Amose 2:1-16
2 Jehova o itse:
‘“Baahi ba Moabe+ ba ntshitetswe ka makgetlokgetlo.* Ka hoo, nke ke ka fetola qeto eo ke seng ke e entseHobane ba tjhesitse masapo a morena wa Edomo ho fihlela e eba molora.*
2 Ke tla romela mollo MoabeMme o tla tjhesa ditora tse sireleditsweng tsa Keriothe.+
Moabe e tla shwa ho le lerata,Ho etswa mokgosi wa ntwa ho bile ho letswa lenaka.+
3 Ke tla bolaya mmusi* wa Moabe,Ke bolaye le dikgosana tsa yona,”+ ke Jehova ya tjhong.’
4 Jehova o re:
‘Baahi ba Juda+ ba ntshitetswe ka makgetlokgetlo.* Ka hoo, nke ke ka fetola qeto eo ke seng ke e entseHobane ha ba a ka ba mamela molao oo nna Jehova ke ba fileng wona.
Ba iphapanyetsa ditaelo tsa ka.+
Ba kgelositswe ke mashano ao baholoholo ba bona ba neng ba a dumela.+
5 Ka hoo, ke tla romela mollo Juda.
O tla tjhesa ditora tse sireleditsweng tsa Jerusalema.’+
6 Jehova o re:
‘Baahi ba Iseraele+ ba ntshitetswe ka makgetlokgetlo.* Ka hoo, nke ke ka fetola qeto eo ke e entsengHobane ba rekisa motho ya lokileng hore ba fumane silevera.
Mofutsana yena ba mo rekisa hore ba fumane dieta.*+
7 Ba hatakela bafutsana jwalo ka ha motho a hatakela mobu,+Ba tshwara batho ba bonolo hampe.+
Ntate le mora ba robala le mosadi a le mong,Ba tella lebitso la ka le halalelang.
8 Ba tjapalla pela aletare e nngwe le e nngwe,+ hodima diaparo tseo batho ba di behileng paneng* bakeng sa dikoloto tsa bona.+
Veine eo ba e nwellang matlong* a medimo ya bona ke eo ba patadisitseng batho ka yona.
9 Ke ile ka ba bolaela Baamore+Ba balelele jwalo ka difate tsa dikedare, ba matla jwalo ka difate tsa ouku,*Ka fedisa ditholwana tsa bona, ka fothola metso ya bona.+
10 Ka ba ntsha Egepeta,+Ka ba tsamaisa lefeelleng ka dilemo tse 40+Hore ba rue naha ya Baamore.
11 Ke kgethile ba bang ba bara ba bona hore e be baprofeta,+Ka kgetha bahlankana ba bang hore e be Banazari.+
Baiseraele, na ha ho jwalo?’ ke Jehova ya tjhong.
12 ‘Empa ba nwesa Banazari veine,+Ba re baprofeta ba tlohele ho profeta.+
13 Ke tla ba hatakelaJwalo ka ha sekosekara* se tshetseng dijo* tse qetang ho kotulwa se hatakela ntho e ka tlasa sona.
14 Ha ho moo ya lebelo a tla balehela teng,+Senatla se tla fellwa ke matlaLe mohlabani a ke ke a kgona ho ipholosa.
15 Ya sebedisang seqha a ke ke a kgona ho itwanela,Ya lebelo a ke ke a kgona ho balehaLe ya palamang pere a ke ke a kgona ho pholoha.
16 Mohlabani ya sebete* le yenaO tla baleha a hlobotse letsatsing leo,’+ ke Jehova ya tjhong.
Dintlha tse qetellong ya sehloho
^ Ka Seheberu: “hore e be kalaka.”
^ Ka Seheberu: “ka makgetlo a mararo le ka makgetlo a mane.”
^ Ka Seheberu: “moahlodi.”
^ Ka Seheberu: “ka makgetlo a mararo le ka makgetlo a mane.”
^ Ka Seheberu: “ka makgetlo a mararo le ka makgetlo a mane.”
^ Ka Seheberu: “meqathatso.”
^ Kapa: “beheleditseng.” Ntho eo motho a e siyang ha a etsa sekoloto.
^ Kapa: “ditempeleng.”
^ Kapa: “eike.”
^ Kapa: “kariki ya masimong.”
^ Kapa: “ya pelo e thata.”
