Amose 8:1-14
8 Jehova Mmusi wa Dintho Tsohle o ile a mpontsha pono ena: Ka bona baskete e tshetseng ditholwana tsa lehlabula.
2 Yaba o re ho nna: “O bonang Amose?” Ka re: “Baskete e tshetseng ditholwana tsa lehlabula.” Jehova a re: “Letsatsi la hore ke otle setjhaba sa ka le fihlile. Nke ke ka hlola ke se hauhela.+
3 Nna Jehova Mmusi wa Dintho Tsohle ke re: ‘Letsatsing leo, ho ena le hore ho binwe dipina ka tempeleng, e tla ba diboko.+ Hohle ho tla tlala ditopo,+ ho thole ho re tu!’
4 Mamelang lona ba hatellang bafutsana,Lona ba thatafaletsang baikokobetsi bophelo,+
5 Le re: ‘Mokete wa kgwedi* e ntjha o fela neng+ re tsebe ho rekisa dijo* tsa rona?
Letsatsi la Sabatha+ le tla feta neng e le hore re rekise dijo,Re theole tekanyo ya tsonaEbe re nyolla tjhelete,*Re qhekelle bareki ka dikala tse sa tshepahaleng?+
6 Re tla reka mofutsana ka silevera,Re mo reke ka dieta,*+Re rekise karolo e se nang thuso ya dijo.’*
7 Jehova o ikanne ka yena, ke yena eo Jakobo a ikotlang sefuba ka yena.+
O itse: ‘Nke ke ka lebala diketso tsa bona le ka mohla.+
8 Ka hoo, naha yohle e tla thothomelaEbe baahi bohle ba a lla.+
Naha* yohle e tla lwebehlana jwalo ka Noka ya Nile,Ba tla lwebehlana jwalo ka Nile ya Egepeta ha e tletse.’+
9 Jehova Mmusi wa Dintho Tsohle o re: ‘Letsatsing leo,Ke tla etsa hore letsatsi le dikele hara mpa ya motshehare,Ke etse hore naheng ho be lefifi letsatsi le ntse le tjhabile.+
10 Ke tla etsa hore thabo* ya lona e fetohe maswabi,+Dipina tsa lona ke di fetole kodiyamalla.*
Kaofela ke tla le apesa lesela le hwashang,* ke le kute makorwana.
E tla ka le shwetswe ke mora wa lona ya mong,Letsatsi leo le tla fella ha bohloko.’
11 Jehova Mmusi wa Dintho Tsohle o re: ‘Matsatsi a tla ao ka onaKe tla otla naha ka tlala,Ha le na ho lapela bohobe kapa hona ho nyorelwa metsiEmpa e tla be e le hobane le batla ho utlwa lentswe la Jehova.+
12 Ba tla thekesela ho tloha lewatleng le leng ho ya ho le leng,Ho tloha leboya ho ya botjhabela.*
Ba tla solla ba ntse ba batlana le lentswe la Jehova empa ba ke ke ba le fumana.
13 Letsatsing leo, barwetsana ba batleLe bahlankana ba tla akgeha ke lenyora.
14 Ba ikana ka medimo ya bohata ya Samaria*+ ba re:
“Ke ikana ka modimo wa hao ya phelang, wena Dane.”+
Hape ba re: “Ke ikana ka tsela e yang Beersheba.”*+
Ba tla wa ebile ba ke ke ba phahama.’”+
Dintlha tse qetellong ya sehloho
^ E leng Shekele. Sheba Ntlha ya B14.
^ Kapa: “Letsatsi la kgwedi.”
^ Ka Seheberu: “meqathatso.”
^ Kapa: “Lefatshe.”
^ Kapa: “mekete.”
^ Kapa: “pina e binwang ka lebaka la ho utlwa bohloko.”
^ Kapa: “botjhabatsatsi.”
^ Ka Seheberu: “molato wa Samaria.” E leng hore ba molato ka lebaka la medimo ya ditshwantsho ya Samaria.
^ Mohlomong ho buuwa ka tsela eo batho ba neng ba tsamaya ka yona ha ba yo rapela medimo ya bohata moo.
