Kuze uhlale unemngani, kudzingeka ukhulume naye. Uyamlalela, futsi naye uyakulalela. Ukhuluma tintfo letinhle ngaye kulabanye bantfu. Kunjalo nangekuba ngumngani waNkulunkulu. Cabanga ngaloko liBhayibheli lelikushoko ngaloko:

Khuluma naJehova ngemthandazo ngaso sonkhe sikhatsi. “Nicinisele njalo emthandazweni.”—Roma 12:12.

Fundza liVi laNkulunkulu, liBhayibheli. “Yonkhe imiBhalo iphefumulelwe nguNkulunkulu; ilungele kufundzisa, nekusola, nekucondzisa, nekuyala ngekulunga.”—2 Thimothi 3:16.

Fundzisa labanye ngaNkulunkulu. “Ngako-ke hambani, nente tive tonkhe tibe bafundzi, . . . nibafundzise kugcina konkhe lenginiyale ngako.”—Matewu 28:19, 20.

 Sondzelana nebangani baNkulunkulu. “Lohambisana nebantfu labahlakaniphile naye ugcina asahlakaniphile.”—Taga 13:20.

Bani khona emihlanganweni levamise kuba seHholweni leMbuso. “Ngako-ke asinakane, sisitane ngekukhutsatana elutsandvweni nasemisebentini lemihle, . . . sikhutsatane kakhulu.”—Hebheru 10:24, 25.

Sekela umsebenti weMbuso. “Lowo nalowo akatincumele yena enhlitiyweni yakhe kutsi utawunikela kangakanani, bese unikela ngekukhululeka, hhayi ngekusola nangekucindzetelwa. Nkulunkulu utsandza umuntfu lonikela ngenhlitiyo lemhlophe.”—2 Khorinte 9:7.