Buka ya Pele ya Dikronike 27:1-34
-
Balaodi ba sebeletsang morena (1-34)
27 Ena ke palo ya Baiseraele, dihlooho tsa malapa a habo ntate, balaodi ba ba dikete le ba ba makgolo+ le balaodi ba bona ba neng ba sebeletsa morena+ tabeng e nngwe le e nngwe e amanang le dihlopha tse neng di tjhentjhana* ka dikgwedi selemo kaofela. Sehlopheng ka seng e ne e le ba 24 000.
2 Ya okametseng sehlopha sa pele sa kgwedi ya pele e ne e le Jashobeame+ mora wa Zabdiele mme sehlopheng sa hae ho ena le ba 24 000.
3 Ho bara ba Pereze,+ ke yena eo e neng e le hlooho ya balaodi bohle ba dihlopha tse neng di abetswe ho sebeletsa ka kgwedi ya pele.
4 Ya okametseng sehlopha sa kgwedi ya bobedi e ne e le Dodai+ wa Moakoki+ le sehlopha sa hae mme Miklothe e le moetapele. Sehlopheng sa hae ho ena le ba 24 000.
5 Mookamedi wa sehlopha sa boraro se abetsweng ho sebeletsa ka kgwedi ya boraro e ne e le Benaia+ mora wa moprista e moholo Jehojada+ mme sehlopheng sa hae ho ena le ba 24 000.
6 Benaia enwa e ne e le monna ya matla ho ba 30 mme a ba okametse. Mookamedi wa sehlopha sa hae e ne e le mora wa hae Amizadabe.
7 Mookamedi wa bone bakeng sa kgwedi ya bone e ne e le Asahele+ ngwanabo Joabe+ le mora wa hae Zebadia ka mora hae mme sehlopheng sa hae ho ena le ba 24 000.
8 Mookamedi wa bohlano bakeng sa kgwedi ya bohlano e ne e le Shamehuthe wa Moizrahia mme sehlopheng sa hae ho ena le ba 24 000.
9 Mookamedi wa botshelela bakeng sa kgwedi ya botshelela e ne e le Ira+ mora wa Ikeshe wa Motekowa+ mme sehlopheng sa hae ho ena le ba 24 000.
10 Mookamedi wa bosupa bakeng sa kgwedi ya bosupa e ne e le Heleze+ wa Mopelone wa Baefraime mme sehlopheng sa hae ho ena le ba 24 000.
11 Mookamedi wa borobedi bakeng sa kgwedi ya borobedi e ne e le Sibekai+ wa Mohushathe wa Bazera+ mme sehlopheng sa hae ho ena le ba 24 000.
12 Mookamedi wa borobong bakeng sa kgwedi ya borobong e ne e le Abi-ezere+ wa Moanathothe+ wa Babenjamine mme sehlopheng sa hae ho ena le ba 24 000.
13 Mookamedi wa leshome bakeng sa kgwedi ya leshome e ne e le Maharai+ wa Monetofa wa Bazera+ mme sehlopheng sa hae ho ena le ba 24 000.
14 Mookamedi wa bo11 bakeng sa kgwedi ya bo11 e ne e le Benaia+ wa Mopirathone wa bara ba Efraime mme sehlopheng sa hae ho ena le ba 24 000.
15 Mookamedi wa bo12 bakeng sa kgwedi ya bo12 e ne e le Heldai wa Monetofa wa Othniele mme sehlopheng sa hae ho ena le ba 24 000.
16 Bana e ne e le baetapele ba maloko a Iseraele: Ho Barubene moetapele e ne e le Eliezere mora wa Zikri, ho Basimeone e le Shefatia mora wa Maaka.
17 Ho Levi e le Hashabia mora wa Kemuele, ho Arone e le Tsadoke.
18 Ho Juda e le Elihu,+ e mong wa bana ba bo Davida, ho Isakare e le Omri mora wa Mikaele.
19 Ho Zabulone e le Ishmaia mora wa Obadia, ho Nefthali e le Jerimothe mora wa Azriele.
20 Ho Baefraime e le Hoshea mora wa Azazia, halofong ya leloko la Manase e le Joele mora wa Pedaia.
21 Halofong ya leloko la Manase e Gileade e le Ido mora wa Zakaria, ho Benjamine e le Jasiele mora wa Abnere.+
22 Ho Dane e le Azarele mora wa Jerohame. Bana e ne e le dikgosana tsa maloko a Iseraele.
23 Davida ha a ka a bala ba dilemo di 20 ho ya tlase hobane Jehova o ne a tshepisitse ho etsa hore Baiseraele ba be bangata jwalo ka dinaledi tsa mahodimo.+
24 Joabe mora wa Tseruja o ne a qadile ho bala batho empa ha a ka a qeta. Modimo o ile a halefela Baiseraele* ka lebaka la sena+ mme palo eo ha e a ka ya kenngwa tlalehong ya histori ya mehleng ya Morena Davida.
25 Ya hlokomelang matlotlo a morena+ e ne e le Azmavethe mora wa Adiele. Ya hlokomelang ditoro* tse masimong, tse metseng, tse metsaneng le tse ditoreng e le Jonathane mora wa Uzia.
26 Ya okametseng batho ba neng ba lema masimong e le Ezri mora wa Kelube.
27 Ya hlokomelang dirapa tsa morara e le Shimei wa Morama. Zabdi wa Moshefame o ne a hlokomela ditoro tsa veine.
28 Ya hlokomelang meru ya mohlwaare le difate tsa sikamora+ tse Shefela+ e le Baale-hanane wa Mogedere. Joashe o ne a hlokomela ditoro tsa oli.
29 Ya hlokomelang mehlape ya diphoofolo e neng e fula Sharone+ e le Shiterai wa Mosharone mme ya hlokomelang mehlape e dithoteng e le Shafate mora wa Adlai.
30 Ya hlokomelang dikamele e le Obile wa Moishmaele. Ya hlokomelang ditonki* e le Jehdeia wa Momeronothe.
31 Ya hlokomelang mehlape ya dinku le dipodi e le Jazize wa Mohagare. Bana bohle e ne e le bahlokomedi ba thepa ya Morena Davida.
32 Jonathane+ motjhana wa Davida e ne e le moeletsi e le monna ya nang le kutlwisiso ebile e le mongodi. Jehiele mora wa Hakmoni o ne a hlokomela bara ba morena.+
33 Akitofele+ e ne e le moeletsi wa morena mme Hushai+ wa Moareke e le motswalle wa morena.
34 Ka mora Akitofele e ne e le Jehojada mora wa Benaia+ le Abiathare.+ Joabe+ e ne e le molaodi wa lebotho la sesole la morena.
Dintlha tse qetellong ya sehloho
^ Ka Seheberu: “tse neng di kena le ho tswa.”
^ Ka Seheberu: “Bohale bo ne bo le ho Iseraele.”
^ Kapa: “matlotlo; matlo a polokelo.”
^ Ka Seheberu: “ditonki tse tshehadi.”
