Dipesaleme 78:1-72
Maskile.* Pesaleme ya Asafe.+
78 Lona batho ba ka, mamelang molao* wa ka.
Mamelang mantswe a tswang molomong wa ka.
2 Ke tla bua maele ka molomo wa ka.
Ke tla bua dilotho tsa kgale.+
3 Dintho tseo re di utlwileng le tseo re di tsebang,Tseo bontate ba rona ba ileng ba re phetela tsona,+
4 Re ke ke ra di patela bara ba bona.
Re tla bolella moloko o tlang+Ka diketso tsa Jehova tse tshwanelwang ke thoriso le ka matla a hae,+Dintho tse hlollang tseo a di entseng.+
5 O file Jakobo taelo,*A fana ka molao Iseraele.
A laela baholoholo ba ronaHore ba bolelle bana ba bona ka dintho tsena+
6 E le hore moloko o tlang,Bana ba eso tswalwe, ba ka di tseba.+
Le bona ba tle ba di bolelle bana ba bona.+
7 Bana bao ba tla tshepa Modimo.
Ba ke ke ba lebala mesebetsi ya Modimo+Empa ba tla mamela ditaelo tsa hae.+
8 Ba ke ke ba tshwana le baholoholo ba bonaE leng moloko o manganga le o tletseng borabele,+Moloko o neng o dula o fetola maikutlo a wona*+Le o neng o sa tshepahalle Modimo.
9 Baefraime ba ne ba tshwere seqhaEmpa ba ile ba baleha ka letsatsi la ntwa.
10 Ha ba a ka ba tshepahalla selekane sa Modimo+Ebile ba ile ba hana ho mamela molao wa hae.+
11 Hape ba ile ba lebala dintho tseo a di entseng,+Mesebetsi ya hae e hlollang eo a ba bontshitseng yona.+
12 O entse dintho tse hlollang baholoholo ba bona ba ntse ba shebile,+Naheng ya Egepeta, sebakeng sa Zowane.+
13 A arola lewatle hore ba fete hara lona,A emisa metsi jwalo ka lebota.*+
14 A ba etella pele ka leru motshehareBosiu bohle a ba etella pele ka kganya ya mollo.+
15 A petsola mafika lefeelleng,A ba nwesa metsi ho fihlela ba kgotsofetse jwalo ka ha eka a tswa botebong ba lewatle.+
16 A etsa hore metsi a tswe lefikengLe hore a phalle jwalo ka dinoka.+
17 Empa ba ile ba nna ba mo sitelwaKa ho fetohela Ya Phahameng ka ho Fetisisa lehwatateng.+
18 Ba ile ba leka Modimo ka dipelong tsa bona+Ka ho batla dijo tseo ba di lakatsang.
19 Ka hoo, ba ile ba bua hampe ka Modimo,Ba re: “Na Modimo a ka kgona ho teka tafole lefeelleng?”+
20 O ile a otla lefikaYaba metsi a a phalla le dinokana tsa tlala.+
“Na a ka re fa le bohobeKapa a fa batho ba hae nama?”+
21 Ha Jehova a ba utlwa, a halefa.+
Mollo+ wa tukela Jakobo,A halefela Baiseraele+
22 Hobane ba ne ba sa dumele ho Modimo,+Ba sa tshepe hore a ka kgona ho ba pholosa.
23 A laela mahodimo a kwahetsweng ke maru,A bula mamati a lehodimo.
24 A nna a ba nesetsa manna hore ba je,A ba fa dijo* tsa lehodimo.+
25 Batho ba ne ba ja bohobe ba dinatla.*+O ne a ba fepa ho fihlela ba kgotshe.+
26 A fehla moya wa botjhabela mahodimongA etsa le hore moya wa borwa o foke ka matla a hae.+
27 A ba fa nama e ngata jwalo ka leroleLe dinonyana tse ngata jwalo ka lehlabathe la lewatle.
28 A di dihela hara ditente tsa hae,Ho potapota ditente tsa hae.
29 Ba ja mme ba se ke ba emisa le ha ba se ba kgotshe.
O ile a ba fa seo ba neng ba se lakatsa.+
30 Empa le pele ba kgotsofala,Ha dijo di ntse di le ka melomong ya bona,
31 Modimo a ba halefela haholo,+A bolaya banna ba bona ba matla ka ho fetisisa.+
A diha bahlankana ba Iseraele.
32 Ho sa tsotellehe sena, ba ile ba etsa sebe le ho feta.+
Ha ba a ka ba dumela ho Modimo le hoja ba bone mesebetsi ya hae e hlollang.+
33 A fedisa matsatsi a bona jwalo ka ha eka ke moya,+A fedisa le dilemo tsa bona ka koduwa ya tshohanyetso.
34 Empa ho sa tsotellehe hore na o ne a ba bolaya hangata hakae, ba ne ba dula ba mo kopa thuso,+Ba ne ba kgutla mme ba batla Modimo,
35 Ba hopola hore Modimo ke Lefika la bona+Le hore Modimo ya Phahameng ka ho Fetisisa ke Molopolli* wa bona.+
36 Empa ba ile ba leka ho mo thetsa ka melomo ya bonaLe ho mo bolella leshano ka maleme a bona.
37 Ba ne ba sa mo tshepahalle.+
Ba sa tshepahalle le selekane sa hae.+
38 Empa o ne a le mohau,+A ba tshwarela* diphoso tsa bona, a sa ba fedise.+
Hangata o ne a thiba bohale ba hae+Ho ena le ho ntsha kgalefo yohle ya hae.
39 O ne a hopola hore ke batho feela,+Moya o fokang o feta ebile o sa kgutle.*
40 Ba ne ba mo fetohela ka makgetlo a mangata lefeelleng+Ba bile ba mo utlwisa bohloko lehwatateng.+
41 Ba ne ba leka Modimo ka makgetlokgetlo,+Ba utlwisa Mohalaledi wa Iseraele bohloko.
42 Ha ba a ka ba hopola matla* a hae,Ba ile ba lebala letsatsi leo ka lona a ileng a ba pholosa* ho dira tsa bona,+
43 Ka moo a ileng a etsa dipontsho ka teng Egepeta,+Ka moo a ileng a etsa mehlolo ka teng sebakeng sa Zowane
44 Le ka moo a ileng a fetola melatswana ya Nile madi+E le hore ba se ke ba kgona ho nwa metsi a dinokana tsa bona.
45 A romela diboba* tse ngata haholo hore di ba lome+Le dinqanqane hore di ba fedise.+
46 A romela ditsie tse senyang hore di senye masimo a bonaLe ditsie tse ngata hore di senye dijalo tseo ba di sebeleditseng ka thata.+
47 O ile a senya difate tsa bona tsa morara ka sefako+Le difate tsa bona tsa sikamora ka majwe a sefako.
48 A bolaya diphoofolo tsa bona ka sefako,+A bolaya le diphoofolo tseo ba di ruileng ka lehadima.*
49 A ntshetsa bohale ba hae bo tukang ho bona,Kgalefo le tlokotsi,A romela dihlopha tsa mangeloi tse tlisang tlokotsi.
50 A lokolla bohale ba hae.
Ha a ka a ba sireletsa hore ba se ke ba shwa.
O ile a etsa hore ba tshwarwe ke bolwetse bo bolayang.
51 Qetellong a bolaya matsibolo ohle a Egepeta+E leng ba neng ba tswetswe pele ditenteng tsa Kama.
52 Ka mora moo, a ntsha batho ba hae jwalo ka mohlape+A ba tataisa jwalo ka dinku lefeelleng.
53 O ile a ba etella pele a ba sireleditse,Ba ne ba sa tshabe letho.+
Lewatle le ile la kwahela dira tsa bona.+
54 A ba tlisa sebakeng sa hae se halalelang,+Sebaka se dithaba seo a se hapileng ka letsoho la hae le letona.+
55 O ile a leleka ditjhaba ka pela bona.+
A ba abela lefa ka kgwele e lekanyang.+
A beha meloko ya Iseraele malapeng a yona.+
56 Empa ba nna ba leka Modimo ya Phahameng ka ho Fetisisa le ho mo fetohela.+
Ha ba a ka ba mamela dikgopotso tsa hae.+
57 Hape ba ne ba kgeloha mme ba le bolotsana jwalo ka baholoholo ba bona.+
Ba ne ba sa tshepahale jwalo ka seqha se sa tiyang.+
58 Ba nna ba mo sitelwa ka dibaka tsa bona tse phahameng+Le ho mo halefisa* ka ditshwantsho tsa bona tse betlilweng.+
59 Modimo a bona sena mme a halefa.+
Ka hoo, a lahla Baiseraele ka ho feletseng.
60 Qetellong a furalla tabernakele ya Shilo,+Tente eo a neng a dula ho yona hara batho.+
61 O ile a dumella letshwao le emelang matla a hae hore le iswe botlamuweng.
A dumella hore kganya ya hae e be letsohong la sera.+
62 A dumella hore batho ba hae ba bolawe ka sabole,+A halefela lefa la hae.
63 Mollo wa tjhesa bahlankana ba hae,Barwetsana ba hae ha ba a ka ba binelwa dipina tsa lenyalo.*
64 Baprista ba hae ba bolawa ka sabole,+Bahlolohadi ba bona ha ba a ka ba lla.+
65 Jehova a tsoha jwalo ka ha eka o ne a robetse,+Jwalo ka monna ya matla+ ya hlaphohelwang ka mora ho nwa veine e ngata.
66 A kgutlisetsa dira tsa hae morao.+
A di tlotlolla ka ho sa feleng.
67 A lahla tente ya Josefa.
Ha a ka a kgetha leloko la Efraime.
68 Empa a kgetha leloko la Juda,+Thaba ya Sione eo a e ratang.+
69 A etsa hore sehalalelo sa hae se dule se le teng jwalo ka mahodimo,*+Jwalo ka lefatshe leo a le tiisitseng hore le be teng ka ho sa feleng.+
70 A kgetha Davida+ mohlanka wa haeYaba o mo tlosa masakeng a dinku,+
71 Hore a se ke a hlola a hlokomela dinku tse anyesang.
A mo etsa modisa wa Jakobo e leng setjhaba sa hae+Le wa Iseraele e leng lefa la hae.+
72 O ile a ba disa ka botshepehi,+A ba tataisa ka boiphihlelo.+
Dintlha tse qetellong ya sehloho
^ Kapa: “taelo.”
^ Kapa: “kgopotso.”
^ Ka Seheberu: “o sa lokisa dipelo tsa wona.”
^ Kapa: “letamo.”
^ Kapa: “mangeloi.”
^ Kapa: “Mopheteletsi.”
^ Ka Seheberu: “A kwahela.”
^ Kapa mohlomong: “Hore moya o a tswa mme ha o kgutle.”
^ Ka Seheberu: “letsoho.”
^ Ka Seheberu: “lopolla.”
^ Mofuta wa ntsintsi e lomang.
^ Kapa mohlomong: “feberu e tjhesang.”
^ Kapa: “ho etsa hore a boulele.”
^ Ka Seheberu: “Barwetsana ba hae ha ba a ka ba roriswa.”
^ Ka Seheberu: “A haha sehalalelo sa hae feela jwalo ka dibaka tse phahameng.”
