LiBhayibheli litsi “Jehova angeke abagodlele lokuhle bantfu labacotfo kuye.” (Tihlabelelo 84:11) Kusho kutsini kuba ‘cotfo?’ Kusho kutsi uphila ngendlela lekhombisa kutsi uyasigcina setsembiso lowasenta kuJehova ngesikhatsi utinikela kuye. (Umshumayeli 5:4, 5) Ungachubeka njani ucotfo ngemuva kwekubhajatiswa?

Kulesihloko

•  Chubeka ubeketelela tinkinga

•  Chubeka ulwisana netilingo

•  Chubeka unemdlandla

 Umbhalo loyinhloko: “Kufanele sendlule ekuhluphekeni lokunyenti ngaphambi kwekutsi singene eMbusweni waNkulunkulu.”​—Imisebenti 14:22.

 Lokukushoko: Kuliciniso kutsi onkhe emaKhristu abhekana nebumatima ekuphileni. Lobunye bumatima lotawubhekana nabo kuhlekwa nobe kuphikiswa ngenca yekutsi ungumKhristu. Lobunye bumatima longabhekana nabo ngulobo lobutsintsa bonkhe bantfu, njengekugula nobe tinkinga tetimali.

 Yini longayilindzela: Timo takho titawuhlale tishintja, futsi ngaletinye tikhatsi timo titawushintja ngendlela longayitsandzi. LiBhayibheli litsi tintfo letimbi tingenteka kunobe ngubani, kungaba kumaKhristu nakubantfu labangasiwo emaKhristu.​—Umshumayeli 9:11.

 Longakwenta: Njenobe wati kutsi utawubhekana nebumatima, ungatilungiselela kutsi utawubhekana njani nabo. Bumatima lobhekana nabo butsatse njengelitfuba lekucinisa kukholwa kwakho kanye nekwetsembela kwakho ngalokuphelele kuJehova. (Jakobe 1:2, 3) Ngekuhamba kwesikhatsi, nawe ungativa ngendlela umphostoli Pawula lativa ngayo nakatsi: “Nginemandla ekwenta tonkhe tintfo ngenca yaloyo longipha emandla.”​—KubaseFiliphi 4:13.

 Naka: Fundza ngaloko lokwenteka ekuphileni kwaJosefa kuGenesisi sehluko 37 na-39 kuya ku-41. Tibute: Ngubuphi bumatima lebekangakabulindzeli Josefa labhekana nabo, futsi wabhekana njani nabo? Jehova wamsita njani Josefa?

 Lokunye lokungakusita

•   Fundza:

   “Ngingabhekana Kanjani Nesenzakalo Esibuhlungu?,” lesitfolakala ngesiZulu.

   “Ngiphikelela Kangakanani?,” lesitfolakala ngesiZulu.

   “Indlela Yokubhekana Noshintsho,” lesitfolakala ngesiZulu.

•   Titsatsele:

   “Lapho Umzali Egula,” lesitfolakala ngesiZulu.

 Umbhalo loyinhloko: “Nguloyo naloyo ulingwa ngekuhungwa sifiso sakhe nangekuyengwa ngiso.”​—Jakobe 1:14.

 Lokukushoko: Ngaletinye tikhatsi, sonkhe silingwa tifiso letingasenta sente tintfo letimbi nasingatilawuli.

 Yini longayilindzela: Ngemuva kwekubhajatiswa, utawuchubeka ube “netifiso letimbi.” (2 Phetro 2:18) Ungase ulingeke nekutsi uye ecansini ungakashadi.

 Longakwenta: Khetsa lotakwenta ngaphambi kwekutsi ubhekane nesilingo kuze ungasivumeli kutsi sikwentise tintfo letimbi. Khumbula emavi aJesu latsi: “Kute umuntfu longasebentela emakhosi lamabili.” (Matewu 6:24) Ungatikhetsela kutsi utawulalela bani. Shengatsi ungalalela Jehova. Ngisho nobe sifiso lesibi singaba nemandla kangakanani, ungakhetsa kungakwenti loko lokufisako.​—KubaseGalathiya 5:16.

 Naka: Bati butsakatsaka bakho nalokhona kukwenta kahle. Khetsa bangani labakusita ube nebuntfu lobuhle. Tibalekele tindzawo, bantfu kanye netimo letikwenta kube matima kutsi wente lokulungile.​—Tihlabelelo 26:4, 5.

 Lokunye lokungakusita

•   Fundza:

   “Ngingamelana Kanjani Nezilingo?,” lesitfolakala ngesiZulu.

   “Ngingakugwema Kanjani Ukucabanga Ngocansi?,” lesitfolakala ngesiZulu.

   “Indlela Yokumelana Nokucindezela Kontanga,” lesitfolakala ngesiZulu.

   “Ucabanga NjengaJehova Yini?”

 Umbhalo loyinhloko: ‘Chubeka ukhutsele njengasekucaleni . . . kuze kube sekugcineni, khona ningatovilapha.’​—KumaHebheru 6:11, 12.

 Lokukushoko: Umuntfu longawunaki umsebenti wakhe angaphelelwa ngumdlandla futsi avilaphe.

 Yini longayilindzela: Kungenteka bewujabulile futsi unemdlandla lomkhulu nawusandza kubhajatiswa. Bewumtsandza kakhulu Jehova. Njengobe sikhatsi sichubeka, kungenteka ukutfole kumatima kulalela konkhe Jehova lakushoko, futsi loko kungakwenta udvumateke futsi uphelelwe nangumdlandla.​—KubaseGalathiya 5:7.

 Yini longayilindzela: Chubeka wenta lokulungile ngisho nobe ngalesinye sikhatsi utiva ungakhanuki kukwenta. (1 KubaseKhorinte 9:27) Ngesikhatsi lesifanako, sondzela kuBabe wakho losezulwini ngekutsi umati kancono futsi ukhulume naye njalo. Chubeka wakha bungani nalabo labatsandza kukhonta Jehova.

 Naka: Khumbula kutsi Jehova ukutsandza kakhulu futsi ukulungele kukusita. Nangabe uphelelwa ngumdlandla kwesikhashana, ungacabangi kutsi Jehova ukutfukutselele. LiBhayibheli litsi: “Umniketa emandla lodziniwe nemandla lamakhulu awanikete labete emandla.” (Isaya 40:29) Ngesikhatsi lesifanele, utayibusisa imetamo yekuvusetela umdlandla wakho.

 Lokunye lokungakusita

•   Fundza:

   “Bantfu Labasha​—‘Chubekani Nisebentela Kusindziswa Kwenu’”

   “How Can I Make Worship of God Enjoyable?,” lesitfolakala ngesiNgisi.

•   Bukela:

   Imphilo Lencono Kakhulu

 Cabanga nganaku: Nangabe uchubeka ucotfo, utawenta inhlitiyo yaJehova ijabule! (Taga 27:11) Utawujabula kutsi ukhetse kuba seluhlangotsini lwakhe futsi utakuniketa konkhe lokudzingako kuze umelane nemachinga aSathane.