Dipesaleme 33:1-22
33 Hweletsang le thabile ka lebaka la Jehova, lona ba lokileng.+
Ke ntho e loketseng hore ba lokileng ba mo rorise.
2 Rorisang* Jehova ka harepa.
Mo bineleng dithoriso ka seletsa se nang le dikgwele tse leshome.
3 Mo bineleng pina e ntjha.+
Bapalang diletsa tse dikgwele ha monate, le ntse le hweletsa le thabile.
4 Lentswe la Jehova le lokile+Ebile re ka tshepa dintho tsohle tseo a di etsang.
5 O rata ho loka le toka.+
Lefatshe le tletse lerato* la Jehova.+
6 Mahodimo a ile a etswa ka lentswe la Jehova+Le dintho tsohle tse ho ona di entswe ka moya* wa molomo wa hae.
7 O bokella metsi a lewatle jwalo ka letamo.+
O beha metsi a lwebehlanang ditorong.*
8 Lefatshe lohle le ke le tshabe Jehova.+
E se eka baahi ba lefatshe ba ka mo hlompha haholo.
9 O buile mme ha eba jwalo.+
O laetse mme dintho tsa etswa.+
10 Jehova o sentse merero ya ditjhaba.+
O thibetse merero ya batho hore e se ke ya atleha.+
11 Diqeto* tsa Jehova di tla ba teng ka ho sa feleng.+
Menahano ya pelo ya hae ha e fetohe ho tloha molokong o mong ho ya ho o mong.
12 Ho thaba setjhaba seo Modimo wa sona e leng Jehova,+Batho bao a ba kgethileng hore e be ba hae.+
13 Jehova o sheba fatshe a le lehodimong.
O bona bara bohle ba batho.+
14 O sheba ba dulang lefatshengA le sebakeng seo a dulang ho sona.
15 Ke yena ya bopang dipelo tsa bohle.
O hlahloba mesebetsi yohle ya bona.+
16 Morena ha a pholoswe ke ho ba le masole a mangata.+
Monna ya matla ha a pholoswe ke ho ba le matla a maholo.+
17 Pere e ke ke ya pholosa motho.*+
Matla a yona a maholo a ke ke a mo pholosa.
18 Leihlo la Jehova le shebile ba mo tshabang,+Ba emetseng hore a ba bontshe hore o a ba rata,*
19 Hore a ba pholose lefungLe hore a ba boloke ba phela ha ho ena le tlala.+
20 Re lebeletse hore Jehova a re thuse.
Ke mothusi wa rona le thebe ya rona.+
21 Dipelo tsa rona di thabile ka lebaka la haeKa ha re tshepile lebitso la hae le halalelang.+
22 Jehova, e se eka o ka re bontsha hore o a re rata*+Ha re ntse re o letetse.+
Dintlha tse qetellong ya sehloho
^ Kapa: “Lebohang.”
^ Kapa: “moya o halalelang.”
^ Kapa: “matlong a polokelo.”
^ Kapa: “Dikeletso.”
^ Kapa: “ya etsa hore motho a hlole.”
