Maqalong a July 2020 ho ne ho ena le dipula tse matla Japan ho feta tse kileng tsa ba teng. Dipula tsena di ile tsa etsa hore ho be le dikgohola le ho hoholeha ha seretse Kyushu, Japan. Koduwa ena e ile ya ama bara le baradibabo rona ba dulang toropong ya Minamata le Hitoyoshi e Kumamoto Prefecture le toropong ya Omuta e Fukuoka Prefecture. Ha ho na Paki ya Jehova e ileng ya hlokahala empa ho na le mora le moradiwabo rona ba ileng ba tswa dikotsi tse nyane. Ho ekelletsa moo, dikgohola di ile tsa senya matlo a bara le baradibabo rona a 48 le Diholo Tsa Mmuso tse pedi. Ho boetse ho na le Diholo Tsa Mmuso tse pedi tse ileng tsa senyeha ka lebaka la ho hoholeha ha seretse. Komiti ya Diphallelo ya Kyushu/Okinawa eo lekala la Japan le e kgethileng bakeng sa ho thusa ka diphallelo tsa COVID-19, hona jwale e hlophisa dintho tse hlokahalang bakeng sa ho fana ka thuso e bakilweng ke dikgohola. Baemedi ba LDC le balebedi ba potoloho ba sebakeng seo, ba ntse ba thusa ka ditlhoko tse potlakileng.

Re rapela hore e se e ka Jehova “Modimo eya fanang ka mamello le matshediso” o tla tswela pele ho tshehetsa bara le baradibabo rona ba anngweng ke koduwa ena.​—Baroma 15:5.