Dipesaleme 2:1-12
2 Ke hobaneng ha ditjhaba di etsa moferefereLe batho ba korotla* ka ntho e se nang thuso?+
2 Marena a lefatshe a itokisetsa ho lwana,Balaodi ba phahameng ba ikopanya*+Hore ba hlasele Jehova le motlotsuwa wa hae.*+
3 Ba re: “A re kgaoleng diketane tsa bonaRe lahle le diropo tsa bona.”
4 Ya dutseng teroneng lehodimong o tla tsheha.Jehova o tla ba tsheha.
5 Ka nako eo o tla bua le bona a halefile,O tla ba tshosa hobane o tla be a halefile haholo.
6 A re: “Ke behile morena wa ka+Hodima Sione,+ thabeng ya ka e halalelang.”
7 Ere ke phatlalatse taelo ya Jehova.O itse ho nna: “O mora wa ka,+Ho tloha kajeno ke ntate wa hao.+
8 Nkope mme ke tla o fa ditjhaba hore e be lefa la haoLe lefatshe lohle hore e be la hao.+
9 O tla di robakanya ka lere la borena la tshepe.+O tla di pshatla jwalo ka sejana sa letsopa.”+
10 Jwale lona marena, etsang dintho ka bohlale.Amohelang kgalemelo,* lona baahlodi ba lefatshe.
11 Tshabang Jehova ha le ntse le mo sebeletsa.Le thabe le be le mo hlomphe ka ho tebileng.
12 Hlomphang* mora,+ ho seng jwalo Modimo o tla halefaEbe le a bolawa, le tloswa tseleng+Hobane o kgona ho halefa kapele.Ho thaba bohle ba balehelang ho yena.
Dintlha tse qetellong ya sehloho
^ Kapa: “ba nahanisisa.”
^ Kapa: “ba rera bolotsana.”
^ Kapa: “Kreste wa hae.”
^ Kapa: “Mamelang temoso.”
^ Ka Seheberu: “Akang.”
