Buka ya Bobedi ya Samuele 3:1-39
3 Ntwa pakeng tsa ba lelapa la Saule le ba lelapa la Davida ya nna ya tswela pele. Davida a nna a ba matla+ empa ba lelapa la Saule ba nna ba fokola.+
2 Davida a ba le bara ha a ntse a le Hebrone.+ Mora wa hae wa letsibolo e ne e le Amnone+ eo a bileng le yena le Akinoame+ wa Mojezriele.
3 Mora wa hae wa bobedi e ne e le Kileabe eo a bileng le yena le Abigaile+ mohlolohadi wa Nabale wa Mokarmele. Wa boraro e ne e le Absalome+ mora wa Maaka, moradi wa Talmai+ morena wa Geshure.
4 Mora wa hae wa bone e le Adonija+ eo a bileng le yena le Hagithe mme wa bohlano e le Shefatia eo a bileng le yena le Abitale.
5 Wa botshelela e le Ithereame eo a bileng le yena le mosadi wa hae Egla. Davida o ile a ba le bara bana ha a le Hebrone.
6 Ha ntwa e ntse e tswela pele pakeng tsa ba lelapa la Saule le ba lelapa la Davida, Abnere+ a nna a ba matla ka tlung ya Saule.
7 Jwale Saule o ne a ena le serethe* se bitswang Rizpa+ moradi wa Aja. Ha morao Ish-boshethe+ a re ho Abnere: “Ke hobaneng ha o robetse le serethe sa ntate wa ka?”+
8 Abnere a halefiswa ke seo Ish-boshethe a se buileng mme a re: “Na ke ntja naheng ya Juda? Haesale ke tshepahaletse* lelapa la ntate wa hao Saule, bana babo le metswalle ya hae ho fihlela letsatsing lena, ha ke a ka ka nehelana ka wena ho Davida empa kajeno o nqosa ka hore ke entse sebe le mosadi.
9 E se eka Modimo a ka fa nna Abnere kotlo e boima haeba ke sa etsetse Davida seo Jehova a mo hlapanyeditseng sona,+
10 e leng ho tlosa mmuso ntlong ya Saule ho o isa teroneng ya Davida hore a buse Iseraele le Juda, ho tloha Dane ho ya Beersheba.”+
11 Ho tloha moo, Ish-boshethe ha a ka a hlola a bua letho ho Abnere hobane o ne a mo tshaba.+
12 Hanghang Abnere a romela baromuwa ho Davida a re: “Naha ke ya mang?” A boela a re: “Etsa selekane le nna mme ke tla etsa sohle seo nka se kgonang* hore Baiseraele bohle ba be ka lehlakoreng la hao.”+
13 Davida a re: “Ho lokile, ke tla etsa selekane le wena. Ntho feela eo ke e kopang ho wena ke hore o se ke wa tla ho nna ntle le ha o tla le Mikale+ moradi wa Saule, ha o tlo mpona.”
14 Yaba Davida o romela baromuwa ho Ish-boshethe+ mora wa Saule o re: “Mphe mosadi wa ka Mikale eo ke ileng ka mo lebeletsa ka dintlha tse 100 tsa matlalo a ditho tsa botona tsa Bafilista.”+
15 Ka hoo, Ish-boshethe a romela batho hore ba late Mikale ho monna wa hae Paltiele+ mora wa Laishe.
16 Empa monna wa hae a nna a tsamaya le yena. O ne a lla ha a ntse a mo setse morao ho ya fihla Bahurime.+ Yaba Abnere o re ho yena: “Kgutla!” Ka hoo a kgutla.
17 Ka nako eo, Abnere a romela molaetsa ho baholo ba Iseraele a re: “Esale le batla ho buswa ke Davida.
18 Jwale ke nako ya hore le mo etse morena wa lona hobane Jehova o itse ho Davida: ‘Ke tla pholosa setjhaba sa ka sa Iseraele ho Bafilista le ho dira tsa sona ke sebedisa mohlanka wa ka Davida.’”+
19 Jwale Abnere a bua le Babenjamine.+ Abnere a boela a bua le Davida moo a leng mong Hebrone, a mo bolella seo Baiseraele le Babenjamine ba dumellaneng ka sona.
20 Ha Abnere a fihla ho Davida Hebrone a ena le banna ba 20, Davida a ba etsetsa mokete.
21 Yaba Abnere o re ho Davida: “Ere ke tsamaye ke yo bokellela morenaka setjhaba sohle sa Iseraele e le hore se ka etsa selekane le wena mme wa ba morena hodima Iseraele yohle.” Ka hoo, Davida a re Abnere a tsamaye yaba o itsamaela ka kgotso.
22 Ha Joabe le bahlanka ba Davida ba fihla ho tswa ntweng, ba fihla le dintho tse ngata tse hapilweng. Abnere o ne a se a tlohile ho Davida Hebrone hobane Davida o ne a itse a tsamaye ka kgotso.
23 Ha Joabe+ le masole ohle a neng a ena le yena ba fihla, Joabe a bolellwa sena: “Abnere+ mora wa Nere+ o ne a tlile ho morena mme morena a re a tsamaye yaba o itsamaela ka kgotso.”
24 Jwale Joabe a ya ho morena mme a re: “O entseng? Abnere o ne a tlile ho wena, jwale ke hobaneng ha o mo tloheletse hore a itsamaele ka kgotso?
25 O tseba Abnere mora wa Nere hantle. O ne a tlile mona ho tla o thetsa le ho tseba merero ya hao le ntho e nngwe le e nngwe eo o e etsang.”
26 Joabe a tloha ho Davida mme a re baromuwa ba lelekise Abnere yaba ba kgutla le yena ho tswa sedibeng sa Sira. Empa Davida o ne a sa tsebe letho ka taba ena.
27 Ha Abnere a kgutlela Hebrone,+ Joabe a mo nkela ka thoko ka hara keiti ya motse hore ba tlo buisana ba le babedi feela. Le ha ho le jwalo, ha ba fihla moo, a mo hlaba mpeng yaba o a shwa.+ O ne a mo bolaya hobane a bolaile ngwanabo Asahele.+
28 Ha morao ha Davida a utlwa ka taba ena a re: “Nna le mmuso wa ka re tla dula re se na molato ka pela Jehova bakeng sa lefu+ la Abnere mora wa Nere.
29 E se eka molato wa polao ya Abnere o ka kgutlela ho Joabe+ le ho bohle ba lelapa la ntate wa hae. E se eka lelapeng la Joabe ho ka dula ho ena le monna eo setho sa hae sa botona se dutlang,+ molepera,+ monna ya holofetseng,* monna ya bolawang ka sabole kapa ya hlokang dijo.”+
30 Ka hoo, Joabe le ngwanabo Abishai+ ba bolaya Abnere+ hobane o ne a bolaile ngwanabo bona Asahele ha ba le ntweng+ Gibeone.
31 Yaba Davida o re ho Joabe le ho batho bohle ba nang le yena: “Tabolang diaparo tsa lona mme le itlame ka lesela le hwashang* le llele Abnere.” Morena Davida o ne a tsamaya ka mora batho ba jereng mofu.
32 Ba patela Abnere Hebrone. Morena o ile a lla haholo lebitleng la Abnere mme batho kaofela le bona ba lla.
33 Morena a binela Abnere a re:
“Na Abnere a ka shwa lefu le kang la motho ya se nang kelello?
34 Matsoho a hao a ne a sa tlangwaLe maoto a hao a ne a sa tlangwa ka diketane.*
O shwele jwalo ka motho ya bolawang ke dinokwane.”*+
Yaba batho kaofela ba mo llela hape.
35 Ha morao batho bohle ba tla ho Davida, ba mo fa bohobe ba matshediso e sa le motshehare. Empa Davida a hlapanya a re: “E se eka Modimo a ka mpha kotlo e boima haeba nka ja bohobe kapa ntho le ha e le efe pele letsatsi le dikela!”+
36 Setjhaba sohle se ile sa bona seo morena a se etsang mme sa thaba feela jwalo ka ha se ne se thabela ntho e nngwe le e nngwe eo morena a e etsang.
37 Letsatsing leo, setjhaba sohle le Iseraele yohle ya tseba hore ha se morena ya bolaileng Abnere mora wa Nere.+
38 Yaba morena o re ho bahlanka ba hae: “Na ha le tsebe hore letsatsing la kajeno Iseraele ho shwele kgosana, monna ya matla?+
39 Kajeno ke a fokola le hoja ke tlotsitswe hore ke be morena+ mme banna bana e leng bara ba Tseruja,+ ba sehloho haholo.+ E se eka Jehova a ka buseletsa motho ya etsang dintho tse mpe ho ya ka dintho tse mpe tseo a di etsang.”+
Dintlha tse qetellong ya sehloho
^ Ka Seheberu: “bona! letsoho la ka le tla ba le wena.”
^ Monna ya holofetseng ya neng a etsa mesebetsi ya basadi.
^ Ka Seheberu: “koporo.”
^ Ka Seheberu: “bara ba ho se loke.”