I-JW LIBRARY
Indlela Yekusebentisa i-JW Library—iOS
Siyakwemukela ku-JW Library. Le-app yakhiwe kuze ukwati kufundza liBhayibheli kanye nekulidadisha. Ungakhona kungena kule-app ngekutsi uchafate letincenye letivela ngentasi kwe-screen.
LiBhayibheli
Lencenye letsi liBhayibheli yenta kube lula kufundza liBhayibheli futsi ufake nemahumusho eliBhayibheli. Chafata incwadzi yeliBhayibheli bese sewuchafata sehluko kuze ukhone kufundza. Njengobe ufundza utawubona imibhalo lengentansi, tikhombo, kanye nemahumusho lafanako kulencenye letsi Tadisha.
Kuze ufundze umbhalo lowehlukile, phindze uchafate lencenye letsi liBhayibheli kuze ubuyele kuloluhla lwetincwadzi teliBhayibheli.
Tincwadzi
Lencenye letsi Tincwadzi yenta kube lula kubona tintfo letibhaliwe, letitsetjuliwe kanye nema-video. Chafata incwadzi loyifunako bese sewuchafata sihloko kuze ukhone kufundza. Njengobe ufundza, ungakhona nekufundza imibhalo lecashuniwe. Chafata umbhalo locashuniwe lotawubese uyavela encenyeni letsi Tadisha. Chafata i-link letawuvela kulencenye letsi Tadisha kuze ukwati kuya evesini leBhayibheli.
Nawufuna kuvula lenye incwadzi, chafata lencenye letsi Tincwadzi kuze ubuyele eluhlwini lwetincwadzi.
Kuhlolisisa ImiBhalo
Chafata lencenye letsi Kuhlolisisa ImiBhalo kuze ufundze umbhalo wangalelo langa.
Imihlangano
Chafata incenye letsi imihlangano kute ubone tincwadzi letitawube tisetjentiswa emhlanganweni ngaleloviki.
Ku-Internet
Chafata lencenye letsi ku-Internet kuze utfole ema-website etfu lasemtsetfweni.
Tfola Kwakamuva
Ciniseka kutsi uneluhlelo lwakamuva lwe-JW Library ngekutsi uciniseke kutsi intfo yakho yebuchwephesha ihambisana netinhlelo takamuva.
Kuhle kusebentisa luhlelo lwakamuva lwe-iOS loluhambisana nentfo yakho yebuchwephesha. Tfola lwati lolwengetiwe kunayi i-link letsi: https://support.apple.com/en-us/HT204204.
Kuze tintfo tibe lula kuwe, ungacipha intfo yakho yebuchwephesha ngendlela yekutsi nangabe kuneluhlelo lolusha luvele nje lutingenele. Tfola lwati lolwengetiwe kunayi i-link letsi: https://support.apple.com/en-us/HT202180.
