Bantfu Labafundzile Bayakholelwa Yini Kutsi Jesu Wake Waphila?
Bantfu labafundzile banesisekelo lesicinile sekukholelwa kutsi Jesu wake waphila. Ngekwetikhombo letentiwe tati temlandvo tangelikhulu lekucala nelesibili letimayelana naJesu nemaKhristu ekucala, i-Encyclopædia Britannica, yanga-2002, itsi: “Lokulandzisa kufakazela kutsi ngisho nasendvulo labo labebamelene nenkholo yebuKhristu bebangangabati kutsi Jesu bekake waphila, lokwase kucala kungatjatwa ngetizatfu letingevakali ngelikhulu lesi-18, phakatsi nelikhulu lesi-19 nasekucaleni kwelikhulu lesi-20.”
Nga-2006, incwadzi letsi Jesus and Archaeology yatsi: “Kute umuntfu lofundzile nalohlonishwako longabatako kutsi Jesu indvodzana yaJosefa yake yaphila, labanyenti bayavuma kutsi sekukhona lesikwatiko ngetento takhe kanye netimfundziso takhe letisisekelo.”
LiBhayibheli lichaza Jesu njengemuntfu mbamba. Lisitjela ngemagama abokhokho kanye nemndeni wakhe losedvute. (Matewu 1:1; 13:55) Liphindze lisitjele nemagama ebabusi labavelele labebaphila ngesikhatsi saJesu. (Lukha 3:1, 2) Lemininingwane yente bacwaningi babona buciniso bekulandzisa kweliBhayibheli.
Lokunye Longatsandza Kukuhlola
TIMFUNDZISO TELIBHAYIBHELI LETIBALULEKILE
Kungani Jesu Afa?
Kungenteka uke weva kutsi wafela tono tetfu. Kodvwa kungenteka kanjani kutsi kufa kwemuntfu munye kuzuzise tigidzigidzi tebantfu?
MAYELANA NATSI
Cela Kuvakashelwa
Coca ngembuto lomayelana neliBhayibheli nobe ufundze lokunyenti ngaBoFakazi BaJehova.