Dipesaleme 8:1-9
Ho motsamaisi wa Gitithe.* Pina ya Davida.
8 Jehova Morena wa rona, lebitso la hao le hlompheha haholo lefatsheng lohle.O behile kganya ya hao ka hodimo ho mahodimo.*+
2 O bontsha matla a hao ka mantswe a tswang ho bana le masea+E le hore sera sa hao se kgopo le se o hanyetsangSe se ke sa kgona ho bua letho.
3 Ha ke bona mahodimo a hao, mesebetsi ya matsoho a hao,*Kgwedi le dinaledi tseo o di entseng,+
4 Motho keng hore o nne o mo hopoleLe mora motho keng hore o mo hlokomele?+
5 O mo entse ya tlasana ho mangeloi,*Wa mo fa kganya le ho hlompheha.
6 O mo file matla a ho laola dintho tseo o di bopileng.*+O behile dintho tsohle tlasa taolo ya hae:
7 Dinku, dipodi le dikgomo tsohleHa mmoho le diphoofolo tse hlaha,*+
8 Dinonyana tse sepakapakeng le ditlhapi tse lewatleng,Dintho tsohle tse phelang mawatleng.
9 Jehova Morena wa rona, lebitso la hao le hlompheha haholo lefatsheng lohle.
Dintlha tse qetellong ya sehloho
^ Kapa mohlomong: “Wena eo ho buuwang ka kganya ya hao ka hodima mahodimo.”
^ Ka Seheberu: “menwana ya hao.”
^ Kapa: “ho ba jwalo ka medimo.”
^ Ka Seheberu: “ho laola mesebetsi ya matsoho a hao.”
^ Ka Seheberu: “dibata tsa naha.”
