Dipesaleme 25:1-22
Pesaleme ya Davida.
א [Aleph]
25 Ke tla ho wena, Jehova.
ב [Beth]
2 Modimo wa ka, ke tshepile wena.+
O se ke wa dumella hore ke hlajwe ke dihlong.+
O se ke wa dumella dira tsa ka hore di thabe ka lebaka la matshwenyeho a ka.+
ג [Gimel]
3 Batho bohle ba o tshepileng ba ke ke ba hlajwa ke dihlong+Empa ba rerelang ba bang bolotsana ke bona ba tla hlajwa ke dihlong.+
ד [Daleth]
4 Ntsebise ditsela tsa hao, Jehova.+
Nthute ditsela tsa hao.+
ה [He]
5 Ntsamaise tseleng ya hao ya nnete mme o nthute+Hobane o Modimo wa ka ya mpholosang.
ו [Waw]
Ke tshepile wena ka mehla.
ז [Zayin]
6 Jehova, hopola mohau wa hao le lerato la hao,+Tseo esale o di bontsha batho ba hao.*+
ח [Heth]
7 O se ke wa hopola dibe tsa botjheng ba ka le diphoso tsa ka.
O nkgopole ka lebaka la lerato* la hao,+Ka lebaka la molemo wa hao hle Jehova.+
ט [Teth]
8 Jehova o molemo ebile o lokile.+
Ke ka lebaka leo a rutang baetsadibe hore na ba phele jwang.+
י [Yod]
9 O tla tataisa ba bonolo hore ba etse se lokileng,+A rute ba bonolo tsela ya hae.+
כ [Kaph]
10 Ditsela tsohle tsa Jehova di bontsha hore o lerato* ebile o tshepahallaBa bolokang selekane+ sa hae le dikgopotso tsa hae.+
ל [Lamed]
11 Ka lebaka la lebitso la hao hle Jehova,+Tshwarela phoso ya ka le hoja e le kgolo.
מ [Mem]
12 Ke mang ya tshabang Jehova?+
O tla mo rupela hore a tsebe tsela eo a lokelang ho e kgetha.+
נ [Nun]
13 O tla ba le dintho tse molemo,+Ditloholo* tsa hae di tla dula lefatsheng.+
ס [Samekh]
14 Jehova ke motswalle wa ba mo tshabang,+O ba tsebisa selekane sa hae.+
ע [Ayin]
15 Ke dula ke tshepile Jehova hore a nthuse.+
O tla tshwasolla maoto a ka lerabeng.*+
פ [Pe]
16 Ntjhebe mme o nkgauheleHobane ke mong ebile ha ho na ya nthusang.
צ [Tsade]
17 Dintho tse tshwenyang pelo ya ka di eketsehile.+
Ntokolle mahlomoleng a ka.
ר [Resh]
18 Bona ho hlopheha ha ka le mathata a ka,+O tshwarele dibe tsohle tsa ka.+
19 Bona ka moo dira tsa ka di leng ngata ka teng.
Di ntlhoile hoo di batlang ho ntematsa.
ש [Shin]
20 Lebela bophelo ba ka mme o mpholose.+
O se ke wa ntlohela hore ke hlajwe ke dihlong hobane ke balehetse ho wena.
ת [Taw]
21 E se eka nka sireletswa hobane ke a tshepahala ebile ke etsa dintho tse lokileng.+
Ke tshepile wena.+
22 Modimo wa ka, pholosa Iseraele mahlomoleng ohle a hae.
Dintlha tse qetellong ya sehloho
^ Kapa: “ho tloha mehleng ya kgale.”
^ Ka Seheberu: “peo.”
^ Ka Seheberu: “letloweng.”
