Dipesaleme 56:1-13
Ho motsamaisi. E binwe ka modumo wa “Leeba le Kgutsitseng le Hole.” Pesaleme ya Davida. Miktame.* Ha Bafilista ba ne ba mo tshwara Gathe.+
56 Nkgauhele hle Modimo hobane batho ba a ntlhasela.*
Ba dula ba ntwantsha le ho nkgatella letsatsi lohle.
2 Dira tsa ka di dula di nkomanya letsatsi lohle.
Ba bangata ba ntwantsha ka boikgohomoso.
3 Ha ke tshohile,+ ke tshepa wena.+
4 Ke tshepa Modimo ebile ke rorisa lentswe la hae.
Ke tshepa Modimo. Ke ka hoo ke sa tshabeng letho.
Motho a ka nketsang?+
5 Ba mpakela mathata ka mehla.
Ba nahanne feela ka ho nketsa hampe.+
6 Ba a ipata hore ba ntlhasele.
Ba dula ba shebile metsamao ya ka+E le hore ba kgone ho mpolaya.+
7 O ba lahle hobane ba kgopo.
Modimo, diha ditjhaba ka bohale ba hao.+
8 O nkele hloko ha ke ntse ke lelera.+
O bokelle dikeledi tsa ka ka lekukeng* la hao.+
O ngotse matshwenyeho a ka bukeng ya hao.+
9 Dira tsa ka di tla baleha letsatsing leo ke hweletsang ke kopa thuso.+
Ke kgodisehile ka sena: Modimo o ka lehlakoreng la ka.+
10 Ke tshepa Modimo ebile ke rorisa lentswe la hae.
Ke tshepa Jehova ebile ke rorisa lentswe la hae.
11 Ke tshepa Modimo. Ke ka hoo ke sa tshabeng letho.+
Motho a ka nketsang?+
12 Modimo wa ka, ke tlameha ho etsa dintho tseo ke o tshepisitseng tsona.+
Ke tla o leboha.+
13 O mpholositse hore ke se ke ka shwa,+Wa thiba maoto a ka hore a se ke a kgoptjwa+E le hore ke tswele pele ke phela mme ke tsamaye ka pela hao Modimo.+
