Amose 9:1-15
9 Ka bona Jehova+ a eme ka hodima aletare yaba o re: “Otla karolo e ka hodimo* ya dipilara metheo ya ntlo e sisinyehe. O thuhe dihlooho tsa tsona* ebe ba salang ke ba bolaya ka sabole. Ya balehang a ke ke a phonyoha, ya lekang ho phonyoha a ke ke a atleha.+
2 Le ha ba ka tjheka ba ipata ka Lebitleng,*Ke tla ba ntsha hona moo.Le ha ba ka nyolohela lehodimong,Ke tla ba theola moo.
3 Haeba ba ka ipata thabeng ya Karmele,Ke tla ba batla ke ba theole moo.+
Ha ba ka ipatela nna bodibeng ba lewatle,Ke tla romela noha moo hore e ba lome.
4 Haeba ba haptjwa ke dira tsa bona,Ke tla ba romella sabole hore e ba bolaye.+
Ke tla ba disa e le hore ke ba etsetse bomadimabe eseng ditlhohonolofatso.+
5 Mmusi wa Dintho Tsohle, Jehova wa mabotho ke yena ya tshwarang naha yohle*Ebe ya qhibidiha,+ baahi bohle ba yona ba lle.+
Naha e tla lwebehlana jwalo ka Noka ya Nile,Ba tla lwebehlana jwalo ka Nile ya Egepeta ha e tletse.+
6 Ke yena ya hahang ditepisi tsa hae lehodimong,O entse metheo ya mohaho wa hae lefatsheng.
Ke yena ya bokellang metsi a lewatleEbe o a tshela lefatsheng.+
Lebitso la hae ke Jehova.+
7 Jehova o re: ‘Lona Baiseraele, le jwalo ka Bakushe ho nna.
Ke le ntshitse naheng ya Baegepeta,+Ka ntsha Bafilista Kreta+ le Siria ka e ntsha Kire.’+
8 Jehova o re: ‘Nna Jehova Mmusi wa Dintho Tsohle ke shebile mmuso o tletseng sebe,Ke tla o tlosa hodima lefatshe+Empa nke ke ka timetsa bana ba Jakobo kaofela.’+
9 Ke laela horeNtlo ya Iseraele e tsukutlehe hara ditjhaba tsohle,+E tsukutlehe jwalo ka ha motho a tsukutla sefeEmpa ho se na letho le welang fatshe.
10 Baetsadibe bohle ba setjhaba sa ka ba tla bolawa ka sabole,Bohle ba reng: ‘Re ke ke ra hlahelwa ke tlokotsi kapa ya re atamela.’
11 Ke tla phahamisa ntlo* ya Davida+ e weleng,Ke kwale dikgeo tse maboteng a yona,*Ke e lokiseKe etse hore e tshwane le mehleng ya kgale+
12 E le hore batho ba ka ba ka hapa Baedomo ba setseng+Le ho busa ditjhaba tsohle tse bitswang ka lebitso la ka,’ Jehova e leng yena ya etsang dintho tsena ke yena ya tjhong.
13 Jehova o re: ‘Matsatsing ao,Nako ya ho lema e tla fihla pele dijalo di kotulwa,Nako ya ho jala e tla fihla pele morara o tlhotlwa+Ebe dithaba di rotha veine e monate,+Maralla ohle a qhibidihe.+
14 Ke tla lata setjhaba sa ka sa Iseraele se neng se hapuwe,+Ba tla ntjhafatsa metse ya bona mme ba dule ho yona,+Ba tla lema masimo a morara ebe ba nwa veine ya wona,+Ba be ba je dintho tseo ba di lemmeng masimong a bona.’+
15 Hape Jehova Modimo wa lona o re:
‘Ke tla tsitsisa Baiseraele naheng ya bona,Ba ke ke ba hlola ba tloswa naheng eo ke ba fileng yona.’”+
Dintlha tse qetellong ya sehloho
^ Ka Seheberu: “hlooho.”
^ Kapa mohlomong: “karolo e hodimo ya dipilara.”
^ Kapa: “lefatshe.”
^ Kapa: “tente; lephephe.”
^ Kapa: “bona.”
