I-JW LIBRARY
Takhele Ema-Bookmarks Futsi Uwahlele Kahle—Android
I-bookmark leku-JW Library yenta ukwati kugcina nekubekisa kunome nguyiphi incwadzi lotitsatsele yona, ifanana nekwekubekisa longakusebentisa encwadzini lebhaliwe. Incwadzi iyinye ku-JW Library inema-bookmarks lalishumi.
Landzela leticondziso kuze usebentise ema-bookmarks:
Takhele I-Bookmark Lensha
Ungabekisa sihlokwana nobe sehluko, nome ungabekisa sigaba lesitsite nobe livesi leliBhayibheli.
Kute ubekise sihlokwana nobe sehluko, chafata incenye letsi Bookmark. Kutawuvela luhla lolukhombisa ema-bookmarks aleyoncwadzi. Chafata i-bookmark lengenalutfo kuleso sihlokwana nobe sehluko.
Kute ubekise sigaba lesitsite nobe livesi leliBhayibheli, cale uchafate lolokubhaliwe bese uchafata incenye letsi Bookmark ku-context menu.
Ngena Ku-Bookmark
Kute ungene ku-bookmark, vula incwadzi lenaleyo bookmark, bese uchafata incenye letsi Bookmark. Chafata le-bookmark lofuna kuyibona.
Wahlele Kahle Ema-Bookmarks Akho
Nangabe sewuyakhile i-bookmark ungayisusa nobe ufake lenye esikhundleni sayo.
Kuze ususe i-bookmark, chafata incenye letsi Bookmark, bese uchafata incenye letsi Lokunyenti leseceleni kwale-bookmark lofuna kuyisusa. Chafata incenye letsi Susa.
Kute ubuyisele i-bookmark loyisusile, chafata incenye letsi Bookmark, bese uchafata incenye letsi Lokunyenti leseceleni kwale-bookmark lofuna kuyibuyisela. Chafata incenye letsi Buyisela. Le-bookmark iphindze ibuyele endzaweni yayo. Loku kungaba lusito ekubekiseni encwadzini nawusafundza. Nasi sibonelo, ungakwati kubekisa luhlelo lwakho lwekufundza liBhayibheli malanga onkhe.
Letincenye takhululwa ngaMay 2014 ku-JW Library 1.2, letihambisana ne-Android 2.3 nobe yakamuva. Nangabe ungatiboni letincenye, sicela ulandzele ticondziso letisesihlokweni lesitsi “Indlela Yekusebentisa i-JW Library—Android,” ngaphansi kwencenye letsi Tfola Kwakamuva.
