Buka ya Bobedi ya Samuele 22:1-51
22 Davida o ile a bina mantswe a pina ena ho Jehova+ letsatsing leo Jehova a ileng a mo pholosa ho dira tsohle tsa hae+ le ho Saule.+
2 O ile a re:
“Jehova ke lefika la ka le sebaka sa ka se sireletsehileng+ mme ke yena ya mpholosang.+
3 Modimo wa ka ke lefika la ka+ mme ke tla balehela ho yena,Ke thebe+ ya ka le lenaka* la ka la poloko,* setshabelo sa ka se sireletsehileng,*+Sebaka seo ke balehelang ho sona,+ poloko ya ka.+ O mpholosa ntweng.
4 Ke kopa thuso ho Jehova, ya tshwanelwang ke ho roriswa,Ke tla pholoswa ho dira tsa ka.
5 Maqhubu a bolayang a ile a mpotapota.+Batho ba kgopo ba bangata jwalo ka metsi a morwallo ba ile ba ntshosa.+
6 Diropo tsa Lebitla* di ile tsa mpotapota,+Lefu le ne le ntjhehetse leraba.+
7 Ha ke le mathateng ke ile ka bitsa Jehova,+Ka nna ka llela ho Modimo wa ka.
O ile a utlwa lentswe la ka a le tempeleng ya hae,A nkutlwa ha ke lla ke kopa thuso.+
8 Lefatshe la sisinyeha la ya kwana le kwana.+Metheo ya lehodimo ya thothomela,+Ya ya kwana le kwana hobane o ne a halefisitswe.+
9 Mosi wa tswa dinkong tsa haeLe mollo o tjhesang wa tswa molomong wa hae.+Ho ne ho tswa mashala a hlenneng ho yena.
10 A koba mahodimo ha a theoha,+Lefifi le letsholetsho le ne le le tlasa maoto a hae.+
11 A tla a palame kerubime,+ a tla a fofa.
O ne a bonahala hodima mapheo a lengeloi.*+
12 Ka mora moo, a ikwahela ka lefifi e leng ka metsi a matsho le maru a matsho.+A ne a mo potapotile ka hohle jwalo ka tente.
13 Kganya e neng e tswa ho yena e ile ya etsa hore mollo o tuke mashaleng a hlenneng.
14 Jehova a etsa hore ho be le seaduma lehodimong.+Ya Phahameng ka ho Fetisisa a etsa hore lentswe la hae le utlwahale.+
15 A betsa metsu+ ya hae yaba o a ba hasanya,A lahlela lehadima mme a ba ferekanya.+
16 Dikarolo tse tlasetlase tsa lewatle tsa bonahala.+Ha Jehova a kgalemela, metheo ya lefatshe e a senoleha.E senolwa ke moya o matla o tswang dinkong tsa hae.+
17 O ile a otlolla letsoho a le hodimo.A ntshwara, a nkgula metsing a tebileng.+
18 O ile a mpholosa ho sera sa ka se matla,+Ho ba ntlhoileng, ba neng ba le matla ho mpheta.
19 Ba ile ba ntwantsha ha ke ena le mathata+Empa Jehova a ntshehetsa.
20 A ntlisa sebakeng se sireletsehileng.*+A mpholosa hobane ke ne ke mo kgahlisa.+
21 Jehova o a mputsa hobane ke lokile.+O a mputsa hobane ha ke na molato.*+
22 Ke mamela melao ya Jehova ka mehla.Ha ke a etsa dintho tse mpe mme ka tlohela Modimo wa ka.
23 Ke dula ke hopola melao yohle ya hae.+Nke ke ka tlohela ditaelo tsa hae.+
24 Ke tla dula ke se na molato+ ka pela hae.Ke tla qoba ho etsa phoso.+
25 E se eka Jehova a ka mputsa hobane ke lokile,+Ha ke na molato ka pela hae.+
26 O tshepahalla motho ya tshepahalang.+Ya se nang molato,* o mo tshwara ka toka.+
27 Ha motho a le molemo o tla mo etsetsa se molemo+Empa o sebetsana le ya bolotsana ka bohlale.+
28 O pholosa ba ikokobeditseng+Empa ha o rate ba ikgohomosang mme o a ba kokobetsa.+
29 Jehova, o lebone la ka.+Ke Jehova ya nkgantshetsang lefifing.+
30 Ka thuso ya hao nka hlola lebotho la masole,Ka matla a Modimo nka hlwa lerako.+
31 Dintho tsohle tseo Modimo wa nnete a di etsang di phethahetse.+
Polelo ya Jehova e hlwekile.+Ke thebe ho bohle ba balehelang ho yena.+
32 Modimo ke mang ntle ho Jehova?+Lefika ke mang ntle ho Modimo wa rona?+
33 Modimo wa nnete ke sebaka sa ka se sireletsehileng haholo,+O tla otlolla tsela ya ka.+
34 O etsa hore maoto a ka a be jwalo ka a kgama,O nkemisa dibakeng tse phahameng.+
35 O kwetlisa matsoho a ka bakeng sa ntwa,Matsoho a ka a ka koba seqha sa koporo.
36 O mpha thebe ya hao ya poloko,Boikokobetso ba hao bo a mphahamisa.+
37 O etsetsa mehato ya ka tsela e bulehileng,Maoto* a ka a ke ke a thella.+
38 Ke tla lelekisa dira tsa ka mme ke di fedise,Nke ke ka kgutla ho fihlela di fedisitswe.
39 Ke tla di silakanya mme ke di fedise e le hore di se ke tsa tsoha.+Di tla wela tlasa maoto a ka.
40 O tla etsa hore ke be le matla bakeng sa ntwa,+O tla etsa hore dira tsa ka di wele ka tlasa ka.+
41 O tla etsa hore dira tsa ka di mpalehe,+
Ke tla fedisa* ba ntlhoileng.+
42 Ba a lla ba kopa thuso empa ha ho na motho ya ba pholosang,Ba llela le ho Jehova empa ha a ba arabe.+
43 Ke tla ba sila hore ba be jwalo ka lerole la lefatshe,Ke tla ba silakanya ke ba hatakele jwalo ka seretse seterateng.
44 O tla mpholosa ho batho ba heso ba tshwayang diphoso.+O tla ntshireletsa hore ke be hlooho ya ditjhaba,+Batho bao ke neng ke sa ba tsebe ba tla ntshebeletsa.+
45 Baditjhaba ba tla ikokobetsa ka pela ka,+Seo ba se utlwang ka nna se tla etsa hore ba mmamele.*
46 Baditjhaba ba tla nyahama.Ba tla tswa ba thothomela dibakeng tsa bona tse sireletsehileng.
47 Jehova o a phela. Ho roriswe Lefika la ka.+Ho ke ho phahamiswe Modimo wa lefika la ka la poloko.+
48 Modimo wa nnete o iphetetsa bakeng sa ka,+O etsa hore batho ba be tlasa ka.+
49 O mpholosa ho dira tsa ka.O mphahamisetsa hodimo,+ hole le ba ntlhaselang.O mpholosa ho motho ya ratang ho lwana.+
50 Jehova, ke ka lebaka leo ke tla o leboha hara ditjhaba.+Ke tla binela lebitso la hao dipina tsa thoriso:+
51 O etsa diketso tse kgolo tsa poloko bakeng sa morena wa hae.+O bontsha hore o rata* motlotsuwa wa haeE leng Davida le bana* ba hae ka ho sa feleng.”+
Dintlha tse qetellong ya sehloho
^ Kapa: “mopholosi wa ka ya matla.”
^ Kapa: “sebaka se phahameng se sireletsehileng.”
^ Ka Seheberu: “mapheo a moya.”
^ Kapa: “sebaka seo ke nang le bolokolohi ho sona.”
^ Ka Seheberu: “ke hlwekile.”
^ Ka Seheberu: “monna ya matla.”
^ Kapa: “maqaqailana.”
^ Ka Seheberu: “kgutsisa.”
^ Ka Seheberu: “ha ditsebe di utlwa, ba tla mmamela.”
^ Ka Seheberu: “peo.”
