 2:4)

   2. Sibonelo saSawula sisikhombisa kanjani kutsi lapho Jehova asusa umoya wakhe longcwele kumuntfu, leso sikhala sivalwa ngumoya lomubi, nobe sifiso sekwenta lokubi? (1 Sam. 16:14; Mat. 12:43-45; Gal. 5:16)

INdzaba 58

1. Goliyathi abelidzelela atsini libutfo lema-Israyeli?

2. Abemkhulu kangakanani Goliyathi, futsi iNkhosi Sawula yayetsembisani indvodza lebeyingambulala?

3. Watsini Davide ngalesikhatsi Sawula amtjela kutsi angake akwati kulwa naGoliyathi ngoba usengumfana nje?

4. Imphendvulo yaDavide leya kuGoliyathi, yakukhombisa kanjani kwetsembela kwakhe kuJehova?

5. Njengoba ungabona esitfombeni, Davide wambulala ngani Goliyathi, futsi ngemuva kwaloko kwentekani kulawa lamanye emaFilisti?

Imibuto leyengetiwe:

1. Fundza 1 Samuweli 17:1-54.

   1. Yayiyini imfihlo yaDavide yekungesabi, futsi singasilingisa kanjani sibindzi sakhe? (1 Sam. 17:37, 45; Ef. 6:10, 11)

   2. Kungani emaKhristu kufanele agweme umoya wekuncintisana lonjengewaGoliyathi, lapho adlala nobe atijabulisa? (1 Sam. 17:8; Gal. 5:26; 1 Thim. 4:8)

   3. Emavi aDavide abonisa kanjani kutsi abenelukholo ekutseni Nkulunkulu uyamsekela? (1 Sam. 17:45-47; 2 Khro. 20:15)

   4. Kunekumane icoce ngemphi leyayikhona emkhatsini wemabutfo lamabili, lendzaba ikuveta kanjani kutsi lemphi yayisemkhatsini wabonkulunkulu bemanga kanye naNkulunkulu weliciniso, Jehova? (1 Sam. 17:43, 46, 47)

   5. Insali legcotjiwe isilingisa kanjani sibonelo saDavide sekwetsembela kuJehova? (1 Sam. 17:37; Jer. 1:17-19; Semb. 12:17)

INdzaba 59

1. Kungani Sawula abemdlela umona Davide, kepha indvodzana yakhe lenguJonathani yona yayehluke kanjani?

2. Kwentekani ngalelinye lilanga Davide adlalela Sawula lihabhu?

3. Sawula watsi Davide akenteni ngembi kwekutsi atsatse indvodzakati yakhe lenguMikhali kutsi ibengumfati wakhe, futsi kungani asho loko?

4. Ngalesikhatsi Davide adlalela Sawula lihabhu, kwentekani kwesitsatfu, njengoba ubona lapha esitfombeni?

5. Mikhali wamsita njani Davide kutsi asindzise kuphila kwakhe, futsi iminyaka lesikhombisa kwadzingeka Davide enteni?

Imibuto leyengetiwe:

1. Fundza 1 Samuweli 18:1-30.

   1. Lutsandvo emkhatsini waDavide naJonathani lulufanekisela njani lutsandvo lolukhona emkhatsini ‘waletinye timvu nemhlambi lomncane’? (1 Sam. 18:1; Joh. 10:16; Luk. 12:32; Zak. 8:23)

   2. Nasicabangela kutsi Jonathani kwakunguye abeyindlalifa yaSawula, incwadzi ya-1 Samuweli 18:4 ikukhombisa kanjani kutsi kutitfoba kwaJonathani kwakuvelele kuloyo abekhetfwe kutsi abe yinkhosi?

   3. Sibonelo saSawula sikhombisa kanjani kutsi umona ungaholela esonweni lesibi kakhulu, futsi loku kusecwayisa ngani? (1 Sam. 18:7-9, 25; Jak. 3:14-16)

2. Fundza 1 Samuweli 19:1-17.

   Nakakhuluma naSawula, Jonathani wakubeka njani kuphila kwakhe engotini? (1 Sam. 19:1, 4-6; Taga 16:14)

INdzaba 60

1. Ngubani lona lomsikati lohlangabeta Davide kulesitfombe, futsi abe ngumuntfu lonjani?

2. Abengubani Nabali?

3. Kungani Davide atfuma lamanye kulamadvodza abenawo kutsi aye kuNabali ayewucela lusito?

4. Nabali watsini kulamadvodza, futsi Davide yena wentani?

5. Abigayili wakukhombisa njani kutsi ungumfati lohlakaniphile?

Imibuto leyengetiwe:

1. Fundza 1 Samuweli 22:1-4.

   Umndeni waDavide usibekela kanjani sibonelo lesihle endleleni lokufanele sisekelane ngayo nebazalwane betfu labangemaKhristu? (Taga 17:17; 1 Thes. 5:14)

2. Fundza 1 Samuweli 25:1-43.

   1. Kungani Nabali achazwa ngendlela ledzeleleke kangaka? (1 Sam. 25:2-5, 10, 14, 21, 25)

   2. Yini lamuhla emakhosikati langemaKhristu langayifundza esibonelweni sa-Abigayili? (1 Sam. 25:32, 33; Taga 31:26; Ef. 5:24)

   3. Abigayili wavimba Davide ekwenteni tiphi tintfo letimbili letimbi? (1 Sam. 25:31, 33; Rom. 12:19; Ef. 4:26

   4. Indlela Davide laphendvula ngayo Abigayili iwasita kanjani emadvodza lamuhla kutsi aphatse labasikati ngendlela Jehova lafuna baphatfwe ngayo? (Imis. 21:8, 9; Rom. 2:11; 1 Phet. 3:7)

INdzaba 61

1. Yini Davide na-Abishayi labayenta ngalesikhatsi Sawula alele lapha enkambu?

2. Ngumuphi umbuto Davide lawubuta Sawula?

3. Davide waya kuphi nakashiya Sawula?

4. Yini leyavisa Davide buhlungu, leyaze yamenta wabhala lengoma lemnandzi?

5. Abeneminyaka lemingakhi Davide nakabekwa kutsi abe yinkhosi eHebroni, futsi abebobani lamanye emadvodzana akhe?

6. Kamuva Davide wabusa kuphi?

Imibuto leyengetiwe:

1. Fundza 1 Samuweli 26:1-25.

   1. Emavi aDavide laku-1 Samuweli 26:11 aveta kutsi abenamuphi umbono ngeluhlelo lwetintfo takamoya? (Hla. 37:7; Rom. 13:2)

   2. Nasenta umetamo wekukhombisa umusa welutsandvo kodvwa ungemukelwa ngulabanye, emavi aDavide latfolakala ku-1 Samuweli 26:23 angasisita kanjani kutsi silondvolote umbono lokahle? (1 Khos. 8:32; Hla. 18:20)

2. Fundza 2 Samuweli 1:26.

   EmaKhristu lamuhla angaba kanjani ‘nelutsandvo kulomunye nalomunye’ lolufanana nalolo Davide naJonathani babenalo? (1 Phet. 4:8; Khol. 3:14; 1 Joh. 4:12)

3. Fundza 2 Samuweli 5:1-10.

   1. Davide wabusa iminyaka lemingakhi njengenkhosi, futsi leyominyaka yahlukaniswa kanjani? (2 Sam. 5:4, 5)

   2. Ngubani lowabeka Davide esikhundleni lesisetulu, futsi loku kusikhumbutani tsine lamuhla? (2 Sam. 5:10; 1 Sam. 16:13; 1 Khor. 1:31; Fil. 4:13)

INdzaba 62

1. Ngelusito lwaJehova, yini leyagcine yentekile ngelive laseKhenani?

2. Yini leyenteka ngalobunye busuku Davide aseluphahleni lwendlu yakhe?

3. Kungani Jehova amtfukutselela Davide?

4. Njengoba ubona kulesitfombe, ngubani Jehova lamtfuma kutsi ayotjela Davide ngesono sakhe, futsi lendvodza yatsi kutawentekani kuye?

5. Nguyiphi inhlekelele Davide langena kuyo?

6. Ngemuva kwaDavide, ngubani lowaba yinkhosi ka-Israyeli?

Imibuto leyengetiwe:

1. Fundza 2 Samuweli 11:1-27.

   1. Kucitsa sikhatsi lesinyenti sisemsebentini waJehova kusivikela kanjani?

   2. Yini leyabangela Davide wangena esonweni, futsi ngusiphi secwayiso lesitfolwa tinceku taJehova lamuhla? (2 Sam. 11:2; Mat. 5:27-29; 1 Khor. 10:12; Jak. 1:14, 15)

2. Fundza 2 Samuweli 12:1-18.

   1. Ngusiphi sifundvo labadzala ebandleni nebatali labangasitfola endleleni Nathani lakhuluma ngayo naDavide ngalesikhatsi ameluleka? (2 Sam. 12:1-4; Taga 12:18; Mat. 13:34)

   2. Kungani Jehova aba nesihawu kuDavide? (2 Sam. 12:13; Hla. 32:5; 2 Khor. 7:9, 10)

INdzaba 63

1. Jehova wambutani Solomoni, futsi yena waphendvula watsini?

2. Njengoba ajabula ngesicelo saSolomoni, Jehova wabese utsembisa kumnikani?

3. Nguyiphi inkinga lematima labasikati lababili labayiletsa kuSolomoni?

4. Njengoba ubona kulesitfombe, Solomoni wayicatulula kanjani lenkinga?

5. Bantfu bebaphila njani nakubusa Solomoni, futsi kungani?

Imibuto leyengetiwe:

1. Fundza 1 Emakhosi 3:3-28.

   1. Emadvodza laniketwe umtfwalo enhlanganweni yaNkulunkulu lamuhla angafundzani emavini lajulile aSolomoni laku-1 Emakhosi 3:7? (Hla. 119:105; Taga 3:5, 6)

   2. Ngutiphi tintfo letifanele lesingatithandazela lapho sicabanga ngesicelo saSolomoni? (1 Khos. 3:9, 11; Taga 30:8, 9; 1 Joh. 5:14)

   3. Indlela Solomoni lacatulula ngayo inkinga yemakhosikati lamabili, isiniketa siphi sicinisekiso mayelana nekubusa kwaSolomoni Lomkhulu, Jesu Khristu esikhatsini lesitako? (1 Khos. 3:28; Isa. 9:6, 7; 11:2-4)

2. Fundza 1 Emakhosi 4:29-34.

   1. Jehova wasiphendvula njani sicelo saSolomoni sekuba nenhlitiyo lelalelako? (1 Khos. 4:29)

   2. Imetamo bantfu labayenta kuze beve kuhlakanipha kwaSolomoni, ifanele isisite sikubheke kanjani kufundza Livi laNkulunkulu? (1 Khos. 4:29, 34; Joh. 17:3; 2 Thim. 3:16)

INdzaba 64

1. Kwamtsatsa sikhatsi lesingakanani Solomoni kucedza kwakha lithempeli laJehova, futsi kungani kwabita imali lenyenti kangaka?

2. Abemangakhi emakamelo lamakhulu alelithempeli, futsi yini leyafakwa ekamelweni lelisekhatsi?

3. Solomoni watsini emthandazweni wakhe nasekuphelile kwakhiwa kwelithempeli?

4. Wakukhombisa njani Jehova kutsi ujabulile ngemthandazo waSolomoni?

5. Bafati baSolomoni bamenta wentani, futsi yini leyenteka kuye?

6. Kungani Jehova amtfukutselela Solomoni, futsi watsini kuye?

Imibuto leyengetiwe:

1. Fundza 1 Tikhronike 28:9, 10.

   Nasibuka emavi aDavide lasencwadzini ya-1 Tikhronike 28:9, 10, yini lokufanele silwele kuyenta ekuphileni kwetfu kwamalanga onkhe? (Hla. 19:14; Fil. 4:8, 9)

2. Fundza 2 Tikhronike 6:12-21, 32-42.

   1. Solomoni wakhombisa njani kutsi asikho sakhiwo lesakhiwe ngumuntfu lesingahlala Nkulunkulu Losetikwako Konkhe? (2 Khr. 6:18; Imis. 17:24, 25)

   2. Emavi aSolomoni latfolakala ku-2 Tikhronike 6:32, 33, akhombisani ngaJehova? (Imis. 10:34, 35; Gal. 2:6)

3. Fundza 2 Tikhronike 7:1-5.

   Njengoba bantfwana baka-Israyeli bativa badvonseleka kumdvumisa Jehova nababona tintfo abetentile, tsine lamuhla kufanele kusitsintse kanjani kucabanga ngetibusiso takhe kubantfu bakhe? (2 Khr. 7:3; Hla. 22:22; 34:1; 96:2)

4. Fundza 1 Emakhosi 11:9-13.

   Indlela yaSolomoni yekuphila ikhombisa kanjani kutsi kufanele sihlale setsembekile kuze kube sekugcineni? (1 Khos. 11:4, 9; Mat. 10:22; Semb. 2:10)

INdzaba 65

1. Bobani emagama alamadvodza lamabili lakulesitfombe, futsi iyini imisebenti yabo?

2. Ahiya wayentani lengubo abeyigcokile, futsi loko kwakusho kutsini?

3. Yini Solomoni letama kuyenta kuJerobowamu?

4. Kungani bantfu benta Jerobowamu waba yinkhosi yembuso wetive letilishumi?

5. Kungani Jerobowamu enta ematfole lamabili egolide, futsi kwentekani eveni lonkhe ngemuva kwaloko?

6. Yini leyenteka kulena leminye imibuso yetive letimbili nasethempelini laJehova eJerusalema?

Imibuto leyengetiwe:

1. Fundza 1 Emakhosi 11:26-43.

   Abengumuntfu lonjani Jerobowamu, futsi yini Jehova lametsembisa yona nakachubeka agcina imiyalo yakhe? (1 Khos. 11:28, 38)

2. Fundza 1 Emakhosi 12:1-33.

   1. Yini labadzala nebatali labangayifundza esibonelweni lesibi saRehobowamu mayelana nekusebentisa kabi ligunya? (1 Khos. 12:13; Shu. 7:7; 1 Phet. 5:2, 3)

   2. Labasha lamuhla bangaya kubani lapho bafuna sicondziso lesikahle ekwenteni tincumo letibalukekile ekuphileni? (1 Khos. 12:6, 7; Taga 1:8, 9; 2 Thim. 3:16, 17; Heb. 13:7)

   3. Yini leyabangela Jerobowamu wenta tindzawo letimbili tekukhontela litfole, futsi loku kwakukhombisa kanjani kutsi akanalo nhlobo lukholo kuJehova? (1 Khos. 11:37; 12:26-28)

   4. Ngubani lowahola bantfu betive letimbili kutsi bahlubuke ekukhonteni kweliciniso? (1 Khos. 12:32, 33)

INdzaba 66

1. Abengubani Jezebeli?

2. Kungani iNkhosi Ahabi yayidzabukile ngalelinye lilanga?

3. Wentani Jezebeli kuze atfolele indvodza yakhe Ahabi sivini saNabothi?

4. Ngubani Jehova lamtfumela kutsi ayojezisa Jezebeli?

5. Njengoba ubona kulesitfombe, yini leyenteka ngalesikhatsi Jehu efika emtini waJezebeli?

Imibuto leyengetiwe:

1. Fundza 1 Emakhosi 16:29-33 kanye na-18:3, 4.

   Tatitimbi kangakanani timo ka-Israyeli ngesikhatsi seNkhosi Ahabi? (1 Khos. 14:9)

2. Fundza 1 Emakhosi 21:1-16.

   1. Nabothi wasikhombisa kanjani sibindzi sekwetsembeka kuJehova? (1 Khos. 21:1-3; Lev. 25:23-28)

   2. Yini lesingayifundza mayelana nendlela Ahabi labeketelela ngayo kudvumateka? (1 Khos. 21:4; Rom. 5:3-5)

3. Fundza 2 Emakhosi 9:30-37.

   Yini lesingayifundza ngenshiseko leyakhonjiswa nguJehu ekwenteni intsandvo yaJehova? (2 Khos. 9:4-10; 2 Khor. 9:1, 2; 2 Thim. 4:2)

INdzaba 67

1. Abengubani Jehoshafati, futsi abephila ngasiphi sikhatsi?

2. Kungani ema-Israyeli afikelwa kwesaba, futsi labanyenti kuwo bentani?

3. Jehova wawuphendvula watsini umthandazo waJehoshafati?

4. Yini Jehova layibangela kutsi yenteke ngembi kwekuba kucale imphi?

5. Yini lesiyingafundza kuJehoshafati?

Imibuto leyengetiwe:

1. Fundza 2 Tikhronike 20:1-30.

   1. Jehoshafati wasitjengisa kutsi tinceku taNkulunkulu letetsembekile kumelwe tenteni lapho tibhekane netimo leticindzetelako? (2 Khr. 20:12; Hla. 25:15; 62:1)

   2. Njengoba Jehova abesolo anayo indlela yekukhuluma nebantfu bakhe, nguyiphi indlela layisebentisako kuze akhulume natsi lamuhla? (2 Khr. 20:14, 15; Mat. 24:45-47; Joh. 15:15)

   3. Ngesikhatsi Nkulunkulu asusa “imphi yelilanga lelikhulu laNkulunkulu, Somandla,” simo setfu sitawufanana kanjani nesaJehoshafati? (2 Khr. 20:15, 17; 32:8; Semb. 16:14, 16)

   4. Alingisa emaLevi, emahlahlandlela kanye netitfunywa telivangeli, anikela njani emsebentini wekushumayela wemhlaba wonkhe lamuhla? (2 Khr. 20:19, 21; Rom. 10:13-15; 2 Thim. 4:2)

INdzaba 68

1. Bobani labantfu labatsatfu labakulesitfombe, futsi kwentekani kulomfana lomncane?

2. Elija wathandaza watsini macondzana nalomfana, futsi kwentekani?

3. Ngubani ligama lemsiti wa-Elija?

4. Kungani Elisha abitwa kutsi aye endlini yalomsikati loseShunemu?

5. Elisha wafika wentani, futsi kwentekani kulomntfwana abefile?

6. Nguwaphi emandla Jehova lanawo, njengoba ubonile ku-Elija na-Elisha?

Imibuto leyengetiwe:

1. Fundza 1 Emakhosi 17:8-24.

   1. Kulalela kwa-Elija kanye nelukholo lwakhe kwavivinywa njani? (1 Khos. 17:9; 19:1-4, 10)

   2. Kungani lukholo lwalomfelokati waseSarefathi lwalukhetsekile? (1 Khos. 17:12-16; Luk. 4:25, 26)

   3. Loko lokwenteka kulomfelokati waseSarefathi kukufakazela kanjani kutsi lamavi aJesu lakuMatewu 10:41, 42 aliciniso? (1 Khos. 17:10-12, 17, 23, 24)

2. Fundza 2 Emakhosi 4:8-37.

   1. Lomfati waseShunemu usifundzisani ngekwamukela tivakashi? (2 Khos. 4:8; Luk. 6:38; Rom. 12:13; 1 Joh. 3:17)

   2. Singatibonisa ngayiphi indlela tento temusa etincekwini taNkulunkulu lamuhla? (Imis. 20:35; 28:1, 2; Gal. 6:9, 10; Heb. 6:10)

INdzaba 69

1. Kulesitfombe, uyati kutsi lentfombatana iyitjelani lenkhosikati?

2. Ingubani lenkhosikati lekulesitfombe, futsi lentfombatana ifunani endlini yayo?

3. Elisha watfumela inceku yakhe kutsi imtjeleni Namani, futsi kungani Namani atfukutsela?

4. Kwentekani ngemuva kwekuba Namani asalalele inceku yakhe?

5. Kungani Elisha asala sipho saNamani, kepha Gehazi wentani?

6. Kwentekani kuGehazi, futsi yini lesingayifundza kuloko?

Imibuto leyengetiwe:

1. Fundza 2 Emakhosi 5:1-27.

   1. Lesibonelo lesabekwa ngulentfombatana lencane lengumIsrayeli, sibakhutsata kanjani lamuhla bantfwana labancane? (2 Khos. 5:3; Hla. 8:2; 148:12, 13)

   2. Kungani kukuhle kukhumbula sibonelo saNamani lapho sitfola seluleko semBhalo? (2 Khos. 5:15; Heb. 12:5, 6; Jak. 4:6)

   3. Ngusiphi sifundvo lesisitfoko nasicatsanisa sibonelo sa-Elisha nalesi saGehazi? (2 Khos. 5:9, 10, 14-16, 20; Mat. 10:8; Imis. 5:1-5; 2 Khor. 2:17)

INdzaba 70

1. Abengubani Jona, futsi Jehova wamtjela kutsi enteni?

2. Ngenca yekutsi abengafuni kuya lapho Jehova amtjela kutsi aye khona, wentani Jona?

3. Jona watjela labantfu labasemkhunjini kutsi benteni kuze lesivunguvungu sibindze?

4. Njengoba ubona kulesitfombe yini leyenteka ngalesikhatsi Jona acwila emantini?

5. Jona wahlala sikhatsi lesingakanani esiswini salenhlanti, futsi wentani ngalesikhatsi asaselapho?

6. Jona waya kuphi ngemuva kwekuba lenhlanti seyimkhafulile, futsi loku kusifundzisani?

Imibuto leyengetiwe:

1. Fundza Jona 1:1-17.

   Jona wativa njani ngesabelo sakhe sekuyoshumayela kubantfu baseNineve? (Jona 1:2, 3; Taga. 3:7; Shu. 8:12)

2. Fundza Jona 2:1, 2, 10.

   Loko lokwenteka kuJona kusenta kanjani setsembe kutsi Jehova utayiphendvula imithandazo yetfu? (Hla. 22:24; 34:6; 1 Joh. 5:14)

3. Fundza Jona 3:1-10.

   1. Ngusiphi sikhutsato lesisitfola ecinisweni lekutsi Jehova wachubeka asebentisa Jona nakuba ehluleka kufeza sabelo sakhe? (Hla. 103:14; 1 Phet. 5:10)

   2. Loko lokwentiwa nguJona kubaseNineve kusifundzisani tsine ngekwehlulela bantfu labasensimini yetfu? (Jona 3:6-9; Shu. 11:6; Imis. 13:48)

INdzaba 71

1. Abengubani Isaya, abephila ngasiphi sikhatsi, futsi Jehova wambonisani?

2. Leligama lelitsi “pharadisi” lisho kutsini, futsi likukhumbutani?

3. Jehova watjela Isaya kutsi abhaleni macondzana neliPharadisi lelisha?

4. Kungani bo-Adamu na-Eva bacoshwa ekhaya labo lelihle?

5. Jehova ubatsembisani labo labamtsandzako?

Imibuto leyengetiwe:

1. Fundza Isaya 11:6-9.

   1. Livi laNkulunkulu likuchaza kanjani kuthula lokutawubakhona ekhatsi kwebantfu netilwane emhlabeni lomusha? (Hla. 148:10, 13; Isa. 65:25; Hez. 34:25)

   2. Ngukuphi kugcwaliseka kwakamoya lokwenteka kubantfu baJehova lamuhla kwemavi a-Isaya? (Rom. 12:2; Ef. 4:23, 24)

   3. Ngubani lofanele advunyiswe ngekuphendvuka kwebantfu endleleni labaphila ngayo nyalo naseveni lelisha? (Isa. 48:17, 18; Gal. 5:22, 23; Fil. 4:7)

2. Fundza Sembulo 21:3, 4.

   1. ImiBhalo ibonisa kanjani kutsi kuhlala kwaNkulunkulu nebantfu akusho kutsi utawuhlala nabo mbamba emhlabeni, kodvwa kusho kutsi utawuba nabo ngekwemfanekiso? (Lev. 26:11, 12; 2 Khro. 6:18; Isa. 66:1; Semb. 21:2, 3, 22-24)

   2. Tinyembeti letinjani kanye nebuhlungu lobunjani lobungeke busaba khona? (Luk. 8:49-52; Rom. 8:21, 22; Semb. 21:4)

INdzaba 72

1. Ngubani ligama lalendvodza lesesitfombeni, futsi kungani isenkingeni lenkhulu?

2. Ngutiphi letincwadzi Hezekiya latindlale embikwaNkulunkulu, futsi yini layithandazela?

3. Hezekiya abeyinkhosi lenjani, futsi ngumuphi umlayeto Jehova lawutfumela kuye ngemphrofethi Isaya?

4. Njengoba kuvetwe esitfombeni, ingilosi yaJehova yentani kuma-Asiriya?

5. Nakuba umbuso wetive letimbili waba nekuthula kwesikhashana, yini leyenteka ngemuva kwekufa kwaHezekiya?

Imibuto leyengetiwe:

1. Fundza 2 Emakhosi 18:1-36.

   1. Indvuna lenkhulu yemphi, Rabishake yatsini kute icedze lukholo lwema-Israyeli? (2 Khos. 18:19, 21; Eks. 5:2; Hla. 64:3)

   2. Lapho boFakazi BaJehova baphikiswa, basilingisa kanjani sibonelo saHezekiya? (2 Khos. 18:36; Hla. 39:1; Taga 26:4; 2 Thim. 2:24)

2. Fundza 2 Emakhosi 19:1-37.

   1. Bantfu baJehova lamuhla basilingisa kanjani sibonelo saHezekiya nabaselusizini? (2 Khos. 19:1, 2; Taga 3:5, 6; Heb. 10:24, 25; Jak. 5:14, 15)

   2. Ngutiphi tigameko letitsatfu iNkhosi Senaheribi leyancontjwa kuto, futsi ngubani lemmelelako lokwaphrofethwa ngaye? (2 Khos. 19:32, 35, 37; Semb. 20:2, 3)

3. Fundza 2 Emakhosi 21:1-6, 16.

   Kungani kungase kutsiwe Manase abengulomunye wemakhosi lamabi labusa eJerusalema? (2 Khr. 33:4-6, 9)

INdzaba 73

1. Abeneminyaka lemingakhi Josaya nakacala kuba yinkhosi, futsi yini lacala kuyenta nase abuse iminyaka lesikhombisa?

2. Wentani Josaya esitfombeni sekucala?

3. Umphristi lomkhulu watfolani ngalesikhatsi emadvodza alungisa lithempeli?

4. Kungani Josaya adzabula timphahla takhe?

5. Ngumuphi umlayeto lovela kuJehova umphrofethikati Hulda lawendlulisela kuJosaya?

Imibuto leyengetiwe:

1. Fundza 2 Tikhronike 34:1-28.

   1. Bantfwana labakhula kamatima bangafundzani esibonelweni saJosaya? (2 Khro. 33:21-25; 34:1, 2; Hla. 27:10)

   2. Ngutiphi tinyatselo letibalulekile Josaya latitsatsa kuze atfutfukise kukhulekela kweliciniso ngemnyaka wesi-8, wesi-12, kanye newesi-18 wekubusa kwakhe? (2 Khro. 34:3, 8)

   3. Ngusiphi sifundvo lesisitfolako sekunakekela tindzawo lesikhontela kuto lesingasifundza esibonelweni lesabekwa yiNkhosi Josaya kanye neMphristi Hilkiya? (2 Khro. 34:9-13; Taga 11:14; 1 Khor. 10:31)

INdzaba 74

1. Lingubani lelijaha lelikulesitfombe?

2. Abetiva kanjani Jeremiya ngekumiswa kwakhe kutsi abe ngumphrofethi, kodvwa Jehova watsini kuye?

3. Ngumuphi umlayeto Jeremiya labekawutjela bantfu?

4. Baphristi betama kanjani kuvimba Jeremiya, kodvwa wasibonisa kanjani sibindzi?

5. Yini leyenteka ngalesikhatsi ema-Israyeli angagucuki etindleleni tawo letimbi?

Imibuto leyengetiwe:

1. Fundza Jeremiya 1:1-8.

   1. Njengoba sibonelo saJeremiya sikhombisa, yini leyenta umuntfu afanelekele kwenta umsebenti waJehova? (2 Khor. 3:5, 6)

   2. Sibonelo saJeremiya sikhutsata emaKhristu lasemasha kutsi enteni lamuhla? (Shu. 12:1; 1 Thim. 4:12)

2. Fundza Jeremiya 10:1-5.

   Ngumuphi umfanekiso Jeremiya lawusebentisa kuze avete kutsi kulite kangakanani kwetsembela etitfombeni? (Jer. 10:5; Isa. 46:7; Hab. 2:19)

3. Fundza Jeremiya 26:1-16.

   1. Nayendlulisela umlayeto losecwayiso lamuhla, insali legcotjiwe iwulalela kanjani umyalo Jehova lawuniketa Jeremiya ‘wekungashiyi nalinye livi’? (Jer. 26:2; Dut. 4:2; Imis. 20:27)

   2. Ngusiphi sibonelo lesihle Jeremiya lasishiyela boFakazi BaJehova lamuhla nabamemetela tecwayiso taJehova etiveni? (Jer. 26:8, 12, 14, 15; 2 Thim. 4:1-5)

4. Fundza 2 Emakhosi 24:1-17.

   Yini ledzabukisako leyenteka ngenca yekungatsembeki kwaJuda kuJehova? (2 Khos. 24:2-4, 14)

INdzaba 75

1. Abobani emagama alabafana labane labasesitfombeni, futsi kungani baseBhabhulona?

2. Nebukhadnezari abefuna kubentani labafana labane, futsi ngumuphi umyalo lawunika tisebenti takhe?

3. Danyela wacela kutsi yena nebangani bakhe labatsatfu banikwe kudla kanye nekwekunatsa lokunjani?

4. Ngemuva kwekuba badle tibhidvo emalanga lalishumi, boDanyela nebangani bakhe labatsatfu bebahluke kanjani kulaba labanye bafana?

5. Kwenteka kanjani kutsi boDanyela nebangani bakhe labatsatfu bagcine basendlini yenkhosi, futsi kungani bona baba ncono kunebaphristi kanye nemadvodza lahlakaniphile?

Imibuto leyengetiwe:

1. Fundza Danyela 1:1-21.

   1. Ngumuphi umetamo lokumelwe siwente kute sikwati kumelana netilingo futsi sincobe butsakatsaka? (Dan. 1:8; Gen. 39:7, 10; Gal. 6:9)

   2. Labasha lamuhla bangalingwa kanjani nobe bacindzetelwe kutsi batitike ngetintfo labanye latibuka ‘njengetibiliboco’? (Dan. 1:8; Taga 20:1; 2 Khor. 6:17–7:1)

   3. Indzaba leseBhayibhelini yemaHebheru lamane isisita kutsi sicondzeni mayelana nekuba nemfundvo yelive? (Dan. 1:20; Isa. 54:13; 1 Khor. 3:18-20)

INdzaba 76

1. Njengoba ubona esitfombeni yini leyentekako eJerusalema nakuma-Israyeli?

2. Abengubani Hezekeli, futsi ngutiphi tintfo letimbi letatenteka Jehova lamtjengisa tona?

3. Ngenca yekutsi ema-Israyeli abengasamhloniphi Jehova, yini layetsembisa?

4. INkhosi Nebukhadnezari yentani ngemuva kwekuba ema-Israyeli ayekele kuyilalela?

5. Kungani Jehova avumela kutsi ema-Israyeli abhujiswe?

6. Kwenteka njani kutsi live lema-Israyeli ligcine lite muntfu, futsi loko kwatsatsa sikhatsi lesinganani?

Imibuto leyengetiwe:

1. Fundza 2 Emakhosi 25:1-26.

   1. Abengubani Sedekiya, yini leyenteka kuye, futsi loku lokwenteka kusigcwalisa kanjani siphrofetho seliBhayibheli? (2 Khos. 25:5-7; Hez. 12:13-15)

   2. Ngubani Jehova lambeka licala ngekungetsembeki kwema-Israyeli? (2 Khos. 25:9, 11, 12, 18, 19; 2 Khro. 36:14, 17)

2. Fundza Hezekeli 8:1-18.

   Tinkholo Tebukholwa tiwalingisa kanjani ema-Israyeli lahlubuka akhonta lilanga? (Hez. 8:16; Isa. 5:20, 21; Joh. 3:19-21; 2 Thim. 4:3)

INdzaba 77

1. Inkhosi yaseBhabhulona lenguNebukhadnezari, yabaniketa muphi umyalo bantfu?

2. Kungani bangani baDanyela labatsatfu bangazange bakhotsamele sithico segolide?

3. Ngalesikhatsi Nebukhadnezari aniketa emaHebheru lamatsatfu lelinye litfuba lekukhotsamela lesithico, akukhombisa kanjani kwetsembela kwawo kuJehova?

4. Nebukhadnezari watfumela tinceku takhe kutsi tibenteni boShadraki, Meshaki, na-Abednego?

5. Yini Nebukhadnezari layibona kulelilangabi lemlilo?

6. Kungani inkhosi yadvumisa Nkulunkulu wabo Shadraki, Meshaki, na-Abednego, futsi basibekela siphi sibonelo?

Imibuto leyengetiwe:

1. Fundza Danyela 3:1-30.

   1. Ngusiphi simo lesaboniswa ngemaHebheru lamatsatfu lasemasha lokumelwe tonkhe tinceku taNkulunkulu tisilingise lapho tihlangabetana neluvivinyo lwebucotfo? (Dan. 3:17, 18; Mat. 10:28; Rom. 14:7, 8)

   2. Ngusiphi sifundvo lesibalulekile Nkulunkulu Jehova lasifundzisa Nebukhadnezari? (Dan. 3:28, 29; 4:34, 35)

INdzaba 78

1. Yini leyenteka ngalesikhatsi inkhosi yase-Bhabhulona inemcimbi lomkhulu futsi isebentisa titja kanye netinkomishi letitsetfwe ethempelini laJehova eJerusalema?

2. Yini Bhelshasari layisho emadvodzeni lahlakaniphile, kodvwa yini lahluleka kuyenta?

3. Make walenkhosi wayitjela kutsi yenteni?

4. Lapho Danyela atjela inkhosi, watsi kungani Nkulunkulu atfumela lesandla kutsi sibhale lapha elubondzeni?

5. Danyela watsi asho kutsini lamagama labebhalwe elubondzeni?

6. Yini leyenteka ngalesikhatsi Danyela asakhuluma?

Imibuto leyengetiwe:

1. Fundza Danyela 5:1-31.

   1. Ase usho umehluko lokhona emkhatsini wekwesaba Nkulunkulu, nekwesaba Bhelshasari abenako nakabona lombhalo lowawuselubondzeni. (Dan. 5:6, 7; Hla. 19:9; Rom. 8:35-39)

   2. Danyela wasikhombisa njani sibindzi nakakhuluma naBhelishasari netikhulu takhe? (Dan. 5:17, 18, 22, 26-28; Imis. 4:29)

   3. Danyela sehluko 5 ubusekela ngayiphi indlela bukhosi baJehova bendzawo yonkhe? (Dan. 4:17, 25; 5:21)

INdzaba 79

1. Abengubani Dariyusi, futsi abetiva njani ngaDanyela?

2. Emadvodza lanemona atsi kuDariyusi akenteni?

3. Yini Danyela layenta nakeva ngalomtsetfo lomusha?

4. Kungani Dariyusi abekhatsatatekile waze wehluleka ngisho nekulala, futsi yini layenta ngakusasa ekuseni?

5. Danyela wamphendvula watsini Dariyusi?

6. Lamadvodza lamabi abefuna kubulala Danyela entiwani, futsi Dariyusi wababhalelani bonkhe bantfu embusweni wakhe?

Imibuto leyengetiwe:

1. Fundza Danyela 6:1-28.

   1. Licebo lelakhelwa Danyela lisikhumbuta tiphi tintfo letentiwe baphikisi kuze bavimbele umsebenti waboFakazi BaJehova esikhatsini salamuhla? (Dan. 6:7; Hla. 94:20; Isa. 10:1; Rom. 8:31)

   2. Tinceku taNkulunkulu tingamlingisa njani Danyela ngekutitfoba ‘etiphatsimandleni tembuso’? (Dan. 6:5, 10; Rom. 13:1; Imis. 5:29)

   3. Singasilingisa kanjani sibonelo saDanyela ekukhonteni Jehova “njalonjalo”? (Dan. 6:16, 20; Fil. 3:16; Semb. 7:15)

INdzaba 80

1. Njengoba sibona lapha esitfombeni, ema-Israyeli entani?

2. Khuresi wasigcwalisa kanjani siphrofetho saJehova lesashiwo ngu-Isaya?

3. Khuresi wawatjelani ema-Israyeli langazange abuyele eJerusalema?

4. Yini Khuresi layiniketa labantfu kutsi babuyele nayo eJerusalema?

5. Kwawatsatsa sikhatsi lesingakanani ema-Israyeli kutsi efike eJerusalema?

6. Kwase kwendlule iminyaka lemingakhi lelive lingenabantfu?

Imibuto leyengetiwe:

1. Fundza Isaya 44:28 kanye na-45:1-4.

   1. Jehova watsini ngalesikhatsi agcizelela kutsi siphrofetho lesimayelana naKhuresi sitawugcwaliseka nobe kanjani? (Isa. 55:10, 11; Rom. 4:17)

   2. Siphrofetho sa-Isaya lesimayelana naKhuresi sikhombisani ngelikhono laNkulunkulu Jehova lekubiketela ngalokutawenteka esikhatsini lesitako? (Isa. 42:9; 45:21; 46:10, 11; 2 Phet. 1:20)

2. Fundza Ezra 1:1-11.

   Silandzela sibonelo salabo labangazange babuyele eJerusalema, tsine lamuhla singabacinisa kanjani labo labasemsebentini wesikhatsi sonkhe? (Ezra 1:4, 6; Rom. 12:13; Khol. 4:12)

INdzaba 81

1. Bangakhi bantfu labahamba besuka eBhabhulona baya eJerusalema, kodvwa yini labayikhandza nabefika?

2. Yini ema-Israyeli lacala kuyakha nakefika nje eJerusalema, kodvwa titsa tawo tentani?

3. Hagayi naZakhariya kwakubobani, futsi babatjelani bantfu?

4. Kungani Thathenayi atfumela incwadzi eBhabhulona, futsi nguyiphi imphendvulo layitfola?

5. Yini Ezra layenta nakeva ngesidzingo sekuyokwakha lithempeli laNkulunkulu?

6. Yini Ezra abeyithandazela kulesitfombe, umthandazo wakhe waphendvulwa kanjani, futsi loku kusifundzisani?

Imibuto leyengetiwe:

1. Fundza Ezra 3:1-13.

   Nasititfola sisendzaweni lete libandla lebantfu baNkulunkulu, yini lokufanele sichubeke siyenta? (Ezra 3:3, 6; Imis. 17:16, 17; Heb. 13:15)

2. Fundza Ezra 4:1-7.

   Ngusiphi sibonelo Zerubhabhele lasibekela bantfu baJehova mayelana nekucubanisa tinkholo? (Eks. 34:12; 1 Khor. 15:33; 2 Khor. 6:14-17)

3. Fundza Ezra 5:1-5, 17 kanye na-6:1-22.

   1. Kungani baphikisi behluleka kumisa umsebenti wekwakha lithempeli? (Ezra 5:5; Isa. 54:17)

   2. Ngusiphi sento semadvodza lamadzala langemaJuda lesikhutsata labadzala labangemaKhristu kutsi bafune sicondziso saJehova lapho basembikwebaphikisi? (Ezra 6:14; Hla. 32:8; Rom. 8:31; Jak. 1:5)

4. Fundza Ezra 8:21-23, 28-36.

   Ngembi kwekwenta lokutsite, ngusiphi sibonelo sa-Ezra lokuyoba kuhle kutsi sisilingise? (Ezra 8:23; Hla. 127:1; Taga 10:22; Jak. 4:13-15)

INdzaba 82

1. Babebobani boModekhayi na-Esta?

2. Kungani iNkhosi Ahashiveroshi yayifuna lomunye umfati, futsi yakhetsa bani?

3. Abengubani Hamani, futsi yini leyamtfukutselisa?

4. Ngumuphi umtsetfo lowashaywa, futsi yini Esta layenta nakatfola umlayeto lovela kuModekhayi?

5. Yini leyenteka kuHamani, futsi kwentekani kuModekhayi?

6. Ema-Israyeli asindziswa kanjani etitseni tawo?

Imibuto leyengetiwe:

1. Fundza Esta 2:12-18.

   Esta wakukhombisa kanjani kubaluleka kwekuhlakulela ‘umoya lonekuthula’? (Esta 2:15; 1 Phet. 3:1-5)

2. Fundza Esta 4:1-17.

   Njengoba Esta abenikiwe litfuba lekuvikela kukhulekela kweliciniso, nguliphi tsine litfuba lesiniketwe lona lekukhombisa kutinikela nekwetsembeka kuJehova? (Esta 4:13, 14; Mat. 5:14-16; 24:14)

3. Fundza Esta 7:1-6.

   Bantfu baNkulunkulu lamuhla basengotini yekutsi bahlushwe ngayiphi indlela njengoba kwenteka ku-Esta? (Esta 7:4; Mat. 10:16-22; 1 Phet. 2:12)

INdzaba 83

1. Ema-Israyeli ativa njani ngekutsi kwakute tindvonga letatigegeletele liJerusalema?

2. Abengubani Nehemiya?

3. Wawuyini umsebenti waNehemiya, futsi kungani wawubalulekile?

4. WNgutiphi tindzaba letevisa Nehemiya buhlungu, futsi yini layenta?

5. INkhosi Athazeksesi yawukhombisa njani umusa kuNehemiya?

6. Kuze titsa tema-Israyeli tingawuvimbi umsebenti wekwakha, yini layenta nalayisho Nehemiya?

Imibuto leyengetiwe:

1. Fundza Nehemiya 1:4-6 kanye na-2:1-20.

   Nehemiya wasifuna njani sicondziso lesivela kuJehova? (Neh. 2:4, 5; Rom. 12:12; 1 Phet. 4:7)

2. Fundza Nehemiya 3:3-5.

   Labadzala netinceku letisebentako bangafundzani kuloko lokwentiwa baseThekhowa ‘nemadvodza akhona lahloniphekile’? (Neh. 3:5, 27; 2 Thes. 3:7-10; 1 Phet. 5:5)

3. Fundza Nehemiya 4:1-23.

   1. Yini leyakhutsata ema-Israyeli kutsi achubeke nekwakha nakuba abephikiswa kabuhlungu? (Neh. 4:6, 8, 9; Hla. 50:15; Isa. 65:13, 14)

   2. Sibonelo sema-Israyeli sisikhutsata kanjani lamuhla?

4. Fundza Nehemiya 6:15.

   Lokutsi tindvonga tase Jerusalema tacedvwa kwakhiwa ngetinyanga letimbili, kusikhombisani ngemandla elukholo? (Hla. 56:3, 4; Mat. 17:20; 19:26)

INdzaba 84

1. Ngubani lona lomsikati lokulesitfombe?

2. Yini Gabhriyeli layitjela Mariya?

3. Gabhriyeli wamchazela njani Mariya kutsi utawuba nemntfwana, nakuba abengahlali nendvodza?

4. Yini leyenteka ngalesikhatsi Mariya avakashela sihlobo sakhe Elizabethe?

5. Wacabanga kwentani Josefa nakeva kutsi Mariya utawuba nemntfwana, kepha yini leyamenta washintja umcondvo?

Imibuto leyengetiwe:

1. Fundza Lukha 1:26-56.

   1. Ngesikhatsi kwendluliselwa kuphila kweNdvodzana yaNkulunkulu esibeletfweni saMariya, Lukha 1:35 ukhombisa kanjani kutsi loku akuzange kutsintfwe kungapheleli lesakutfola ku-Adamu? (Hag. 2:11-13; Joh. 6:69; Heb. 7:26; 10:5)

   2. Jesu wadvunyiswa njani ngisho nalapho asengakatalwa? (Luk. 1:41-43)

   3. Ngusiphi sibonelo lesihle Mariya lasibekela emaKhristu latfola emulungelo lakhetsekile emsebenti webuKhristu lamuhla? (Luk. 1:38, 46-49; 17:10; Taga 11:2)

2. Fundza Matewu 1:18-25.

   Nakuba Jesu anganikwanga leligama lelitsi Imanuweli, kepha wayigcwalisa njani inchazelo yalo ngalesikhatsi alapha.emhlabeni? (Mat. 1:22, 23; Joh. 14:8-10; Heb. 1:1-3)

INdzaba 85

1. Ngubani lomntfwana lomncane lokulesitfombe, futsi Mariya umlalisa kuphi?

2. Kungani Jesu atalelwa esitebeleni?

3. Kulesitfombe, abobani lamadvodza langena esitebeleni, futsi ingilosi iwatjeleni?

4. Kungani Jesu abengumuntfu lokhetsekile?

5. Kungani Jesu abitwa ngekutsi yiNdvodzana yaNkulunkulu?

Imibuto leyengetiwe:

1. Fundza Lukha 2:1-20.

   1. Nguyiphi incenye laba nayo Khesari Agustusi ekugcwaliseni siphrofetho lebesimayelana nekutalwa kwaJesu? (Luk. 2:1-4; Mik. 5:2)

   2. Umuntfu ngamunye angatihlanganisa kanjani nalabo lababitwa ngekutsi ‘bantfu labatfokotelwa nguJehova’? (Luk. 2:14; Mat. 16:24; Joh. 17:3; Imis. 3:19; Heb. 11:6)

   3. Nangabe belusi labangemaJuda baba nesizatfu sekujabula ngenca yekutalwa kweMsindzisi, tinceku taNkulunkulu tinasiphi sizatfu lesikhulu sekujabula lamuhla? (Luk. 2:10, 11; Ef. 3:8, 9; Semb. 11:15; 14:6)

INdzaba 86

1. Abobani lamadvodza, futsi kungani lomunye kuwo akhomba lenkhanyeti?

2. Yini leyabangela kutsi iNkhosi Herodi ikhatsateke, futsi yini leyayenta?

3. Lenkhanyeti yawaholela kuphi lamadvodza, kodvwa kungani aphindzela eveni lawo ahamba ngalenye indlela?

4. Ngumuphi umyalo Herodi lawukhipha, futsi kungani?

5. Jehova watjela Josefa kutsi enteni?

6. Ngubani lowabangela lenkhanyeti lensha kutsi ikhatimule, futsi kungani?

Imibuto leyengetiwe:

1. Fundza Matewu 2:1-23.

   Jesu abeneminyaka lemingakhi ngalesikhatsi tati tetinkhanyeti timvakashela, futsi abehlala kuphi? (Mat. 2:1, 11, 16)

INdzaba 87

1. Abeneminyaka lemingakhi Jesu kulesitfombe, futsi abekuphi?

2. Yini Josefa kanye nemndeni wakhe lebebayenta njalo ngemnyaka?

3. Ngemva kwelilanga linye bacale luhambo lwabo lolubuyela ekhaya, kungani boJosefa naMariya babuyela eJerusalema?

4. BoJosefa naMariya bagcine bamtfole kuphi Jesu, futsi kungani bantfu labebalapho bebamangele?

5. Watsini Jesu kumake wakhe Mariya?

6. Singafana kanjani naJesu ekufundzeni ngaNkulunkulu?

Imibuto leyengetiwe:

1. Fundza Lukha 2:41-52.

   1. Nakuba Umtsetfo wawutsi bantfu labadvuna kuphela labebangaya emkhosini waminyaka yonkhe, ngusiphi sibonelo lesihle boJosefa naMariya labasibekela batali lamuhla? (Luk. 2:41; Dut. 16:16; 31:12; Taga 22:6)

   2. Jesu wababekela kanjani sibonelo lesihle labasebancane lamuhla kutsi batfobele batali babo? (Luk. 2:51; Dut. 5:16; Taga 23:22; Khol. 3:20)

2. Fundza Matewu 13:53-56.

   Ngubaphi bomnakabo Jesu labane lababitwa ngemagama eBhayibhelini, futsi lababili kubo basetjentiswa kanjani ebandleni lebuKhristu? (Mat. 13:55; Imis. 12:17; 15:6, 13; 21:18; Gal. 1:19; Jak. 1:1; Juda 1)

INdzaba 88

1. Abobani lamadvodza lamabili lakulesitfombe?

2. Umuntfu ubhajatiswa njani?

3. Imvamisa Johane abebhabhatisa bantfu labanjani?

4. Ngusiphi sizatfu lesikhetsekile lesenta Jesu wacela kubhajatiswa nguJohane?

5. Nkulunkulu wakhombisa kanjani kutsi abejabulile ngekubhajatiswa kwaJesu?

6. Kwentekani ngalesikhatsi Jesu aya endzaweni lethulile emalanga langu-40?

7. Kwakubobani balandzeli nobe bafundzi baJesu bekucala, futsi ngusiphi simangaliso sekucala lasenta?

Imibuto leyengetiwe:

1. Fundza Matewu 3:13-17.

   Ngusiphi sibonelo Jesu lasibekela bafundzi bakhe ngekubhajatiswa? (Hla. 40:7, 8; Mat. 28:19, 20; Luk. 3:21, 22)

2. Fundza Matewu 4:1-11.

   Indlela Jesu abeyati ngayo imiBhalo isikhutsata kanjani kutsi natsi sifundze liBhayibheli onkhe malanga? (Mat. 4:5-7; 2 Phet. 3:17, 18; 1 Joh. 4:1)

3. Fundza Johane 1:29-51.

   Johane umbhabhatisi watsi bafundzi bakhe abaye kubani, futsi tsine singamlingisa kanjani lamuhla? (Joh. 1:29, 35, 36; 3:30; Mat. 23:10)

4. Fundza Johane 2:1-12.

   Simangaliso sekucala Jesu lasenta sikhombisa kanjani kutsi Jehova akatigodleli tinceku takhe tintfo letinhle? (Joh. 2:9, 10; Hla. 84:11; Jak. 1:17)

INdzaba 89

1. Kungani lamadvodza atsengisa tilwane ethempelini?

2. Yini leyenta Jesu watfukutsela?

3. Njengoba ubona kulesitfombe, Jesu wentani, futsi wawatjelani lamadvodza labetsengisa ematuba?

4. Balandzeli baJesu nababona loko lokwakwenteka, bakhumbulani?

5. Ngalesikhatsi Jesu abuyela eGalile wadzabula kusiphi sifundza?

Imibuto leyengetiwe:

1. Fundza Johane 2:13-25.

   Nasicabanga ngendlela Jesu latfukutsela ngayo lapho abona bashintji bemali ethempelini, kusitjela kutsi ngumuphi umbona lokahle lokumelwe sibe nawo ngekutsengiselana eHholweni leMbuso? (Joh. 2:15, 16; 1 Khor. 10:24, 31-33)

INdzaba 90

1. Kungani Jesu wafike wema emtfonjeni waseSamariya, futsi abekhuluma atsini kulomfati lapho?

2. Kungani lomfati amangala, Jesu watsini kuye, futsi kungani akusho loko?

3. Lomfati abecabanga kutsi nguwaphi emanti Jesu abekhuluma ngawo, kodvwa mbamba mbamba abesho waphi emanti?

4. Kungani lomfati amangala ngekutsi Jesu abati lokunyenti ngaye, futsi abekwati kanjani konkhe loku?

5. Ngusiphi sifundvo lesisitfolako endzabeni yalomfati losemtfonjeni?

Imibuto leyengetiwe:

1. Fundza Johane 4:5-43.

   1. Nangabe silandzela sibonelo saJesu, ngusiphi simo lesitawuba naso kubantfu labehlukile kitsi ngekweluhlanga nobe labakhuliswe ngendlela leyehlukile kuneyetfu? (Joh. 4:9; 1 Khor. 9:22; 1 Thim. 2:3, 4; Thit. 2:11)

   2. Ngutiphi tinzuzo tamoya letingatfolwa ngumuntfu nangabe aba ngumfundzi waJesu? (Joh. 4:14; Isa. 58:11; 2 Khor. 4:16)

   3. Singakukhombisa kanjani kwatisa kwetfu njengalomfati waseSamariya, labelangatelela kucocela labanye ngaloko abesandza kukufundza? (Joh. 4:7, 28; Mat. 6:33; Luk. 10:40-42)

INdzaba 91

1. Kulesitfombe, Jesu ufundzisa kuphi, futsi bobani laba labahleti edvute naye?

2. Kwakubobani emagama ebaphostoli bakhe labangu-12?

3. Uyini uMbuso lowo Jesu abeshumayela ngawo?

4. Yini Jesu lafundzisa bantfu kutsi bayithandazele?

5. Jesu watsi bantfu kwakufanele kutsi baphatsane kanjani?

Imibuto leyengetiwe:

1. Fundza Matewu 5:1-12.

   Ngutiphi tindlela lesingaveta ngato kutsi siyasicaphela sidzingo setfu sakamoya? (Mat. 5:3; Rom. 10:13-15; 1 Thim. 4:13, 15, 16)

2. Fundza Matewu 5:21-26.

   Incwadzi yaMatewu 5:23, 24 ikugcizelela kanjani kutsi buhlobo betfu nebazalwane betfu nabodzadzewetfu butsintsa buhlobo betfu naJehova? (Mat. 6:14, 15; Hla. 133:1; Khol. 3:13; 1 Joh. 4:20)

3. Fundza Matewu 6:1-8.

   Ngutiphi tento tekutibona ulunge ngalokwecile emaKhristu lekufanele atigweme? (Luk. 18:11, 12; 1 Khor. 4:6, 7; 2 Khor. 9:7)

4. Fundza Matewu 6:25-34.

   Njengoba Jehova kunguye longanakekela tidzingo tetfu tenyama, yini Jesu layifundzisa mayelana nekubaluleka kwekwetsembela kuye? (Eks. 16:4; Hla. 37:25; Fil. 4:6)

5. Fundza Matewu 7:1-11.

   Umfanekiso locacile losencwadzini yaMatewu 7:5 usifundzisani? (Taga 26:12; Rom. 2:1; 14:10; Jak. 4:11, 12)

INdzaba 92

1. Ngubani babe walentfombatana lesesitfombeni, futsi kungani yena nemfati wakhe bakhatsatekile?

2. Wentani Jariyu nakatfola Jesu?

3. Yini leyenteka ngalesikhatsi Jesu asendleleni aya kaJariyu, futsi ngumuphi umbiko Jariyu lawutfolako ngalesikhatsi sekabuyela ekhaya?

4. Bamhlekani Jesu labantfu labesendlini yaJariya?

5. Nasangenise baphostoli bakhe labatsatfu, babe kanye namake walentfombatana ekamelweni, yini Jesu layenta?

6. Ngubani lomunye Jesu lamvusa ekufeni, futsi loko kusikhombisani?

Imibuto leyengetiwe:

1. Fundza Lukha 8:40-56.

   Jesu wambonisa kanjani sihawu nekumcabangela umfati lonemopho, futsi yini labadzala labangemaKhristu lamuhla labangayifundza kuloko? (Luk. 8:43, 44, 47, 48; Lev. 15:25-27; Mat. 9:12, 13; Khol. 3:12-14)

2. Fundza Lukha 7:11-17.

   Labo labafelwe tihlobo tabo bangayitfola kanjani indvudvuto endleleni Jesu lenta ngayo endzabeni yemfelokati waseNayini? (Luk. 7:13; 2 Khor. 1:3, 4; Heb. 4:15)

3. Fundza Johane 11:17-44.

   Jesu wasikhombisa kanjani kutsi kulungile kukhala lapho sifelwe ngumuntfu lesimtsandzako? (Joh. 11:33-36, 38; 2 Sam. 18:33; 19:1-4)

INdzaba 93

1. Nguyiphi intfo lebuhlungu leyenteka kuJohane umbhabhatisi, futsi loko kwamphatsa kanjani Jesu?

2. Jesu watisutsisa kanjani ticumbi tebantfu letatimlandzela, futsi kwasala kudla lokungakanani?

3. Kungani bafundzi bafikelwa kwesaba ebusuku, futsi yini leyenteka kuPhetro?

4. Jesu waphindze wabasutsisa kanjani bantfu labatinkhulungwane?

5. Kungani kuyoba nenjabulo lapho Jesu asabusa emhlabeni njengeNkhosi lemiswe nguNkulunkulu?

Imibuto leyengetiwe:

1. Fundza Matewu 14:1-32.

   1. Indzaba lekuMatewu 14:23-32 isitjela kutsi Phetro abengumuntfu lonjani?

   2. ImiBhalo isitjengisa kanjani kutsi ekugcineni Phetro waba ngumuntfu lovutsiwe futsi wayekela nekwenta tintfo ngaphandle kwekucabanga? (Mat. 14:27-30; Joh. 18:10; 21:7; Imis. 2:14, 37-40; 1 Phet. 5:6, 10)

2. Fundza Matewu 15:29-38.

   Jesu wakhombisa kanjani kutsi uyawatisa emalungiselelo enyama lavela kuBabe wakhe? (Mat. 15:37; Joh. 6:12; Khol. 3:15)

3. Fundza Johane 6:1-21.

   EmaKhristu lamuhla angasilandzela kanjani sibonelo lesabekwa nguJesu mayelana nahulumende? (Joh. 6:15; Mat. 22:21; Rom. 12:2; 13:1-4)

INdzaba 94

1. Baphostoli bebaphikisana ngani endleleni?

2. Kungani Jesu abita umfanyana wammisa emkhatsini webaphostoli?

3. Baphostoli bebangafundza kanjani kutsi bafane nemntfwana?

4. Etinyangeni letimbalwa letalandzela, Jesu wakhombisa kanjani kutsi uyabatsandza bantfwana?

Imibuto leyengetiwe:

1. Fundza Matewu 18:1-4.

   Kungani Jesu abesebentisa imifanekiso nakafundzisa? (Mat. 13:34, 36; Makho 4:33, 34)

2. Fundza Matewu 19:13-15.

   Ngutiphi timfanelo letikubantfwana labancane lokufanele sitilingise kuze natsi sitfole tibusiso teMbuso? (Hla. 25:9; 138:6; 1 Khor. 14:20)

3. Fundza Makho 9:33-37.

   Jesu wabafundzisani bafundzi bakhe ngekufuna tikhundla? (Mak. 9:35; Mat. 20:25, 26; Gal. 6:3; Fil. 2:5-8)

4. Fundza Makho 10:13-16.

   Jesu abenesimo lesinjani, futsi labadzala labangemaKhristu bangafundzani esibonelweni sakhe? (Mak. 6:30-34; Fil. 2:1-4; 1 Thim. 4:12)

INdzaba 95

1. Lenye indvodza yini leyayibuta kuJesu, futsi kungani yambuta?

2. Ngaletinye tikhatsi abefundzisa ngani Jesu, futsi yini lesesiyifundzile kakadze ngemaJuda nangemaSamariya?

3. Endzabeni leyacocwa nguJesu, yini leyenteka kumJuda labehamba endleni leya eJerikho?

4. Yini leyenteka ngalesikhatsi umphristi longumJuda kanye nemLevi bandlula ngaleyo ndlela?

5. Kulesitfombe, ngubani lombona asita lomJuda lolimele?

6. Nasekacedzile Jesu kucoca lendzaba, ngumuphi umbuto lawubuta, futsi lendvodza yawuphendvula yatsini?

Imibuto leyengetiwe:

1. Fundza Lukha 10:25-37.

   1. Kunekumane ayitjele imphendvulo lecondzile, Jesu wayisita kanjani lenye indvodza lenelwati lweMtsetfo kutsi icabange ngendzaba? (Luk. 10:26; Mat. 16:13-16)

   2. Jesu wayisebentisa kanjani imifanekiso kuze acedze lubandlululo etilalelini takhe? (Luk. 10:36, 37; 18:9-14; Thit. 1:9)

INdzaba 96

1. Abentani Jesu ngalesikhatsi ahamba kulo lonkhe live?

2. Ngemuva kweminyaka lemitsatfu Jesu abhabhatiswa, wabatjelani baphostoli bakhe?

3. Babobani labantfu labasesitfombeni, futsi Jesu wamentelani lomfati?

4. Kungani imphendvulo yaJesu ibenta babenemahloni baholi benkholo?

5. Ngalesikhatsi Jesu nebaphostoli bakhe sebasedvute neJerikho, yini layentela timphumphutse letimbili?

6. Kungani Jesu abenta timangaliso?

Imibuto leyengetiwe:

1. Fundza Matewu 15:30, 31.

   Ngukuphi kuvetwa kwemandla lamangalisako aJehova lokubonakala kuJesu, futsi loko kufanele kuyitsintse kanjani indlela lesisibuka ngayo setsembiso semhlaba lomusha? (Hla. 37:29; Isa. 33:24)

2. Fundza Lukha 13:10-17.

   Ngenca yetimangaliso letikhetsekile Jesu latenta ngeSabatha, loko kusicinisekisa kanjani ngemphumuto layoyiletsela sintfu ekhatsi nekuBusa kwakhe kweMinyaka leyiNkhulungwane? (Luk. 13:10-13; Hla. 46:9; Mat. 12:8; Khol. 2:16, 17; Semb. 21:1-4)

3. Fundza Matewu 20:29-34.

   Lendzaba isikhombisa kanjani kutsi Jesu akazange abematasa kakhulu kangangekutsi angasakwati nekusita bantfu, futsi tsine yini lesingayifundza kuloku? (Dut. 15:7; Jak. 2:15, 16; 1 Joh. 3:17)

INdzaba 97

1. Ngalesikhatsi Jesu ahamba aya kulomunye umuti losedvutane neJerusalema, watjela bafundzi bakhe kutsi benteni?

2. Kwenteni ngalesikhatsi Jesu efika edvute neJerusalema, njengoba ubona kulesitfombe?

3. Bantfwana labancane bentani nababona Jesu avula emehlo etimphumphutse futsi elapha labakhubatekile?

4. Jesu watsini kulabaphristi lebebatfukutsele?

5. Singafanana kanjani nalabantfwana labadvumisa Jesu?

6. Yini bafundzi lebebafuna kuyati?

Imibuto leyengetiwe:

1. Fundza Matewu 21:1-17.

   1. Kungena kwaJesu eJerusalema njengeNkhosi kuhluke kanjani nekungena kwabojenene lababuya ekuncobeni ngesikhatsi semaRoma? (Mat. 21:4, 5; Zak. 9:9; Fil. 2:5-8; Khol. 2:15)

   2. Ngusiphi sifundvo bantfwana labancane labangasifundza kubafana labangema-Israyeli lokukhulunywa ngabo kuTihlabelelo 118 ngalesikhatsi Jesu angena ethempelini? (Mat. 21:9, 15; Hla. 118:25, 26; 2 Thim. 3:15; 2 Phet. 3:18)

2. Fundza Johane 12:12-16.

   Kumelelani kusetjentiswa kwemagala elusundvu labephetfwe ngulabantfu labebadvumisa Jesu? (Joh. 12:13; Fil. 2:10; Semb. 7:9, 10)

INdzaba 98

1. Kulamadvodza lakulesitfombe ngumuphi Jesu, futsi unabobani?

2. Yini baphristi lebebazama kuyenta ngalesikhatsi Jesu asethempelini, futsi yini layisho kubo?

3. Baphostoli bambutani Jesu?

4. Kungani Jesu atjela baphostoli bakhe tintfo lebetitakwenteka emhlabeni ngalesikhatsi yena sekabusa njengeNkhosi ezulwini?

5. Yini Jesu latsi itakwenteka ngembi kwekuba acedze tonkhe tintfo letimbi emhlabeni?

Imibuto leyengetiwe:

1. Fundza Matewu 23:1-39.

   1. Ngisho nobe imiBhalo ibonisa kutsi kubita bantfu ngetikhundla labakuto eveni kungesiyo intfo lembi, emavi aJesu lakuMatewu 23:8-11 asibonisani kanjani kutsi loku akufaneleki ebandleni lebuKhristu? (Imis. 26:25; Rom. 13:7; 1 Phet. 2:13, 14)

   2. Yini baFarisi lebayisebentisa kuze bavimbe bantfu kutsi bangabi ngemaKhristu, futsi bafundisi bawasebentise njani emacebo lafanako esikhatsini salamuhla? (Mat. 23:13; Luk. 11:52; Joh. 9:22; 12:42; 1 Thes. 2:16)

2. Fundza Matewu 24:1-14.

   1. Kubaluleka kwekukhutsatela kugcizelelwe kanjani kuMatewu 24:13?

   2. Leligama lelikuMatewu 24:13 lelitsi “kuphela” lisho kutsini? (Mat. 16:27; Rom. 14:10-12; 2 Khor. 5:10)

3. Fundza Makho 13:3-10.

   Nguwaphi emavi lakuMakho 13:10 lasikhombisa kutsi kuyaphutfuma kushunyayelwa kwetindzaba letinhle, futsi emavi aJesu kufanele asitsintse kanjani? (Rom. 13:11, 12; 1 Khor. 7:29-31; 2 Thim. 4:2)

INdzaba 99

1. Njengoba ubona kulesitfombe, kungani Jesu nebaphostoli bakhe labangu-12 bahleti ekamelweni lelisetulu?

2. Ngubani lendvodza lehambako, futsi iyokwentani?

3. Ngusiphi sidlo lesikhetsekile Jesu lasicala ngemuva kwekuba sebacedze sidlo seliPhasika?

4. LiPhasika lakhumbhuta ema-Israyeli siphi sentakalo, futsi lesisidlo lesikhetsekile sibakhumbutani balandzeli baJesu?

5. Ngemuva kweSidlo seNkhosi Sakusihlwa, Jesu wabatjelani balandzeli bakhe, futsi bentani?

Imibuto leyengetiwe:

1. Fundza Matewu 26:14-30.

   1. Umbhalo waMatewu 26:15 usikhombisa kanjani kutsi sento saJudasi sekutsengisa Jesu bekusento sangemabomu?

   2. Ngutiphi tintfo letimbili letifezwa yingati yaJesu leyacitseka? (Mat. 26:27, 28; Jer. 31:31-33; Ef. 1:7; Heb. 9:19, 20)

2. Fundza Lukha 22:1-39.

   Sathane wangena ngamuphi umcondvo kuJudasi? (Luk. 22:3; Joh. 13:2; Imis. 1:24, 25)

3. Fundza Johane 13:1-20.

   1. Ngenca yaloko lokushiwo kuJohane 13:2, Judasi kufanele asolwe yini ngaloko lakwenta, futsi tinceku taNkulunkulu tifundzani kuloku? (Gen. 4:7; 2 Khor. 2:11; Gal. 6:1; Jak. 1:13, 14)

   2. Yini lebalulekile Jesu lasifundzisa yona? (Joh. 13:15; Mat. 23:11; 1 Phet. 2:21)

4. Fundza Johane 17:1-26.

   Jesu wathandazela balandzeli bakhe kutsi “babe munye” ngamuphi umcondvo? (Joh. 17:11, 21-23; Rom. 13:8; 14:19; Khol. 3:14)

INdzaba 100

1. Jesu kanye nebaphostoli bakhe baya kuphi ngemuva kwekuba sebaphumile ekamelweni lesetulu, futsi wabatjelani?

2. Ngalesikhatsi Jesu abuyela lapho kwakunebaphostoli bakhe wabakhandza bentani, futsi loko kwenteka tikhatsi letingakhi?

3. Ngubani lowangena ensimini, futsi Judasi Skariyothi wentani, njengoba ubona kulesitfombe?

4. Kungani Judasi anga Jesu, futsi Phetro wentani?

5. Jesu watsini kuPhetro, kodvwa kungani Jesu angazange acele Nkulunkulu kutsi atfumele lenye yetingilosi takhe?

Imibuto leyengetiwe:

1. Fundza Matewu 26:36-56.

   1. Indlela Jesu laluleka ngayo bafundzi bakhe, ibabekela kanjani labadzala labangemaKhristu sibonelo lamuhla? (Mat. 20:25-28; 26:40, 41; Gal. 5:17; Ef. 4:29, 31, 32)

   2. Jesu abekubheka njani kusebentisa tikhali? (Mat. 26:52; Luk. 6:27, 28; Joh. 18:36)

2. Fundza Lukha 22:39-53.

   Ngalesikhatsi ingilosi itibonakalisa kuJesu ensimini yaseGetsemane itomcinisa, loko bekukhombisa kutsi Jesu abengakacini yini elukholweni? Chaza. (Luk. 22:41-43; Isa. 49:8; Mat. 4:10, 11; Heb. 5:7)

3. Fundza Johane 18:1-12.

   Jesu wabavikela njani bafundzi bakhe kulabo babebaphikisa, futsi yini lesingayifundza kulesibonelo? (Joh. 10:11, 12; 18:1, 6-9; Heb. 13:6; Jak. 2:25)

INdzaba 101

1. Ngalokuyinhloko ngubani lowabangela kufa kwaJesu?

2. Baphostoli bentani ngalesikhatsi Jesu atsatfwa ayiswa kubaholi benkholo?

3. Kwentekani endlini yaKhayafase, umphristi lomkhulu?

4. Kungani Phetro ahamba, futsi abekhalelani?

5. Ngemuva kwekuba Jesu sekaletfwe kuPhilatu, kungani baphristi labakhulu bamemeta ngekutfukutsela?

6. Kwentekani kuJesu ngaLesihlanu ntsambama, futsi wasetsembisani lesigelekece lebesibetselwe elugodvweni eceleni kwakhe?

7. LeliPharadisi Jesu abekhuluma ngalo liyoba kuphi?

Imibuto leyengetiwe:

1. Fundza Matewu 26:57-75.

   Emalunga enkantolo lephakeme yemaJuda abonisa kanjani kutsi tinhlitiyo tawo betitimbi? (Mat. 26:59, 67, 68)

2. Fundza Matewu 27:1-50.

   Kungani singatsi kutisola kwaJudasi kwakungesiko kweliciniso? (Mat. 27:3, 4; Mak. 3:29; 14:21; 2 Khor. 7:10, 11)

3. Fundza Lukha 22:54-71.

   Yini lesiyifundzako lapho Phetro aphika Jesu ngalobusuku latsengiswa ngabo futsi waboshwa? (Luk. 22:60-62; Mat. 26:31-35; 1 Khor. 10:12)

4. Fundza Lukha 23:1-49.

   Yini Jesu layenta ngenca yebubi lobentiwa kuye, futsi yini lesingayifundza kuloko? (Luk. 23:33, 34; Rom. 12:17-19; 1 Phet. 2:23)

5. Fundza Johane 18:12-40.

   Yini leboniswa kutsi nakuba Phetro ahlushwa kwesaba bantfu ngaleso sikhatsi, kodvwa wabuye waba ngumphostoli lokhetsekile? (Joh. 18:25-27; 1 Khor. 4:2; 1 Phet. 3:14, 15; 5:8, 9)

6. Fundza Johane 19:1-30.

   1. Ngukuphi kulinganisela Jesu abenako macondzana nemcebo? (Joh. 2:1, 2, 9, 10; 19:23, 24; Mat. 6:31, 32; 8:20)

   2. Emavi Jesu lawakhuluma ngembi kwekufa kwakhe, abonisa kanjani kutsi abencobile futsi wamelela bukhosi baJehova? (Joh. 16:33; 19:30; 2 Phet. 3:14; 1 Joh. 5:4)

INdzaba 102

1. Ngubani lona lomsikati lokulesitfombe, abobani lamadvodza lamabili, futsi bakuphi?

2. Kungani Philatu atjela baphristi kutsi batfumele emasotja ayogadza lithuna laJesu?

3. Ekuseni ngelilanga lesitsatfu Jesu afile ingilosi yentani, kepha yini baphristi labayenta?

4. Kungani lamanye emakhosikati etfuka ngalesikhatsi aye lithuna laJesu?

5. Kungani boPhetro naJohane bagijima baya ethuneni laJesu, futsi yini labayitfola?

6. Kwentekani ngesidvumbu saJesu, futsi yini Jesu layenta kuze akhombise bafundzi bakhe kutsi uyaphila?

Imibuto leyengetiwe:

1. Fundza Matewu 27:62-66 kanye na-28:1-15.

   Ngalesikhatsi Jesu avuswa, baphristi labaphakeme, baFarisi, kanye nemadvodza lamadzala bawona kanjani umoya longcwele? (Mat. 12:24, 31, 32; 28:11-15)

2. Fundza Matewu 24:1-12.

   Kuvuswa kwaJesu kusibonisa kanjani kutsi Jehova ubuka labasikati njengabofakazi longabetsemba? (Luk. 24:4, 9, 10; Mat. 28:1-7)

3. Fundza Johane 20:1-12.

   Johane 20:8, 9 usisita kanjani sibone sidzingo sekubeketela nangabe singakucondzi kahle kugcwaliseka kwesiphrofetho seliBhayibheli? (Taga 4:18; Mat. 17:22, 23; Luk. 24:5-8; Joh. 16:12)

INdzaba 103

1. Mariya watsini kuledvodza labecabanga kutsi ingumlindzi wengadzi, kodvwa yini leyamenta wabona kutsi lona kwakunguJesu?

2. Kwentekani kubafundzi lababili ngalesikhatsi baya edolobhaneni lase-Emawusi?

3. Nguyiphi intfo lemangalisako leyenteka ngalesikhatsi bafundzi batjela baphostoli kutsi babone Jesu?

4. Jesu watibonakalisa tikhatsi letingakhi kubalandzeli bakhe?

5. Tomase watsini ngalesikhatsi bafundzi bamtjela kutsi babone iNkhosi, futsi kwentekani ngemuva kwemalanga lasiphohlongo?

Imibuto leyengetiwe:

1. Fundza Johane 20:11-29.

   KuJohane 20:23, Jesu bekatsi bantfu banalo yini ligunya lekutsetselela tono? Chaza. (Hla. 49:2, 7; Isa. 55:7; 1 Thim. 2:5, 6; 1 Joh. 2:1, 2)

2. Fundza Lukha 24:13-43.

   Singatilungisa kanjani tinhlitiyo tetfu kuze tikwati kwemukela emaciniso eliBhayibheli? (Luk. 24:32, 33; Ezra 7:10; Mat. 5:3; Imis. 16:14; Heb. 5:11-14)

INdzaba 104

1. Bangakhi bafundzi lababona Jesu ngalesinye sikhatsi, futsi watsini kubo?

2. Uyini uMbuso waNkulunkulu, futsi kuphila emhlabeni ngalesikhatsi Jesu sekabusa njengeNkhosi iminyaka leyinkhulungwane kutawuba njani?

3. Jesu wabonakala kubafundzi bakhe emalanga lamangakhi, kodvwa kwasekusikhatsi sekutsi enteni?

4. Ngembi kwekuba ashiye bafundzi bakhe, yini Jesu labatjela kutsi bayente?

5. Kwentekani kulesitfombe, futsi kwenteka kanjani kutsi bangasamboni Jesu?

Imibuto leyengetiwe:

1. Fundza 1 Khorinte 15:3-8.

   Kungani umphostoli Pawula akhuluma ngekuciniseka macondzana nekuvuswa kwaJesu, futsi ngutiphi tintfo emaKhristu langakhuluma ngato ngekuciniseka lamuhla? (1 Khor. 15:4, 7, 8; Isa. 2:2, 3; Mat. 24:14; 2 Thim. 3:1-5)

2. Fundza Imisebenti 1:1-11.

   Njengoba kushiwo encwadzini yeMisebenti 1:8, umsebenti wekushumayela wasakateka kangakanani? (Imis. 6:7; 9:31; 11:19-21; Khol. 1:23)

INdzaba 105

1. Njengoba sibona kulesitfombe, kwentekani kubalandzeli baJesu lebebalindze eJerusalema?

2. Ngusiphi simangaliso lesenteka kulabo bebavakashele eJerusalema?

3. Phetro wabachazelani bantfu?

4. Bantfu bativa njani ngemuva kwekuba sebalalele Phetro, futsi wabatjela kutsi benteni?

5. Bangakhi bantfu lababhajatiswa ngeliPhentekhoste la-33 C.E.?

Imibuto leyengetiwe:

1. Fundza Imisebenti 2:1-47.

   1. Emavi aPhetro latfolakala encwadzini yeMisebenti 2:23, 36 asikhombisa kanjani kutsi sonkhe sive semaJuda sinelicala ngekufa kwaJesu? (1 Thes. 2:14, 15)

   2. Phetro wasibekela kanjani sibonelo lesihle sekuhlolisana nalabanye ngeMibhalo? (Imis. 2:16, 17, 29, 31, 36, 39; Khol. 4:6)

   3. Phetro watisebentisa kanjani “tikhiya tembuso wasezulwini” tekucala leto Jesu lametsembisa kumnika tona? (Imis. 2:14, 22-24, 37, 38; Mat. 16:19)

INdzaba 106

1. Kwentekani kuPhetro naJohane ngalenye intsambama ngesikhatsi bangena ethemphelini?

2. Phetro watsini kulendvodza lesishosha, futsi wayiniketani lebeyibaluleke kakhulu kwendlula imali?

3. Kungani baholi benkholo batfukutsela, futsi yini labayenta kuPhetro nakuJohane?

4. Yini Phetro layisho kubaholi benkholo labanemona, futsi becwayiswa ngani baphostoli?

5. Kungani baholi benkholo baba nemona, futsi kwentekani ngalesikhatsi baphostoli bafakwa ejele kwesibili?

6. Baphostoli baphendvula batsini ngalesikhatsi baletfwa ehholweni leSanhedrini?

Imibuto leyengetiwe:

1. Fundza Imisebenti 3:1-10.

   Nobe tsine lamuhla site emandla ekwenta timangaliso, emavi aPhetro latfolakala encwadzini yeMisebenti 3:6 asisita kanjani kutsi siwujabulele umlayeto weMbuso? (Joh. 17:3; 2 Khor. 5:18-20; Fil. 3:8)

2. Fundza Imisebenti 4:1-31.

   Lapho siphikiswa emsebentini wekushumayela, singabalingisa ngayiphi indlela bazalwane labangemaKhristu belikhulu lekucala? (Imis. 4:29, 31; Ef. 6:18-20; 1 Thes. 2:2)

3. Fundza Imisebenti 5:17-42.

   Bantfu labangesibo boFakazi, bakadzeni nalabo besikhatsi setfu, baye bakubonisa kanjani kucabangela macondzana nemsebenti wekushumayela? (Imis. 5:34-39)

INdzaba 107

1. Abengubani Stefano, futsi Nkulunkulu wamsita kutsi enteni?

2. Yini Stefano layisho leyenta baholi benkholo batfukutsela kakhulu?

3. Ngalesikhatsi lamadvodza ahudvulela Stefano ngaphandle kwelidolobha, yini layenta kuye?

4. Ngubani lendvodza leme eceleni kwalamajazi kulesitfombe?

5. Ngembi kwekufa kwakhe, Stefano wathandaza watsini kuJehova?

6. Nasilingisa Stefano, yini lokufanele siyente nangabe lotsite enta intfo lembi kitsi?

Imibuto leyengetiwe:

1. Fundza Imisebenti 6:8-15.

   Ngutiphi titfo letimbi bafundisi labatentako kuze bamise umsebenti wekushumayela waboFakazi BaJehova? (Imis. 6:9, 11, 13)

2. Fundza Imisebenti 7:1-60.

   1. Yini leyasita Stefano waphumelela kulwela tindzaba letinhle embikwe Sanhedrini, futsi yini lesingayifudza kulesibonelo? (Imis. 7:51-53; Rom. 15:4; 2 Thim. 3:14-17; 1 Phet. 3:15)

   2. Ngumuphi umbono lokufanele sibe nawo ngalabo labaphikisa umsebenti wetfu? (Imis. 7:58-60; Mat. 5:44; Luk. 23:33, 34)

INdzaba 108

1. Yini Sawula layenta ngemuva kwekuba Stefano asabulewe?

2. Ngalesikhatsi Sawula asendleleni leya eDamaseko, nguyiphi intfo lesimanga leyenteka?

3. Yini Jesu latsi kuSawula akayente?

4. Jesu wamniketa miphi imilayeto Ananiyase, futsi kwenteka kanjani kutsi Sawula aphindze abone?

5. Sawula wabese watiwa ngaliphi ligama, futsi ngumuphi umsebenti lawenta?

Imibuto leyengetiwe:

1. Fundza Imisebenti 8:1-4.

   Lushushiso lolwahlasela libandla lebuKhristu lelalisandza kumiswa lasita kanjani ekusakateni lukholo lwebuKhristu, futsi yini lefanako leye yenteka esikhatsini setfu salamuhla? (Imis. 8:4; Isa. 54:17)

2. Fundza Imisebenti 9:1-20.

   Ngumuphi umsebenti lowehlukaniswe katsatfu Jesu labefuna Sawula awente? (Imis. 9:15; 13:5; 26:1; 27:24; Rom. 11:13)

3. Fundza Imisebenti 22:6-16.

   Singamlingisa kanjani Ananiyase, futsi kungani loku kubalulekile? (Imis. 22:12; 1 Thim. 3:7; 1 Phet. 1:14-16; 2:12)

4. Fundza Imisebenti 26:8-20.

   Kugucukela kwaSawula ekubeni ngumKhristu kubakhutsata ngani bantfu labanebalingani bemshado labangakholwa lamuhla? (Imis. 26:11; 1 Thim. 1:14-16; 2 Thim. 4:2; 1 Phet. 3:1-3)

INdzaba 109

1. Ngubani lendvodza leguce phasi kulesitfombe?

2. Yatsini ingilosi kuKhoneliyuse?

3. Yini Nkulunkulu lenta kutsi Phetro ayibone nakaseluphahleni lwendlu yaSimoni eJopha?

4. Kungani Phetro atjela Khoneliyuse kutsi angamkhotsameli aze amkhonte?

5. Kungani bafundzi bemaJuda labebanaPhetro bamangala?

6. Yini lebalulekile lesiyifundzako lapho Phetro avakashela Khoneliyuse?

Imibuto leyengetiwe:

1. Fundza Imisebenti 10:1-48.

   Emavi aPhetro latfolakala encwadzini yeMisebenti 10:42 akhombisani ngemsebenti wekushumayela tindzaba letinhle teMbuso? (Mat. 28:19; Mak. 13:10; Imis. 1:8)

2. Fundza Imisebenti 11:1-18.

   Phetro wenta njani ngalesikhatsi sesimcacele bha sicondziso saJehova mayelana nalabanye bakuletinye Tive, futsi singasilingisa kanjani? (Imis. 11:17, 18; 2 Khor. 10:5; Ef. 5:17)

INdzaba 110

1. Ngubani lomfana lomncane lokulesitfombe, uhlala kuphi, futsi ngubani ligama lamake wakhe nagogo wakhe?

2. Watsini Thimothi ngalesikhatsi Pawula ambuta kutsi uyafuna yini kuhamba naye naSila bayoshumayela?

3. Kukuphi lapho balandzeli baJesu babitwa kwekucala ngekutsi maKhristu?

4. Ngumaphi lamanye emadolobha lavakashelwa nguPawula, Silasi naThimothi nabesuka eListra?

5. Thimothi wamsita kanjani Pawula, futsi labasebasha lamuhla bangatibuta muphi umbuto?

Imibuto leyengetiwe:

1. Fundza Imisebenti 9:19-30.

   Ngalesikhatsi umsebenti wekushumayela uphikiswa, umphostoli Pawula wentani lekhombisa kucondza? (Imis. 9:22-25, 29, 30; Mat. 10:16)

2. Fundza Imisebenti 11:19-26.

   Yini incwadzi yeMisebenti 11:19-21, 26 leyishoko lekhombisa kutsi umoya waJehova uyawucondzisa umsebenti wekushumayela?

3. Fundza Imisebenti 13:13-16, 42-52.

   Incwadzi yeMisebenti 13:51, 52 ikhombisa kanjani kutsi bafundzi abakuvumelanga kuphikiswa kubacedze emandla? (Mat. 10:14; Imis. 18:6; 1 Phet. 4:14)

4. Fundza Imisebenti 14:1-6, 19-28.

   Inkhulumo letsi “babaletsa eNkhosini” isisita kanjani kutsi singakhatsateki ngalokungadzingeki njengoba sisita labasandza kuhlanganyela? (Imis. 14:21-23; 20:32; Joh. 6:44)

5. Fundza Imisebenti 16:1-5.

   Kuvuma kwaThimothi kutsi asokwe kukugcizelela kanjani kubaluleka ‘kwekwenta konkhe ngenca yelivangeli’? (Imis. 16:3; 1 Khor. 9:23; 1 Thes. 2:8)

6. Fundza Imisebenti 18:1-11, 18-22.

   Incwadzi yeMisebenti 18:9, 10 ikhombisa kanjani kutsi Jesu uhilelekile emsebentini wetfu wekushumayela, futsi kusicinisekisa ngani loko lamuhla? (Mat. 28:20)

INdzaba 111

1. Kulesitfombe ngubani lomfana lolele phasi, futsi kwentekeni kuye?

2. Yini Pawula layenta nakabona kutsi lomfana ufile?

3. BoPawula, Thimothi kanye nalabo bebahamba nabo bebaya kuphi, futsi yini leyenteka nabefika eMilethusi?

4. Umphrofethi Agabusi wamecwayisa watsini Pawula, futsi yini leyenteka leyayishiwo ngulomphrofethi?

Imibuto leyengetiwe:

1. Fundza Imisebenti 20:7-38.

   1. Ngekusho kwemavi aPawula lasencwadzini yeMisebenti 20:26, 27, singahlala kanjani ‘singenacala lengati yabo bonkhe’? (Hez. 33:8; Imis. 18:6, 7)

   2. Kungani labadzala kufanele ‘babambelele ngalokucinile evini leletsembekile’ lapho bafundzisa? (Imis. 20:17, 29, 30; Thit. 1:7-9; 2 Thim. 1:13)

2. Fundza Imisebenti 26:24-32.

   Pawula wakusebentisa njani kuba kwakhe sakhamuti saseRoma kuze ente umsebenti wakhe wekushumayela abewutfunywe nguJesu? (Imis. 9:15; 16:37, 38; 25:11, 12; 26:32; Luk. 21:12, 13)

INdzaba 112

1. Yini leyenteka kulomkhumbi lowawugitjelwe nguPawula ngalesikhatsi wendlula esichingini saseKhrethe?

2. Yini Pawula layisho kulabo bebagibele lomkhumbi?

3. Wephulwa yini lomkhumbi waba tincetu?

4. Umphatsi wemphi wakhipha muphi umyalo, futsi bangakhi bantfu labafika elusentseni baphephile?

5. Sibitwa ngekutsini lesichingi lapho befikela khona, futsi yini leyenteka kuPawula ngalesikhatsi simo selitulu siba ncono?

Imibuto leyengetiwe:

1. Fundza Imisebenti 27:1-44.

   Yini lesenta siciniseke kutsi lokuseBhayibhelini kungiko mbamba nasifundza ngeluhambo lwaPawula aya eRoma ngemkhumbi? (Imis. 27:16-19, 27-32; Luk. 1:3; 2 Thim. 3:16, 17)

2. Fundza Imisebenti 28:1-14.

   Nangabe takhamuti taseMaltha letingesiwo emaKhristu tadvonseleka kutsi tibonise boPawula nalabantfu abegibele nabo emkhunjini ‘umusa lomkhulu’, emaKhristu wona kufanele advonseleke kutsi abonise ini futsi ngayiphi indlela? (Imis. 28:1, 2; Heb. 13:1, 2; 1 Phet. 4:9)

INdzaba 113

1. Ngubani Pawula lamshumayela ngalesikhatsi asiboshwa eRoma?

2. Kulesitfombe, ngubani lona lovakashele Pawula, futsi yini lamentela yona?

3. Abengubani Ephafrodithu, futsi yini lahamba nayo nakabuyela eFiliphi?

4. Kungani Pawula abhalela umngani wakhe losedvute Filemoni incwadzi?

5. Yini Pawula layenta ngalesikhatsi akhululwa ejele, futsi yini leyenteka kuye kamuva?

6. Ngubani Jehova lamsebentisa kutsi abhale incwadzi yekugcina eBhayibhelini, futsi incwadzi yeSembulo ikhuluma ngani?

Imibuto leyengetiwe:

1. Fundza Imisebenti 28:16-31 kanye naFiliphi 1:13.

   Pawula wasisebentisa kanjani sikhatsi sakhe ngalesikhatsi asejele eRoma, futsi lukholo lwakhe lolucinile lalitsintsa kanjani libandla lebuKhristu? (Imis. 28:23, 30; Fil. 1:14)

2. Fundza Filiphi 2:19-30.

   Ngutiphi tintfo Pawula latisho ngaThimothi na-Ephafrodithu letikhombisa kutsi abewujabulela umsebenti wabo, futsi yini lesingayifundza kuloku? (Fil. 2:20, 22, 25, 29, 30; 1 Khor. 16:18; 1 Thes. 5:12, 13)

3. Fundza Filemoni 1-25.

   1. Pawula watsi kuFilemoni akenteni lekahle, futsi loku kubaniketa siphi sicondziso labadzala lamuhla? (Flm. 9; 2 Khor. 8:8; Gal. 5:13)

   2. Emavi aPawula latfolakala encwadzini yaFilemoni 13, 14 akhombisa kanjani kutsi abebahlonipha bonembeza balabanye ebandleni? (1 Khor. 8:7, 13; 10:31-33)

4. Fundza 2 Thimothi 4:7-9.

   Njengemphostoli Pawula, singaciniseka kanjani kutsi Jehova utasibusisa nasihlala setsembekile kuze kube sekugcineni? (Mat. 24:13; Heb. 6:10)

INdzaba 114

1. Kungani liBhayibheli likhuluma ngemahhashi lasezulwini?

2. Ibitwa ngekutsini lemphi yaNkulunkulu latayilwa nebantfu lababi emhlabeni, futsi iyini injongo yayo?

3. Kulesitfombe, ngubani lotawuhola kulemphi, futsi kungani afake umchele enhloko yakhe, lesikhali lasiphetse sisho kutsini?

4. Nasibuka lesikufundzile eNdzabeni 10, 15, na-33 kungani kufanele singamangali kutsi Nkulunkulu utawubhubhisa bantfu lababi?

5. INdzaba 36, na-76 isikhombisa kanjani kutsi Nkulunkulu utawubhubhisa lababi ngisho nobe batenta labakhulekela yena?

Imibuto leyengetiwe:

1. Fundza Sembulo 19:11-16.

   1. ImiBhalo ikucacisa njani kutsi Jesu Khristu nguye umgibeli welihhashi lelimhlophe? (Semb. 1:5; 3:14; 19:11; Isa. 11:4)

   2. Ingati lefatwe engutjeni yaJesu yangephandle ikukhombisa kanjani kutsi uyoncoba ngalokuphelele? (Semb. 14:18-20; 19:13)

   3. Bobani lokungenteka basebutfweni lelilandzela Jesu njengoba asehhashini lakhe lelimhlophe? (Semb. 12:7; 19:14; Mat. 25:31, 32)

INdzaba 115

1. Ngutiphi timo liBhayibheli lelitsi sitatijabulela ePharadisi lasemhlabeni?

2. LiBhayibheli libetsembisani labo labatawuhlala ePharadisi?

3. Jesu utawulenta nini lonkhe lolushintjo lolumangalisako?

4. Ngalesikhatsi Jesu alapha emhlabeni, yini layenta kuze akhombise loko abetakwenta nase ayiNkhosi yeMbuso waNkulunkulu?

5. Yini Jesu nalabo labayobe babusa naye ezulwini labayociniseka ngayo nasebabusa umhlaba?

Imibuto leyengetiwe:

1. Fundza Sembulo 5:9, 10.

   Kungani singaciniseka kutsi labo labayobe babusa umhlaba Iminyaka leyiNkhulungwane, bayoba ngemakhosi nebaphristi labanesihawu kanye nemusa? (Ef. 4:20-24; 1 Phet. 1:7; 3:8; 5:6-10)

2. Fundza Sembulo 14:1-3.

   Kukhombisani kutsi ligama leYise neleliWundlu libhalwe emabuntini alabangu-144 000? (1 Khor. 3:23; 2 Thim. 2:19; Semb. 3:12)

INdzaba 116

1. Yini lokufanele siyati kuze siphile phakadze?

2. Nguyiphi indlela lesingafundza ngayo ngaNkulunkulu Jehova kanye naJesu, njengoba sibona lentfombatanyana nebangani bayo kulesitfombe?

3. Kulesitfombe nguyiphi lenye incwadzi loyibonako, futsi kungani kufanele siyifundze njalo?

4. Ngephandle kwekufundza ngaJehova naJesu, yini lenye ledzingekako kuze sitfole kuphila lokuphakadze?

5. Sifundzani eNdzabeni 69?

6. Sifundzani esibonelweni lesihle saSamuweli lomncane lokukhulunywa ngaso eNdzabeni 55?

7. Singasilandzela kanjani sibonelo saJesu Khristu, futsi nangabe siyasilandzela, yini lesiyokwati kuyenta esikhatsini lesitako?

Imibuto leyengetiwe:

1. Fundza Johane 17:3.

   ImiBhalo ikuveta kanjani kutsi kungenisa lwati ngaNkulunkulu Jehova kanye naJesu Khristu kusho lokungetulu kwekumane sati emaciniso ngenhloko? (Mat. 7:21; Jak. 2:18-20; 1 Joh. 2:17)

2. Fundza Tihlabelelo 145:1-21.

   1. Ngutiphi letinye tetizatfu letinyenti lesinato tekumdvumisa Jehova? (Hla. 145:8-11; Semb. 4:11)

   2. Ngutiphi tintfo letentiwa nguJehova letikhombisa kutsi “muhle kubo bonkhe,” futsi loko kusidvonsela kanjani kuye? (Hla. 145:9; Mat. 5:43-45)

   3. Uma simtsandza ngenhlitiyo yetfu yonkhe Jehova, sitawundvonseleka kutsi senteni? (Hla. 119:171, 172, 175; 145:11, 12, 21)