Dipesaleme 147:1-20
147 Rorisang Jah!*
Ho binela Modimo wa rona dithoriso ke ntho e ntle.
Ho mo rorisa ho a thabisa ebile ho loketse.+
2 Jehova o haha Jerusalema.+
O phutha Baiseraele ba qhalakaneng.+
3 O fodisa bao dipelo tsa bona di utlwileng bohloko.
O tlamisa maqeba a bona.
4 O tseba palo ya dinaledi.
Kaofela ha tsona o di bitsa ka mabitso a tsona.+
5 Morena wa rona o moholo ebile o matla haholo.+
O bohlale ka tsela eo re ke keng ra kgona ho e utlwisisa.+
6 Jehova o phahamisa batho ba bonolo.+
Empa ba kgopo o ba lahlela fatshe.
7 Binelang Jehova dipina tsa ho mo leboha.
Binelang Modimo wa rona dithoriso ka harepa.
8 Ke yena ya kwahelang mahodimo ka maru,Ya nesetsang lefatshe pula+Le ya etsang hore jwang bo mele+ dithabeng.
9 O fa diphoofolo dijo,+O fepa le makgwaba a manyenyane a llelang dijo.+
10 Ha a kgahlwe ke matla a pere+Ebile ha a kgahlwe ke maoto a matla a motho.+
11 Ho ena le hoo, Jehova o kgahlwa ke batho ba mo tshabang,+Ba emetseng hore a ba bontshe lerato.+
12 Jerusalema, tlotlisa Jehova.
Sione, rorisa Modimo wa hao.
13 O etsa hore dipalo tsa dikeiti tsa motse wa hao di tiye.
O hlohonolofatsa bara ba hao.
14 O etsa hore ho be le kgotso naheng ya hao.+
O o fa koro e ntle ka ho fetisisa ho fihlela o kgotsofetse.+
15 O fana ka taelo lefatsheng,Lentswe la hae le matha ka lebelo.
16 O fana ka lehlwa jwalo ka boya.+
O hasanya serame jwalo ka molora.+
17 O lahlela sefako* sa hae fatshe jwalo ka mafoforetsane a bohobe.+
Ha ho na motho ya ka kgonang ho mamella serame sa hae.+
18 Ha a fana ka taelo, lehlwa le a qhibidiha.
O etsa hore moya wa hae o foke+ ebe metsi a a phalla.
19 O bolella Jakobo lentswe la hae,O bolella Baiseraele melao le dikahlolo tsa hae.+
20 Ha a etse jwalo ho ditjhaba tse ding.+
Ha di tsebe letho ka melao ya hae.
Rorisang Jah!*+
Dintlha tse qetellong ya sehloho
^ Kapa: “Halelujah!” “Jah” ke kgutsufatso ya lebitso Jehova.
^ Kapa: “leqhwa.”
^ Kapa: “Halelujah!” “Jah” ke kgutsufatso ya lebitso Jehova.
