I-JW LIBRARY
Titsatsele EmaBhayibheli Futsi Uwahlele Kahle—iOS
Kufundza nekudadisha liBhayibheli kuyincenye lebalulekile ye-JW Library.
Landzela nati ticondziso kuze utitsatsele emaBhayibheli futsi uwahlele kahle:
Titsatsele LiBhayibheli
Ungatitsatsela emahumusho eliBhayibheli lowatsandzako utifundzele wona ungakangeni ku-Internet.
Chafata incenye letsi LiBhayibheli kuze ubone luhla lwetincwadzi teliBhayibheli.
Chafata incenye letsi Tilwimi kuze ubone luhla lwawo onkhe emaBhayibheli latfolakalako. Emahumusho etilwimi lovame kutisebentisa aba sekucaleni. Ungaphindze ufune kuloluhla ngekutsi ubhale ligama lelulwimi nobe lelihumusho leliBhayibheli. Nasi sibonelo, bhala “int” kuze utfole i-Kingdom Interlinear yesiNgisi, nobe ubhale “port” kuze utfole onkhe emaBhayibheli esiPutukezi.
EmaBhayibheli losengakatitsatseli wona aba nesitfombe selifu. Chafata liBhayibheli kuze utitsatsele lona. Nasewutitsatsele leliBhayibheli lesitfombe selifu siyanyamalala. Phindze uchafate leliBhayibheli kuze utifundzele lona.
Nangabe ungalitfoli lihumusho leliBhayibheli lolifunako sicela uphindze wetame. Emahumusho lamasha atawengetwa nasewatfolakala.
Susa LiBhayibheli
Ungalisusa lihumusho leliBhayibheli nangabe ungasalidzingi nobe nawufuna kuba nesikhala.
Chafata incenye letsi LiBhayibheli bese uchafata letsi Tilwimi kuze ubone luhla lwemaBhayibheli. Fucela eceleni liBhayibheli lofuna kulisusa bese uchafata lencenye letsi Susa.
Tfola Tinhlelo TeliBhayibheli Letitfutfukisiwe
Ngaletinye tikhatsi kungase kube netinhlelo letitfutfukisiwe teliBhayibheli lotitsatsele lona.
LiBhayibheli lelinetinhlelo letitfutfukisiwe libonakala nge-refresh icon. Nawuchafata liBhayibheli, utawubona umlayeto wekutsi luhlelo lolutfutfukisiwe seluyatfolakala. Chafata Titsatsele kuze utfole loluhlelo lolutfutfukisiwe nobe uchafate Ngalesinye Sikhatsi kuze uchubeke utifundzela loluhlelo lonalo.
Letincenye takhululwa ngaFebruary 2015 ku-JW Library 1.4, letihambisana ne-iOS 6.0 nobe yakamuva. Nangabe ungatiboni letincenye, sicela ulandzele ticondziso letisesihlokweni lesitsi “Indlela Yekusebentisa i-JW Library—iOS” ngaphansi kwencenye letsi Tfola Kwakamuva.
