Dipesaleme 68:1-35
Ho motsamaisi. Pesaleme ya Davida. Pina.
68 Modimo a ke a phahame, dira tsa hae di hasane,Ba mo hloileng ba ke ba balehe ka pela hae.+
2 Jwalo ka ha mosi o fokelwa hole, e se eka o ka ba leleka.
Jwalo ka ha mafura a qhibidiha mollong,E se eka batho ba kgopo ba ka fediswa ka pela Modimo.+
3 Empa ba lokileng ba ke ba thabe.+
Ba nyakalle ka pela Modimo.
Ba ke ba thabe haholo.
4 Binelang Modimo, binelang* lebitso la hae dipina tsa thoriso.+
Binelang ya fetang mahwatateng.*
Jah* ke lebitso la hae.+ Le thabe ka pela hae.
5 Modimo ke ntate wa dikgutsana* le mosireletsi* wa bahlolohadi+A le sebakeng sa hae se halalelang.+
6 Modimo o fa ba se nang ya ba thusang lehae.+
O lokolla batshwaruwa mme o etsa hore ba atlehe.+
Empa ba manganga* ba lokela ho dula naheng e omeletseng.+
7 Modimo, ha o ne o etella batho ba hao pele,+Ha o ne o tsamaya lehwatateng, (Selah)
8 Lefatshe le ile la reketla.+
Lehodimo la nesa pula ka lebaka la Modimo.
Sinai ena ya reketla ka lebaka la Modimo, Modimo wa Iseraele.+
9 Modimo, o ile wa etsa hore pula e ne haholo.
Wa fa batho ba hao ba kgathetseng matla.
10 Ba ile ba dula ditenteng tsa hao.+
O ile wa hlokomela ba futsanehileng hobane o molemo, Modimo.
11 Jehova o fana ka taelo,Basadi ba phatlalatsang ditaba tse monate ke lebotho le leholo.+
12 Marena le masole a ona a a baleha,+ a a baleha.
Mosadi ya setseng hae le yena o fumana karolo ya thepa e hapuweng.+
13 Le hoja lona banna le ne le robetse mollong,*Le tla fumana leeba leo mapheo a lona a kwahetsweng ka silevera,Le leo masiba a lona e leng a kgauta e hlwekisitsweng.*
14 Ha Ya Matla Ohle a hasanya marena a naha eo,+Lehlwa le ile la kgetheha Zalmone.*
15 Thaba ya Bashane+ ke thaba ya Modimo.*Thaba ya Bashane ke thaba ya ditlhoro.
16 Lona dithaba tse nang le ditlhoro, ke hobaneng ha le honohelaThaba eo Modimo a kgethileng* ho dula ho yona?+
Jehova o tla dula moo ka ho sa feleng.+
17 Dikariki tsa ntwa tsa Modimo di dikete tse mashome, di diketekete.+
Jehova o tlile sebakeng se halalelang a tswa Sinai.+
18 O nyolohetse hodimo.+
O nkile batshwaruwa.
Wa nka dimpho e leng banna,+Jah Modimo, o nkile le ba manganga+ hore ba dule hara bona.
19 E se eka Jehova ya re jarelang mojaro letsatsi le letsatsi,+ a ka roriswa,Modimo wa nnete ya re pholosang. (Selah)
20 Ho rona Modimo wa nnete ke ya re pholosang.+
Jehova Mmusi wa Dintho Tsohle o re pholosa lefung.+
21 Modimo o tla pshatla dihlooho tsa dira tsa haeE leng hlooho ya mang kapa mang ya ntseng a etsa dintho tse mpe.+
22 Jehova o itse: “Ke tla ba kgutlisa Bashane.+
Ke tla ba kgutlisa botebong ba lewatle
23 E le hore leoto la hao le ka hata madi a dira tsa hao+Le hore maleme a dintja tsa hao a tle a latswe madi a dira tsa hao.”
24 Ba bona mekoloko ya hao Modimo,Mekoloko ya batho ba Modimo wa ka, Morena wa ka, ba kena sebakeng se halalelang.+
25 Dibini di tsamaya ka pele, ba letsang diletsa tse dikgwele ba tla ka mora tsona.+
Dipakeng tsa bona ke barwetsana ba letsang meropa e menyenyane.+
26 Rorisang Modimo phuthehong e kgolo.
Rorisang Jehova, lona ba tswang Mohloding wa Iseraele.+
27 Benjamine+ e monyenyane o hlola batho,Dikgosana tsa Juda le letshwele la tsona le lerataHa mmoho le dikgosana tsa Zabulone le dikgosana tsa Nefthali.
28 Modimo wa hao o fane ka taelo ya hore o fuwe matla.
Modimo, bontsha matla a hao feela jwalo ka ha o ile wa a bontsha bakeng sa rona.+
29 Ka lebaka la tempele ya hao e Jerusalema,+Marena a tla o tlisetsa dimpho.+
30 Kgalemela dibata tsa mahlakengLe mohlape wa dipoho+ le manamane a tsona,Ho fihlela batho ba o kgumamela mme ba tlisa* dikotwana tsa silevera.
O hasanye batho ba ratang ntwa.
31 Dintho tsa boronse di tla tliswa* di tswa Egepeta.+
Kushe o tla potlakela ho fa Modimo dimpho.
32 Lona mebuso ya lefatshe, binelang Modimo,+Binelang* Jehova dithoriso, (Selah)
33 Ya palameng mahodimo a phahameng ao esale a le teng ho tloha kgale.+
Lentswe la hae le matla le duma jwalo ka seaduma.
34 Rorisang Modimo hobane o matla.+
O busa Iseraele,Matla a hae a mahodimong.*
35 Batho ba tshabe Modimo le ho mo hlompha a le sehalalelong sa hae se seholo.+
Ke Modimo wa Iseraele,Ya fang batho matla.+
Ho roriswe Modimo.
Dintlha tse qetellong ya sehloho
^ Kapa: “letsetsang.”
^ Kapa mohlomong: “marung.”
^ “Jah” ke kgutsufatso ya lebitso Jehova.
^ Kapa: “bana ba se nang bontate.”
^ Ka Seheberu: “moahlodi.”
^ Kapa: “marabele a.”
^ Kapa mohlomong: “masakeng a dinku.”
^ Kapa: “e botala bo bosehla.”
^ Kapa: “E ne eka lehlwa le kgethehile Zalmone.”
^ Kapa: “thaba e kgolo haholo.”
^ Kapa: “lakatsang.”
^ Kapa mohlomong: “ba hatakela.”
^ Kapa mohlomong: “Baemedi ba tla tswa.”
^ Kapa: “Letsang mmino.”
^ Ka Seheberu: “marung.”
