Ka la 19 January 2021, Lekgotla la Profinse ya Kamchatka le ile la qhelela ka thoko boipiletso ba Morabo rona Sergey Ledenyov. Kahoo, kahlolo ya pele e fanyehilweng ya tjhankana ya dilemo tse pedi ha e a fetolwa. Sena se bolela hore ha ho hlokahale hore a ye tjhankaneng hona jwale.

Pele lekgotla le phatlalatsa qeto ya lona nyeweng ya boipiletso, Sergey o ile a fuwa monyetla wa ho bua le lekgotla. O ile a emela tumelo ya hae ka sebete mme a bolela pepenene hore o ikemiseditse ho rapela Jehova. O itse: “Tumelo ya ka ha e a thehwa ho melao ya mokgatlo ofe kapa ofe, empa e thehilwe Bibeleng. Ka mohlala, ‘ntlo e nngwe le e nngwe e hahwa ke motho ya itseng, empa ya hahileng dintho tsohle ke Modimo’, hape ‘Jehova ke lebitso la hae.’ (Baheberu 3:4; Exoda 15:3) Ha ho na kahlolo [ya tlolo ya molao] e ka hlakolang mantswe ao ka Bibeleng le ka pelong ya ka.”