Dipesaleme 10:1-18
ל [Lamed]
10 Jehova, ke hobaneng ha o emeletse hole?Ke hobaneng ha o ipata ha re le matshwenyehong?+
2 Ya kgopo o a ikgohomosa, o lelekisa ya sa kgoneng ho itshireletsa+Empa ya kgopo o tla tshwaswa ke maraba a hae.+
3 Ya kgopo o ikgohomosa ka ditakatso tsa hae tsa boithati,+O lakaletsa ya meharo hore a atlehe.*
נ [Nun]Ha a hlomphe Jehova.
4 Motho ya kgopo ha a etse dipatlisiso hobane o a ikgohomosa.O dula a nahana a re: “Modimo ha a yo.”+
5 O a atleha dinthong tseo a di etsang+Empa a ke ke a utlwisisa dikahlolo tsa hao.+O nyatsa* dira tsohle tsa hae.
6 Ka pelong ya hae o re: “Nke ke ka sisinngwa le ka mohla.
Nke ke ka hlahelwa ke tlokotsi le ka mohla.”*+
פ [Pe]
7 Molomong wa hae ho tswa ditlhapa, mashano le ditshoso.+Ka tlasa leleme la hae ho na le mathata le dintho tse kotsi.+
8 O lalla haufi le metsana.Moo a ipatileng o bolaya motho ya se nang molato.+
ע [Ayin]
Mahlo a hae a shebile motho eo a ka mo hlaselang.+
9 O lalla sebakeng sa hae seo a ipatang ho sona jwalo ka tau selaong sa yona.*+
O emetse ho tshwara ya sa kgoneng ho itshireletsa.
Ha a hula letlowa la hae, o tshwasa ya sa kgoneng ho itshireletsa.+
10 Motho ya hloriswang o lahlelwa fatshe a be a hatellwe.Ba madimabe ba wela matsohong a ya kgopo.
11 Ka pelong ya hae o re: “Modimo o lebetse.+
Ha a na taba.*
Ha a bone letho.”+
ק [Qoph]
12 Etsa ho hong hle Jehova.+ Bontsha matla a hao hle Modimo wa ka.+
O se ke wa lebala ba sa kgoneng ho itshireletsa.+
13 Ke hobaneng ha ya kgopo a sa hlomphe Modimo?
Ka pelong o re: “A ke ke a nkahlola.”
ר [Resh]
14 Empa wena o bona mathata le matshwenyeho.
O a bona ebe o etsa ho hong ka seo.+
Ya hlaselwang o tla ho wena.+O mothusi wa kgutsana.*+
ש [Shin]
15 Etsa hore ya kgopo a se ke a eba le matla.*+E le hore ha o batla bokgopo ba hae,O se ke wa hlola o bo fumana.
16 Jehova ke Morena ka ho sa feleng.+
Ditjhaba di fedisitswe lefatsheng.+
ת [Taw]
17 Jehova, o tla utlwa dikopo tsa ba bonolo.+
O tla ba matlafatsa+ mme o ba mamele ka hloko.+
18 O tla phethahatsa toka ho dikgutsana le ho batho ba hateletsweng+E le hore motho le ha e le ofe lefatsheng a se ke a hlola a ba tshosa.+
Dintlha tse qetellong ya sehloho
^ Kapa mohlomong: “Ya meharo o a itlhohonolofatsa.”
^ Kapa: “ikgohomosetsa.”
^ Ka Seheberu: “ho isa molokong o mong ka mora o mong.”
^ Kapa: “tau morung o teteaneng.”
^ Kapa: “o patile sefahleho sa hae.”
^ Kapa: “ngwana ya se nang ntate.”
^ Ka Seheberu: “Roba letsoho la ya kgopo.”
