Amose 6:1-14
6 Ho madimabe ba dutseng ba iketlile Sione,Ba utlwang ba sireletsehile thabeng ya Samaria,+Ke banna ba hlaheletseng setjhabeng,Bao Baiseraele ba yang ho bona.
2 Tshelelang Kalene le bone,Ha le tloha le ye Hamathe motseng o moholo+Ebe le fetela Gathe motseng wa Bafilista.
Na mebuso eo e meholo ho feta ya lona*Kapa naha ya bona e kgolo ho feta ya lona?
3 Ha le nahane le ho nahana ka tlokotsi e le tlelang+Ebile le theha mmuso wa batho ba tletseng mabifi.+
4 Le robala dibetheng tse entsweng ka manaka a tlou,+ le kakalla disofeng,+Le ja dikonyana tsa mohlape le manamane* a nonneng.+
5 Le iqapela dipina tse letswang ka harepa,*+Le iketsetsa diletsa tsa mmino jwalo ka Davida.+
6 Le nwella veine ka dikotlolong,*+Le itlotsa ka oli e turu ka ho fetisisa.
Tlokotsi ya Josefa ha e le tshwenye.*+
7 Le tla ba ba pele ba ho haptjwa,+Mekete ya ba kakallang disofeng e tla fela.
8 Jehova Modimo wa mabotho o re: ‘Nna Jehova Mmusi wa Dintho Tsohle ke hlapantse ka nna*+ ka re:
“Ke nyonya boikakaso ba Jakobo,+Ke hloile ditora tsa hae tse sireleditsweng+Ebile ke tla fana ka motse ona le tsohle tse ho wona ho dira tsa hae.+
9 Le ha ho ka ba ha sala banna ba leshome ka tlung e le nngwe, le bona ba tla shwa.
10 Mong ka bona* o tla tla a ba tjhese ka bonngwe. O tla ntsha masapo a bona ka tlung ebe o re ho ya setseng ka kamoreng: ‘Na ho na le ba bang ntle le wena?’ Ha a araba o tla re: ‘Ha ba yo.’ Eo a re: ‘Thola! Ha se nako ya hore o kope thuso ho Jehova ena.’
11 Jwalo ka ha Jehova a laetse,+Ntlo e kgolo e tla wa,E nyenyane e be dithako.+
12 Na dipere di ka matha lefikeng?
Kapa na motho a ka lema moo ka dikgomo?
Ho ena le hore le phethe toka le utlwisa batho bohloko,Le etsa hore bophelo ba bona bo babe jwalo ka lengana.+
13 Lona ba thabelang ntho e se nang thuso,Le bile le re: “Re hlotse tjena* hobane re le matla.”+
14 Jehova Modimo wa mabotho o re: “Baiseraele, ke tla le tlisetsa setjhaba se tla le hlasela,+Se tla le hatella ho tloha Lebo-Hamathe*+ ho ya fihla Kgohlong* ya Araba.”’”
Dintlha tse qetellong ya sehloho
^ Ho bonahala e le mmuso wa Juda le Iseraele.
^ Kapa: “manamane a matona.”
^ Kapa: “seletsa se dikgwele.”
^ Ka Seheberu: “ha e le kudise.”
^ Kapa: “dikoping tse kgolo.”
^ Kapa: “bophelo ba ka.”
^ Ka Seheberu: “Motho ya amanang le ntate wa bona.”
^ Ka Seheberu: “Re inketse manaka.”
^ Kapa: “ho tloha moeding wa Hamathe.”
