Buka ya Pele ya Dikronike 9:1-44
9 Baiseraele bohle ba ne ba ngodisitswe ho ya ka maloko a bona mme ba ngotswe Bukeng ya Marena a Iseraele. Bajuda ba ile ba iswa botlamuweng Babilona ka lebaka la ho se tshepahale.+
2 Baahi ba pele ba ileng ba kgutlela naheng ya bona le metseng ya bona e ne e le ba bang ba Baiseraele, baprista, Balevi le basebeletsi ba tempeleng.*+
3 Ditloholo tse ding tsa Juda,+ tsa Benjamine,+ tsa Efraime le tsa Manase di ile tsa dula Jerusalema:
4 Tsona ke Uthai mora wa Amihude mora wa Omri mora wa Imri mora wa Bani, wa ditloholo tsa Pereze+ mora wa Juda.
5 Ho Bashilo, e le Asaia letsibolo le bara ba hae.
6 Ho bara ba Zera,+ e le Jeuele le bana ba bo bona ba 690.
7 Ditloholo tsa Benjamine, e le Salu mora wa Meshulame mora wa Hodavia mora wa Hasenua,
8 Ibneia mora wa Jerohame, Ela mora wa Uzi mora wa Mikri le Meshulame mora wa Shefatia mora wa Reuele mora wa Ibnija.
9 Bana ba bo bona ho ya ka masika a bona ba ne ba le 956. Banna bana bohle e ne e le dihlooho tsa malapa a bontate ba bona.
10 Ho baprista e ne e le Jedaia, Jehojaribe, Jakine,+
11 Azaria mora wa Hilkia mora wa Meshulame mora wa Tsadoke mora wa Merajothe mora wa Akitube, moetapele wa ntlo* ya Modimo wa nnete,
12 Adaia mora wa Jerohame mora wa Pashkure mora wa Malkija, Masai mora wa Adiele mora wa Jazera mora wa Meshulame mora wa Meshilemithe mora wa Imere
13 le bana ba bo bona, dihlooho tsa malapa a bontate ba bona e le banna ba 1 760 ba matla le ba tshepahalang, ba ka sebeletsang ntlong ya Modimo wa nnete.
14 Ho Balevi, e ne e le Shemaia+ mora wa Hashube mora wa Azrikame mora wa Hashabia ya tswang ho ditloholo tsa Merari
15 le Bakbakare, Hereshe, Galale, Matania mora wa Mika mora wa Zikri mora wa Asafe,
16 Obadia mora wa Shemaia mora wa Galale mora wa Jeduthune le Berekia mora wa Asa mora wa Elkana ya neng a dula metsaneng ya Banetofa.+
17 Balebedi ba dikeiti+ e ne e le Shalume, Akube, Talmone le Akimane. Ngwanabo bona Shalume e ne e le hlooho
18 mme ho fihlela nakong eo, o ne a le keiting ya morena ka botjhabela.+ Bana e ne e le balebedi ba dikeiti tsa ditente tsa Balevi.
19 Shalume mora wa Kore mora wa Ebiasafe mora wa Kora le bana babo ba lelapa la ntate wa hae e leng Bakora, ba ne ba okametse mesebetsi ya tshebeletso e le balebedi ba menyako ya tente mme bontate ba bona ba ne ba okametse tabernakele ya Jehova e le balebedi ba keiti.
20 Ke Finease+ mora wa Eleazare+ eo e neng e le moetapele wa bona nakong e fetileng. Jehova o ne a ena le yena.
21 Zakaria+ mora wa Meshelemia e ne e le molebedi wa keiti ya monyako wa tente ya pokano.
22 Bohle ba neng ba kgethilwe hore e be balebedi ba dikeiti ba ne ba le 212. Ba ne ba le metsaneng ya bona ho ya ka moo ba neng ba ngodisitswe ka teng ka maloko a bona.+ Davida le Samuele e leng seboni,+ ba ile ba beha banna bana boemong boo hobane ba ne ba tshepahala.
23 Bona le bara ba bona ba ne ba okametse mosebetsi wa ho lebela dikeiti tsa ntlo ya Jehova+ e leng ntlo ya tente.
24 Balebedi ba dikeiti ba ne ba le ka mahlakoreng a mane, ka botjhabela, ka bophirimela, ka leboya le ka borwa.+
25 Nako le nako bana ba bo bona ba ne ba tla ka matsatsi a supileng ba tswa metsaneng ya bona hore ba tlo sebetsa ha mmoho le bona.
26 Ho ne ho ena le balebedi ba dikeiti ba bane ba ka sehloohong* ba neng ba tshepahala mosebetsing wa bona. E ne e le Balevi mme ba ikarabella ka dikamore* le ka matlotlo a ntlo ya Modimo wa nnete.+
27 Ba ne ba qeta bosiu bohle ba potapotile ntlo ya Modimo wa nnete hobane ba ne ba ikarabella ka mosebetsi wa ho lebela le ka ho bula* ntlo hoseng ho hong le ho hong.
28 Ba bang ba ne ba ikarabella ka disebediswa+ tsa tshebeletso ya Modimo. Ba ne ba di bala ha ba di nka le ha ba di kgutlisa.
29 Ba bang ba bona ba ne ba behilwe hore ba hlokomele disebediswa tse ding le disebediswa tsohle tse halalelang+ ha mmoho le phofo e sitsweng hantle,+ veine,+ oli,+ dibano tse tshweu+ le oli ya balsame.+
30 Ba bang ba bara ba baprista ba ne ba etsa motswako wa mafura a oli ya balsame.
31 Matithia wa Balevi, eo e neng e le letsibolo la Shalume wa Mokora, o ne a behilwe hore a okamele dintho tse bakuwang ka dipane+ hobane o ne a tshepahala.
32 Ba bang ba bana ba bo bona ba Bakohathe ba ne ba ikarabella ka bohobe,*+ hore ba bo lokise ka sabatha e nngwe le e nngwe.+
33 Bana e ne e le dibini, dihlooho tsa malapa a bontate ba Balevi ka dikamoreng* tsa tempele, ba neng ba lokolotswe mesebetsing e meng hobane ba ne ba etsa mosebetsi wa bona bosiu le motshehare.
34 Bana e ne e le dihlooho tsa malapa a bontate ba Balevi ho ya ka tatellano ya masika a bona, banna ba ka sehloohong. Bana ba ne ba dula Jerusalema.
35 Ntate wa Gibeone e leng Jeiele o ne a dula Gibeone.+ Lebitso la mosadi wa hae e ne e le Maaka.
36 Mora wa hae wa letsibolo e ne e le Abdone, a latelwa ke Zure, Kishe, Baale, Nere, Nadabe,
37 Gedore, Akio, Zakaria le Miklothe.
38 Miklothe ya eba ntate wa Shimeame. Kaofela ha bona ba ne ba dula haufi le bana ba bo bona Jerusalema ha mmoho le bana ba bo bona ba bang.
39 Nere+ ya eba ntate wa Kishe, Kishe ya eba ntate wa Saule,+ Saule ya eba ntate wa Jonathane,+ Malki-shua,+ Abinadabe+ le Eshbaale.
40 Mora wa Jonathane e ne e le Meri-baale.+ Meri-baale ya eba ntate wa Mikea.+
41 Bara ba Mikea e ne e le Pithone, Meleke, Tahrea le Akaze.
42 Akaze ya eba ntate wa Jara, Jara ya eba ntate wa Alemethe, Azmavethe le Zimri. Zimri ya eba ntate wa Moza.
43 Moza ya eba ntate wa Binea, mora wa hae e le Refaia, mora wa hae e le Eleasa, mora wa hae e le Azele.
44 Azele o ne a ena le bara ba tsheletseng. Mabitso a bona e ne e le Azrikame, Bokru, Ishmaele, Shearia, Obadia le Hanane. Bana kaofela e ne e le bara ba Azele.
Dintlha tse qetellong ya sehloho
^ Kapa: “Banethinime.” Ka Seheberu: “Bao ho fanweng ka bona.”
^ Kapa: “tempele.”
^ Kapa: “dikamore tsa ho jela.”
^ Ka Seheberu: “ba matla.”
^ Ka Seheberu: “ba ikarabella ka senotlolo.”
^ E leng bohobe ba pontsho.
^ Kapa: “dikamoreng tsa ho jela.”
