Buka ya Bobedi ya Dikronike 15:1-19
-
Asa o etsa diphetoho (1-19)
15 Moya wa Modimo wa eba hodima Azaria mora wa Odede.
2 A ya ho Asa mme a re ho yena: “Asa le lona Bajuda le Babenjamine kaofela, mmameleng. Jehova o na le lona ha feela le sa mo tlohele+ mme haeba le mo batla o tla etsa hore le mo fumane+ empa haeba le mo tlohela o tla le tlohela.+
3 Ka nako e telele* Baiseraele ba ne ba sa sebeletse Modimo wa nnete, ba se na moprista ya ba rutang ba bile ba sa boloke Molao.+
4 Ha ba le mathateng, ba ne ba kgutlela ho Jehova Modimo wa Iseraele mme ba mo batla ebe o etsa hore ba mo fumane.+
5 Ka nako eo, ho ne ho se na motho ya ka tsamayang a sireletsehile* hobane baahi bohle ba dinaha ba ne ba lwantshana.
6 Setjhaba se ne se fediswa ke se seng le motse o fediswa ke o mong hobane Modimo o ile a ba ferekanya ka mathata a mefuta yohle.+
7 Empa lona le be matla mme le se ke la nyahama*+ hobane mosebetsi wa lona o tla putswa.”
8 Ha Asa a utlwa mantswe ana le boprofeta ba moprofeta Odede, a ba sebete mme a tlosa ditshwantsho tse nyonyehang naheng yohle ya Juda+ le Benjamine le metseng eo a neng a e hapile dithabeng tsa Efraime yaba o tsosolosa aletare ya Jehova e neng e le ka pela foranta ya ntlo ya Jehova.+
9 A bokella Bajuda le Babenjamine bohle le baditjhaba ba neng ba ena le bona ba tswang lelokong la Efraime, la Manase le la Simeone+ hobane ba ile ba tlohela Iseraele ba ya ho yena ba le bangata haholo ha ba bona hore Jehova Modimo wa hae o na le yena.
10 Ba bokana Jerusalema ka kgwedi ya boraro ha Asa a se a ena le dilemo tse 15 a busa.
11 Letsatsing leo ba etsetsa Jehova mahlabelo ka dikgomo tse 700 le dinku tse 7 000 ho tswa dinthong tseo ba neng ba di hapile.
12 Hape ba etsa selekane sa ho batla Jehova Modimo wa baholoholo ba bona ka dipelo tsa bona tsohle le ka moya* wa bona wohle.+
13 Mang kapa mang ya neng a ke ke a batla Jehova Modimo wa Iseraele o ne a tla bolawa ebang o moholo kapa o monyenyane ebang ke monna kapa mosadi.+
14 Ba ikana ho Jehova ka mantswe a phahameng, ba hweleditse ka thabo mme ba letsa diterompeta le manaka.
15 Bajuda bohle ba thaba ka lebaka la kano eo ba e entseng hobane ba ne ba e entse ka dipelo tsohle tsa bona, ba batlile Modimo mme a entse hore ba mo fumane.+ Jehova a ba phomotsa ho dira tsohle tsa bona.+
16 Morena Asa a tlosa le nkgono wa hae Maaka+ boemong ba bofumahadi hobane o ne a etseditse palo e halalelang* setshwantsho se rapelwang se nyonyehang.+ Asa a diha setshwantsho seo, a se silakanya mme a se tjhesetsa Kgohlong ya Kidrone.+
17 Empa dibaka tse phahameng ha di a ka tsa tloswa+ Iseraele.+ Le ha ho le jwalo, Asa o ile a sebeletsa Modimo ka pelo yohle bophelo bohle ba hae.+
18 A tlisa dintho tseo yena le ntate wa hae ba di halaleditseng ka tlung ya Modimo wa nnete e leng silevera, kgauta le disebediswa tse fapafapaneng.+
19 Ka dilemo tse 35 tsa puso ya Asa, ho ne ho se na ntwa.+
Dintlha tse qetellong ya sehloho
^ Ka Seheberu: “Ka matsatsi a mangata.”
^ Ka Seheberu: “ho ne ho se na kgotso bakeng sa ya tswang kapa ya kenang.”
^ Ka Seheberu: “le se ke la tlohela matsoho a lona hore a kgathale.”
