Dipesaleme 60:1-12
Ho motsamaisi. E binwe ka modumo wa “Palesa* ya Kgopotso.” Miktame.* Pesaleme ya Davida. Bakeng sa ho ruta. Ha a ne a lwana le Arame-naharaime le Arame-Zoba mme Joabe a kgutla ho tla bolaya Baedomo ba 12 000 Kgohlong ya Letswai.+
60 Modimo, o re lahlile, o re qhalakantse.+
O ne o re halefetse empa re amohele hape.
2 O entse hore lefatshe le reketle, wa le petsola.
Lokisa dikgeo tsa lona hobane le a wa.
3 O entse hore batho ba hao ba be mathateng.
O re nwesitse veine e etsang hore re thekesele.+
4 Fa* batho ba o hlomphang* pontshoHore ba balehe le hore ba qobe seqha. (Selah)
5 Re pholose ka letsoho la hao le letona mme o re arabe+E le hore bahlanka ba hao bao o ba ratang ba ka pholoswa.
6 Modimo o buile a le kgalalelong ya hae* a re:
“Ke tla thaba, ke fane ka Shikeme e le lefa,+Ke tla metha Kgohlo* ya Sukothe.+
7 Gileade ke ya ka le Manase ke ya ka,+Efraime ke helmete* ya hlooho ya ka.
Juda ke lere la ka la bolaodi.+
8 Moabe ke sekotlolo seo ke hlatswetsang ho sona.+
Ke tla lahlela seeta* sa ka hodima Edomo,+Ke hweletse ke thabile hobane ke hlotse Filistia.”+
9 Ke mang ya tla ntlisa motseng o dikadikeditsweng?*
Ke mang ya tla etsa hore ke fihle Edomo?+
10 Na ha se wena Modimo wa ka?Empa jwale o re lahlile. Modimo wa rona ha o sa tsamaya le rona.+
11 Re thuse matshwenyehong a ronaHobane ho pholoswa ke batho ha ho na thuso.+
12 Modimo o tla re fa matla+Ebile o tla hatakela dira tsa rona.+
Dintlha tse qetellong ya sehloho
^ Kapa: “Kgahla.”
^ Kapa mohlomong: “O file.”
^ Kapa: “ba o tshabang.”
^ Kapa: “Phula.”
^ Kapa mohlomong: “sebakeng sa hae se halalelang.”
^ Ka Seheberu: “sebaka se sireletsehileng.”
^ Ka Seheberu: “moqathatso.”
^ Kapa mohlomong: “sireleditsweng.”
