Dipesaleme 37:1-40
Pesaleme ya Davida.
א [Aleph]
37 O se ke wa halefa ka lebaka la batho ba kgopo.
O se ke wa honohela ba etsang dintho tse mpe.+
2 Ba tla pona kapele jwalo ka jwang+Ba tla omella jwalo ka jwang bo botjha bo botala.
ב [Beth]
3 Tshepa Jehova mme o etse dintho tse ntle.+
Dula lefatsheng mme o tshepahale.+
4 Jehova o tla etsa hore o thabe haholo,O tla o fa dintho tseo pelo ya hao e di batlang.
ג [Gimel]
5 Tsebisa Jehova tsela ya hao.*+O itshetlehe ka yena mme o tla o thusa.+
6 O tla kgantsha diketso tsa hao tse lokileng jwalo ka ha letsatsi le tjhaba,A etse hore toka ya hao e be jwalo ka letsatsi la motshehare.
ד [Daleth]
7 Letela Jehova o kgutsitse,+O mo letele ka mamello.
O se ke wa halefiswa ke mothoYa atlehang ka maqheka a hae.+
ה [He]
8 Kgaotsa ho halefa, o tlohele bohale.+
O se ke wa halefa ebe o etsa dintho tse mpe.*
9 Ba etsang dintho tse mpe ba tla fediswa+Empa ba tshepileng Jehova, lefatshe e tla ba lefa la bona.+
ו [Waw]
10 Ho setse nakwana e seng kae mme batho ba kgopo ha ba sa tla hlola ba eba teng.+
O tla sheba moo ba neng ba le tengEmpa ba tla be ba le siyo.+
11 Le ha ho le jwalo, lefatshe e tla ba lefa la ba bonolo,+Ba tla thaba haholo hobane ho tla be ho rena kgotso.+
ז [Zayin]
12 Ya kgopo o rerela ya lokileng bobe,+O a halefa* ha a mo bona.
13 Empa Jehova o tla mo tshehaKa ha o a tseba hore le tla mo tjhabela.+
ח [Heth]
14 Ba kgopo ba ntshitse disabole tsa bona ebile ba kobile diqha tsa bonaHore ba dihe ba hateletsweng le ba futsanehilengLe hore ba bolaye ba etsang dintho tse lokileng.
15 Disabole tsa bona di tla ba hlaba dipelo.+
Diqha tsa bona di tla rojwa.
ט [Teth]
16 Dintho tse seng kae tsa ya lokileng di molemoHo feta maruo a ba bangata ba kgopo.+
17 Matla a ba kgopo a tla nkuwaEmpa Jehova o tla tshehetsa ba lokileng.
י [Yod]
18 Jehova o bona dintho tse etsahallang batho ba se nang molato,Lefa la bona e tla ba le sa feleng.+
19 Ba ke ke ba hlajwa ke dihlong nakong ya tlokotsi.
Ba tla ba le dijo tse ngata nakong ya tlala.
כ [Kaph]
20 Ba kgopo ba tla fediswa.+
Dira tsa Jehova di tla nyamela jwalo ka makgulo a matala.
Di nyamele jwalo ka mosi.
ל [Lamed]
21 Ya kgopo o a adima empa ha a kgutlise,Ya lokileng o mohau ebile o a fana.+
22 Lefatshe e tla ba lefa la batho bao Modimo a ba hlohonolofaditsengEmpa bao a ba rohakileng ba tla fediswa.+
מ [Mem]
23 Jehova o tataisa motho+Haeba a kgahlwa ke diketso tsa hae.+
24 Le ha a ka wa, a ke ke a otlana fatshe+Ka ha Jehova o mo tshehetsa ka letsoho la hae.+
נ [Nun]
25 Nkile ka ba motjha mme hona jwale ke tsofetseEmpa ha ke eso bone ya lokileng a lahlilwe+Kapa bana ba hae ba hloka dijo.*+
26 Ka mehla o adima ba bang ka mosa,+Modimo o tla hlohonolofatsa bana ba hae.
ס [Samekh]
27 Tlohela dintho tse mpe, o etse tse ntle+E le hore o tle o phele lefatsheng ka ho sa feleng.
28 Jehova o rata toka,A ke ke a tlohela batho ba hae ba tshepahalang.+
ע [Ayin]Ba tla dula ba sireleditswe.+
Empa ditloholo tsa ba kgopo di tla fediswa.+
29 Lefatshe e tla ba lefa la ba lokileng,+Ba tla phela ho lona ka ho sa feleng.+
פ [Pe]
30 Molomo wa ya lokileng o bua mantswe a bohlale,*Leleme la hae le bua dintho tse lokileng.+
31 Molao wa Modimo wa hae o ka pelong ya hae.+
Maoto a hae a ke ke a thella.+
צ [Tsade]
32 Ya kgopo o shebile ya lokileng,O batla ho mo bolaya.
33 Le ha ho le jwalo, Jehova a ke ke a tlohela ya lokileng matsohong a ya kgopo+Kapa a mo fumana a le molato ha a ahlola.+
ק [Qoph]
34 Tshepa Jehova, o latele tsela ya hae,O tla o tlotla mme lefatshe e tla ba lefa la hao.
O tla bona ha ba kgopo ba fediswa.+
ר [Resh]
35 Ke bone motho ya sehloho a bile a le kgopoA atleha jwalo ka sefate se behang haholo mobung wa sona.+
36 O ile a shwa ka tshohanyetso yaba ha a sa le yo.+
Ka nna ka mo batla empa ha ke a ka ka mo fumana.+
ש [Shin]
37 Ela hloko motho ya se nang molato,*O dule o shebile ya lokileng+Hobane motho eo o tla phela ka kgotso nakong e tlang.+
38 Batho bohle ba tlolang molao wa Modimo ba tla fediswa.
Batho ba kgopo ba tla timetswa.+
ת [Taw]
39 Jehova ke yena ya pholosang ba lokileng.+
Ke sebaka sa bona se sireletsehileng nakong ya mathata.+
40 Jehova o tla ba thusa a be a ba pholose.+
O tla ba pholosa a be a ba lopolle ho ba kgopoHobane ba balehela ho yena.+
Dintlha tse qetellong ya sehloho
^ Ka Seheberu: “Rolela tsela ya hao ho yena.”
^ Kapa mohlomong: “O se ke wa halefa ka ha seo se ka baka kotsi.”
^ Ka Seheberu: “o tsikitlanya meno.”
^ Kapa: “bohobe.”
^ Kapa: “ka lentswe le tlase.”
^ Kapa: “ya dulang a tshepahala.”
