Dipesaleme 24:1-10
-
Morena ya kganyang o kena dikeiting
-
“Lefatshe ke la Jehova” (1)
-
Pesaleme ya Davida. Pina.
24 Lefatshe ke la Jehova le tsohle tse ho lona,+Naha le ba dulang ho yona.
2 O le thehile hodima mawatle,+A le tiisa ka thata hodima dinoka.
3 Ke mang ya ka nyolohelang thabeng ya Jehova?+
Ke mang ya ka emang sebakeng sa hae se halalelang?
4 Ke ya se nang molato le ya pelo e hlwekileng,+Ya sa ikanang ka leshano ka nna*Le ya sa etseng kano ka ho bua leshano.+
5 O tla fumana ditlhohonolofatso ho Jehova+Le ho loka* ho Modimo wa hae wa poloko.+
6 Ona ke moloko wa ba mo batlang,Wa ba batlang sefahleho sa hao, Modimo wa Jakobo. (Selah)
7 Phahamisang dihlooho, lona dikeiti.+
Bulang,* lona menyako ya kgaleE le hore Morena ya kganyang a ka kena.+
8 Morena eo ya kganyang ke mang?
Ke Jehova ya matla haholo,+Ke Jehova ya matla ntweng.+
9 Phahamisang dihlooho, lona dikeiti.+
Bulang, lona menyako ya kgaleE le hore Morena ya kganyang a ka kena.
10 Morena eo ya kganyang ke mang?
Jehova wa mabotho, ke yena Morena ya kganyang.+ (Selah)
Dintlha tse qetellong ya sehloho
^ Kapa: “bophelo ba ka,” e leng bophelo ba Jehova boo motho a ikanang ka bona.
^ Kapa: “toka.”
^ Kapa: “Emang.”
