Buka ya Bobedi ya Samuele 8:1-18
8 Ka mora nako Davida a lwantsha Bafilista+ mme a ba hlola+ yaba o hapa motse wa Methege-ama matsohong a Bafilista.
2 A hlola Bamoabe+ mme a ba paqamisa fatshe yaba o ba metha ka kgwele. O ile a metha mela e mmedi ya batho bao a neng a tlo ba bolaya le mola o le mong o feletseng wa batho bao a neng a ke ke a ba bolaya.+ Jwale Bamoabe ya eba basebeletsi ba Davida ba ntshang lekgetho.*+
3 Davida a hlola morena wa Zoba+ e leng Hadadezere mora wa Rehobe ha Hadadezere a ne a ilo hapa sebaka se Nokeng ya Eufrate.+
4 Davida a hapa bapalami ba dipere ba 1 700 le masole a 20 000. Yaba Davida o kgaola mesifa ya dipere tsohle tse hulang dikariki empa a siya dipere tse 100.+
5 Ha Basiria ba Damaseka+ ba tla ho tla thusa Morena Hadadezere wa Zoba, Davida a bolaya Basiria ba 22 000.+
6 Davida a beha masole Siria ya Damaseka mme Basiria ya eba basebeletsi ba Davida ba ntshang lekgetho. Jehova o ne a thusa Davida hore a hlole hohle moo a neng a ya teng.+
7 Ho ekelletsa moo, Davida a nka dithebe tse sedikadikwe tsa kgauta ho bahlanka ba Hadadezere, a di tlisa Jerusalema.+
8 Morena Davida a nka koporo e ngata Betha le Berothai e leng metse ya Hadadezere.
9 Morena Toi wa Hamathe+ a utlwa hore Davida o ne a hlotse masole ohle a Hadadezere.+
10 Toi a romela mora wa hae Jorame ho Morena Davida hore a yo utlwa hore na o ntse a ya jwang le ho mo lebohisa hobane o ne a lwantshitse Hadadezere mme a mo hlotse (ka ha Hadadezere o ne a dula a lwantsha Toi). Hape o ile a mo tlisetsa dintho tsa silevera, tsa kgauta le tsa koporo.
11 Morena Davida a nehelana ka* dintho tsena ho Jehova feela jwalo ka ha a ne a nehelane ka silevera le kgauta tse tswang ditjhabeng tse ding tsohle tseo a neng a di hlotse:+
12 Tse tswang ho Siria le ho Moabe,+ Baamone, Bafilista,+ Baamaleke+ le thepeng e hapuweng ho Hadadezere+ mora wa Rehobe morena wa Zoba.
13 Davida a boela a tuma ha a tswa bolaya Baedomo ba 18 000 Kgohlong ya Letswai.+
14 A beha mabotho a sesole Edomo. A a beha motseng wohle wa Edomo mme Baedomo bohle ya eba basebeletsi ba Davida.+ Jehova o ne a thusa Davida hore a hlole* hohle moo a neng a ya teng.+
15 Davida a nna a busa Iseraele yohle,+ a ahlola setjhaba sohle+ ka toka le ka ho loka.+
16 Joabe+ mora wa Tseruja o ne a okametse masole mme Josafate+ mora wa Akilude e le motlalehi.
17 Tsadoke+ mora wa Akitube le Akimeleke mora wa Abiathare e ne e le baprista mme Seraia e le mongodi.
18 Benaia+ mora wa Jehojada o ne a okametse Bakerethe le Bapelethe.+ Bara ba Davida ya eba baetapele* ba ka sehloohong.
Dintlha tse qetellong ya sehloho
^ Kapa: “sethabathaba.”
^ Ka Seheberu: “halaletsa.”
^ Kapa: “pholohe.”
^ Ka Seheberu: “baprista.”
