Dipesaleme 51:1-19
Ho motsamaisi. Pina ya Davida ha moprofeta Nathane a ne a tlile ho yena ka mora hore Davida a robale le Bathe-sheba.+
51 Nkgauhele hle Modimo hobane o na le lerato.+
Hlakola melato ya ka hobane o mohau haholo.+
2 Ntlhatswisise phoso ya ka,+O ntlhwekise sebe sa ka.+
3 Ke tseba melato ya ka hantleEbile ke dula ke nahana ka sebe sa ka.*+
4 Ke sitetswe wena ho feta batho bohle.*+Ke entse dintho tse mpe mahlong a hao.+
Ka hoo, o nepile ha o bua,Kahlolo ya hao e nepahetse.+
5 Ke tswetswe ke ena le sebe,Ke bile le sebe ho tloha ha ke le ka popelong ya mme wa ka.+
6 O kgahlwa ke motho ya buang nnete ka pelong ya hae.+
Ruta pelo ya ka bohlale ba nnete.
7 Ntlhwekise, o tlose sebe sa ka ka hisopa e le hore ke hlweke.+
Ntlhatswe hore ke be mosweu ho feta lehlwa.+
8 Ntumelle hore ke utlwe medumo ya thabo le nyakalloE le hore ke tle ke thabe le hoja o silakantse masapo a ka.+
9 O se ke wa sheba dibe tsa ka,*+O hlakole diphoso tsohle tsa ka.+
10 Modimo, hlwekisa pelo ya ka,+O fetole tsela eo ke nahanang ka yona+ e le hore nka tshepahala.
11 O se ke wa nteleka ka pela hao.
O se ke wa tlosa moya wa hao o halalelang ho nna.
12 Kgutlisa thabo eo ke neng ke ena le yona ha o mpholosa.+
Etsa hore ke batle ho o mamela.
13 Ke tla ruta ba tlolang molao ditsela tsa hao+E le hore baetsadibe ba ka kgutlela ho wena.
14 Modimo, mpholose hore ke se ke ka eba le molato wa madi,+ Modimo wa ka ya mpholosang+E le hore nka bua ka toka ya hao ke thabile.+
15 Jehova hle, nthuse hore ke bueE le hore ke o rorise.+
16 Ha o batle sehlabelo, ho seng jwalo ke ne ke tla o fa sona.+
Ha o kgahliswe ke nyehelo e feletseng ya setjheso.+
17 Mahlabelo a kgahlisang Modimo ke ha motho a hlomohile.
Modimo, o ke ke wa iphapanyetsa* pelo e utlwileng bohloko le e sithabetseng.+
18 Etsetsa Sione se molemo.
Haha marako a Jerusalema.
19 Ka hoo, o tla thabela mahlabelo a ho loka,Mahlabelo a setjheso le dinyehelo tse feletseng.
Dipoho di tla nyehelwa aletareng ya hao.+
Dintlha tse qetellong ya sehloho
^ Kapa: “sebe sa ka se ka pela ka ka mehla.”
^ Ka Seheberu: “wena feela.”
^ Kapa: “Patela dibe tsa ka sefahleho sa hao.”
^ Kapa: “nyatsa.”
