KWENTA BAFUNDZI
SIFUNDVO 11
Fundzisa Ngendlela Lemelula
Simiso: “Khuluma emavi levakala melula.”—1 Khor. 14:9.
Lokwentiwa NguJesu
1. Bukela le-VIDEO, nobe ufundze Matewu 6:25-27, bese uphendvula lemibuto lelandzelako:
Yini Lesiyifundzako KuJesu?
2. Nangabe sifundzisa ngendlela lemelula, bantfu batakukhumbula loko lesibafundzise kona, futsi kutabatsintsa tinhlitiyo.
Lingisa Jesu
3. Ungakhulumi kakhulu. Kunekutsi usho konkhe lokwatiko ngendzaba lenicoca ngayo, khuluma ngaloko lokukulencwadzi leniyifundzako. Ngemuva kwekubuta umbuto, beketela, futsi umele umfundzi kutsi aphendvule. Nangabe angayati imphendvulo, nobe asho lokutsite lokungavumelani netimfundziso teliBhayibheli, sebentisa leminye imibuto kute umsite akucondzisise loko lenicoca ngako. Nangabe umfundzi alicondza liphuzu leliyinhloko, chubekela embili.
4. Sita umfundzi asebentise loko lasavele akwati kuze acondze tintfo letinsha. Sibonelo nje, ngaphambi kwekutsi nicale sifundvo lesikhuluma ngekuvuswa kwalabafile, cocani kafishane nemfundzi ngaloko lasavele akwati ngesimo salabafile.
5. Yisebentise kahle imifanekiso. Ngaphambi kwekutsi usebentise umfanekiso, tibute: