Fiji

• Ka Labone la 17 December 2020, Lehodiotswana le tshabehang la Yasa le ile la fihla sehlekehlekeng sa Vanua Levu, e leng sehlekehleke se hlahlamang se seholo ka ho fetisisa naheng ya Fiji.

• Yasa ke lehodiotswana la bobedi ka boholo le tlalehilweng, le kileng la ruthutha Fiji. Moya wa lona o ne o foka ka lebelo la dikhilomithara tse 260 ka hora.

• Bonyane ho amehile diphutheho le dihlopha tse ka thoko tse 30 moo lehodiotswana lena le fetileng teng.

• Ha ho na mora kapa moradiwabo rona ya ileng a lemala

• Ditlaleho tse amohetsweng qalong di supa hore malapa a 20 a ile a tlameha ho tloha hae

• Lehodiotswana lena le bakile tshenyo e tshabehang masimong, la senya dijo tsa bohlokwa haholo tsa bahweletsi ba 430 ba dulang sebakeng seo

• matlo a 10 a ile a heleha

• matlo a 25 a ile a senyeha

• Holo ya Mmuso e le nngwe ile ya senyeha hanyane

• Lekala la Fiji le ile la kgetha Komiti ya Diphallelo. Dikomiti tsa Diphallelo di thusitse ka ho phallela bahweletsi ba amehileng ka dintho tse hlokahalang, jwalo ka metsi a hlwekileng a nowang, diaparo, dijo le ditente. Ho feta moo, Dikomiti tsa Diphallelo di thusitse ba ileng ba baleha matlong a bona hore ba fumane sebaka seo ba ka dulang ho sona

• Baemedi ba lekala la Fiji hammoho le balebedi ba potoloho ba sebakeng seo ba etsa maeto a bodisa ho ya kgothatsa bara le baradi babo rona ba amehileng

• Bohle ba sebetsang ka diphallelo le ba etsang maeto a bodisa ba hlokolosi ho ikobela melao ya boipaballo ya COVID-19

Ke nnete hore le hoja sekgohola sena se matla se sentse thepa ya bara le baradibabo rona, empa ba bone bonnete ba Pesaleme ya 46:1 e reng: ‘Modimo ke setshabelo sa rona.’