Buka ya Bobedi ya Bakorinthe 13:1-14
13 Ke lekgetlo la boraro jwale ke ntse ke re ke tla tla ho lona. “Taba e nngwe le e nngwe e lokela ho tiiswa ka bopaki ba dipaki tse pedi kapa tse tharo.”+
2 Le hoja ke se na le lona hona jwale, le nke eka ke ne ke le teng lekgetlo la bobedi. Ke boetse ke bolella ba ileng ba etsa sebe, le lona bohle hore mohla ke tlang, ha ho na ya tla phonyoha kgalemelo.
3 Ha ke le kgalemela tjena, ke bontsha hore Kreste o bua a ntshebedisa le hore ha a fokole hara lona empa o bontsha matla a hae.
4 Ke nnete hore o ile a kgokgothelwa palong ha a ne a fokola empa o a phela ka lebaka la matla a Modimo.+ Ke nnete hore le rona re a fokola jwalo ka ha le yena a ne a fokola empa re tla phela ha mmoho le yena+ ka lebaka la matla a Modimo a sebetsang ho lona.+
5 Le nne le itlhahlobe hore na tumelo ya lona e tiile, le nne le itlhahlobe hore na le batho ba mofuta ofe.+ Kapa na ha le elellwe hore le ntho e le nngwe le Jesu Kreste? Ntle le haeba ha le amohelehe ho Modimo.
6 Ke tshepa hore le tla hlokomela hore Modimo o a re amohela.
7 Re rapela Modimo hore le se ke la etsa letho le fosahetseng. Ha se hobane re batla hore batho ba re nke re amohelwa ke Modimo empa re etsa sena e le hore le etse dintho tse lokileng le haeba batho ba bang ba nahana hore Modimo ha a re amohele.
8 Ha re etse letho le kgahlanong le nnete empa re etsa dintho tse dumellanang le yona.
9 Re a thaba ka mehla ha re fokola, lona le le matla mme re rapella hore le kgutlisetswe tseleng.
10 Ke le ngoletse dintho tsena ke le siyo e le hore ha ke le teng ke se ke ka le halefela empa ke sebedise matla ao Morena a mphileng ona+ ho le matlafatsa tumelo eseng ho le utlwisa bohloko.
11 Qetellong bana beso, le tswele pele ho thaba, ho kgutlisetswa tseleng, ho tshediswa,+ ho dumellana+ le ho phela ka kgotso+ mme Modimo ya lerato le ya fanang ka kgotso+ o tla ba le lona.
12 Dumedisanang ka lerato.*
13 Bana ba bo lona* kaofela ba a le dumedisa.
14 E se eka le ka ba le mosa* wa Morena Jesu Kreste le lerato la Modimo le moya wa hae o halalelang o le tswelang molemo kaofela.
Dintlha tse qetellong ya sehloho
^ Ka Segerike: “ka kako e halalelang.”
^ Ka Segerike: “Bahalaledi.”
