KUCALISA INCOCISWANO
SIFUNDVO 5
Bani Nenhlonipho
Simiso: “Ngaso sonkhe sikhatsi, emavi leniwakhulumako akabe nemusa.”—Khol. 4:6.
Lokwentiwa NguPawula
1. Bukela le-VIDEO, nobe ufundze Imisebenti 17:22, 23, bese uphendvula lemibuto lelandzelako:
-
Pawula wativa njani ngekukhonta kwemanga lakubona e-Athene?—Buka Imisebenti 17:16.
-
Kunekutsi abalahle ngelicala labantfu base-Athene, Pawula wakusebentisa njani loko bebakukholelwa kuze ashumayele tindzaba letimnandzi ngenhlonipho?
Yini Lesiyifundzako KuPawula?
2. Manyenti ematfuba ekutsi bantfu basilalele nangabe sikukhetsa ngekucophelela loko lesikushoko, sinaka indlela lesikusho ngayo kanye nekutsi sikusho nini.
Lingisa Pawula
3. Wakhetse kahle emavi akho. Sibonelo nje, nangabe ucoca nemuntfu longekho enkholweni yebuKhristu, kungase kudzingeke uyishintje indlela lowetfula ngayo imiBhalo. Kuletinye timo kungase kudzingeke siwakhetse ngekuhlakanipha emavi lesiwasebentisako nasifuna kukhuluma ngaJesu.
4. Ungajaki kumlungisa umuntfu nangabe asho intfo leliphutsa. Mvumele kutsi ayivete ngekukhululeka indlela lativa ngayo. Ungamphikisi umuntfu nangabe asho tintfo letingavumelani netimfundziso teliBhayibheli. (Jak. 1:19) Nangabe simlalela, sitawukhona kuyicondza kancono imibono yakhe.—Taga 20:5.
5. Vumelana naye futsi umncome nakufanele. Nangabe akholelwa ngalokucinile kutsi tinkholelo takhe tiliciniso, yetama kukhuluma ngentfo lenivumelana ngayo, bese kancane kancane uyamsita kutsi acondze loko lokufundziswa liBhayibheli.
